ଦୁନିଆରେ ସ୍ତ୍ରୀ-ସ୍ବାମୀ ସମ୍ପର୍କ ସବୁଠୁ ପବିତ୍ର ବୋଲି ଧରାଯାଏ। ବେଦୀ ଉପରେ ଅଗ୍ନିକୁ ସାକ୍ଷୀ ରଖି ଉଭୟ ସାତ ଜନ୍ମ ପାଇଁ ରହିବାର ଶପଥ ନିଅନ୍ତି। କିନ୍ତୁ ଆଜିକାଲି ବିବାହ ଏକ ପ୍ରହଶନରେ ପରିଣତ ହୋଇଛି। କିଛି ବ୍ୟକ୍ତି ନିଜ ସ୍ବାର୍ଥ ହାସଲ ପାଇଁ ବିବାହ ବନ୍ଧନରେ ଆବଦ୍ଧ ହୋଇଛନ୍ତି। ନିକଟରେ ଜଣେ ଯୁବତୀ ବ୍ରାଣ୍ଡନ ନାମକ ଯୁବକଙ୍କୁ ବିବାହ କରିଥିଲେ। କିନ୍ତୁ ବିବାହର କିଛି ଦିନ ପରେ ସେ ତାଙ୍କୁ ଧୋକା ଦେଇଥିବା ଯୁବତୀ ଜଣଙ୍କ କହିଥିଲେ। ସମ୍ପୃକ୍ତ ଯୁବତୀ ପୂର୍ବରୁ ବିବାହ କରିଥିଲେ। ତାଙ୍କର ଏକ ଝିଅ ମଧ୍ୟ ଅଛି। କିନ୍ତୁ ତାଙ୍କ ସ୍ବାମୀ ଛାଡିଦେବାରୁ ସେ ଏକୁଟିଆ ରହୁଥିଲେ। ଏହି ସମୟରେ ବ୍ରାଣ୍ଡନଙ୍କ ସହ ତାଙ୍କର ସାକ୍ଷାତ ହୋଇଥିଲା। ପରେ ଉଭୟଙ୍କ ପ୍ରେମ ସମ୍ପର୍କ ଆରମ୍ଭ ହୋଇଥିଲା। କିନ୍ତୁ ଯୁବତୀଙ୍କ ବନ୍ଧୁମାନେ ବ୍ରାଣ୍ଡନଙ୍କ ଠାରୁ ଦୂରେଇ ରହିବାକୁ ପରାମର୍ଶ ଦେଇଥିଲେ। କିନ୍ତୁ ଯୁବତୀ ଜଣଙ୍କ ତାଙ୍କ ପ୍ରେମରେ ଏତେ ଅନ୍ଧ ଥିଲେ ଯେ ବନ୍ଧୁଙ୍କ କଥା ଶୁଣି ନ ଥିଲେ। ବ୍ରାଣ୍ଡନ ତାଙ୍କ ଉପରେ ବିବାହ ଚାପ ପକାଉଥିଲେ। ଶେଷରେ ଉଭୟ ବିବାହ କରିଥିଲେ। ବିବାହ ପରେ ତାଙ୍କୁ ସିଙ୍ଗାପୁର ହନିମୁନ୍ ପାଇଁ ନେଇଥିଲେ। ସେଠାରେ ଏକ ଜରୁରୀ କାମ ଥିବା କହି ବ୍ରାଣ୍ଡନ ପଳାଇଥିଲେ। ସେ ଆସିବା ପରେ ଯୁବତୀ ଜଣଙ୍କ ତାଙ୍କ ପକେଟରୁ ଏକ ଚାବି ପାଇଥିଲେ। ସେହି ଚାବିରୁ ହିଁ ବ୍ରାଣ୍ଡନଙ୍କ ସବୁ ରାଜ୍ ଖୋଲିଥିଲା। ଚାବି କଥା ପଚାରିବାରୁ ବ୍ରାଣ୍ଡନ ଅନ୍ୟ ଯୁବତୀଙ୍କୁ ପ୍ରେମ କରୁଥିବା କହିଥିଲେ। ଏହି ସମୟରେ ଯୁବତୀଙ୍କ ପାଦ ତଳୁ ମାଟି ଖସିପଡିଥିଲା।
