କାର୍ଯ୍ୟ ବୋଝରେ ଠିକା ଶ୍ରମିକ

ବଅଁରପାଳ,୧ା୫ (ଡି.ଏନ.ଏ.): ଶ୍ରମିକଙ୍କ ବିନା ଦେଶର ଉନ୍ନତି ସମ୍ଭବ ନୁହେଁ। ଏହା ସତ୍ତ୍ୱେ ଶ୍ରମିକମାନେ ଆଜି ଅବହେଳିତ ଅବସ୍ଥାରେ ରହିଛନ୍ତି। ଦୀର୍ଘବର୍ଷ ହେଲା କାର୍ଯ୍ୟ କରିଆସୁଥିଲେ ହେଁ ଆବଶ୍ୟକ ପାରିଶ୍ରମିକ ଓ ସୁବିଧା ସୁଯୋଗ ସେମାନଙ୍କୁ ମିଳିପାରୁ ନ ଥିବା ଏବେ ବି ଅଭିଯୋଗ ହେଉଛି। ସେହିପରି ସ୍ଥାୟୀ ଶ୍ରମିକମାନେ ଅବସର ନେଉଥିବାବେଳେ ନୂତନ ନିଯୁକ୍ତି କ୍ଷେତ୍ରରେ ଅବହେଳା କରାଯାଉଥିବାରୁ ଦିନକୁ ଦିନ ଶ୍ରମିକଙ୍କ ସଂଖ୍ୟା ହ୍ରାସ ପାଇବାରେ ଲାଗିଛି। ଫଳରେ ଠିକା ଶ୍ରମିକମାନଙ୍କ ଉପରେ କାର୍ଯ୍ୟର ବୋଝ ବଢ଼ୁଛି। ଏପରି କି ଉତ୍ପାଦନ କ୍ଷେତ୍ର ମଧ୍ୟ ପ୍ରଭାବିତ ହେଉଛି। ଅନୁଗୋଳ ଜିଲାର ନବରତ୍ନ ମାନ୍ୟତାପ୍ରାପ୍ତ କମ୍ପାନୀ ନାଲ୍‌କୋ ଏହାର ଏକ ଉଦାହରଣ।
ଅନୁଗୋଳ ଜିଲାରେ ଥିବା ନାଲ୍‌କୋର ସିପିପି ଓ ସ୍ମେଲଟରରେ ସ୍ଥାୟୀ କର୍ମଚାରୀଙ୍କ ବ୍ୟତୀତ ୪ ହଜାରରୁ ଅଧିକ ଠିକା ଶ୍ରମିକ କାର୍ଯ୍ୟ କରୁଛନ୍ତି। ପ୍ଲାଣ୍ଟ ନିର୍ମାଣରେ ଏହି ଶ୍ରମିକମାନଙ୍କର ବହୁ ଅବଦାନ ରହିଛି। ହେଲେ କର୍ତ୍ତୃପକ୍ଷ ଅନେକ ସମୟରେ ଏହି ଠିକା ଶ୍ରମିକମାନଙ୍କ ପ୍ରତି ଅବହେଳା ପ୍ରଦର୍ଶନ କରୁଥିବା ନେଇ ଅଭିଯୋଗ ହେଉଛି। କୁଶଳୀ, ଅର୍ଦ୍ଧକୁଶଳୀ, ଅଣକୁଶଳୀ ଠିକାଶ୍ରମିକ କାର୍ଯ୍ୟରତ ଥିବାବେଳେ ଅନେକ ସମୟରେ କୁଶଳୀ ଶ୍ରମିକଙ୍କୁ ଅଣକୁଶଳୀଙ୍କ ପ୍ରାପ୍ୟ ଦିଆଯାଉଛି। ସେହିପରି ନିୟମ ଅନୁଯାୟୀ ମହିଳା ଶ୍ରମିକ କାର୍ଯ୍ୟ କରୁଥିଲେ ସେମାନଙ୍କ ଶିଶୁର ଲାଳନପାଳନ ନିମନ୍ତେ କାରଖାନା ପକ୍ଷରୁ ସାଧାରଣତଃ ଶିଶୁପାଳନ ଗୃହ ବା କ୍ରେଚ୍‌ କରାଯିବାର ଆବଶ୍ୟକତା ରହିଛି। ମହିଳା ଶ୍ରମିକମାନେ ପ୍ଲାଣ୍ଟକୁ ଯିବା ପୂର୍ବରୁ ଶିଶୁମାନଙ୍କୁ ଏହି ଗୃହରେ ଛାଡି ଯାଇଥାନ୍ତି। ମାତ୍ର ସିପିପି ଓ ସ୍ମେଲଟରରେ ଥିବା କ୍ରେଚ୍‌ରେ ଦୀର୍ଘବର୍ଷ ହେଲା ତାଲା ଝୁଲୁଛି। ୨୦୦୭ଠାରୁ ନୂତନ ନିଯୁକ୍ତି କ୍ଷେତ୍ରକୁ ଅଣଦେଖା କରାଯାଉଛି। କେବଳ କେତେଜଣ କ୍ଷତିଗ୍ରସ୍ତଙ୍କୁ ନିଯୁକ୍ତି ମିଳିଥିବା ବେଳେ ଅନ୍ୟମାନଙ୍କ ପାଇଁ ସୁଯୋଗ ପ୍ରାୟତଃ ନାହିଁ। ଏବେ ପ୍ରତ୍ୟେକ ମାସରେ ନାଲ୍‌କୋରୁ ୩୦ରୁ ୪୦ କର୍ମଚାରୀ ଅବସର ଗ୍ରହଣ କରୁଛନ୍ତି। ଯେଉଁ ଜମିହରା କ୍ଷତିଗ୍ରସ୍ତଙ୍କୁ ଚାକିରି ଦିଆଯାଇଛି ସେମାନଙ୍କ ମଧ୍ୟରୁ ଅନେକ ୩ରୁ ୪ ବର୍ଷ ମଧ୍ୟରେ ଅବସର ନେଇଯିବେ। ଏଥିଯୋଗୁ ପ୍ଲାଣ୍ଟରେ ମାନବ ସମ୍ବଳ କମିଯିବ। ବରିଷ୍ଠ ଓ ଅଭିଜ୍ଞ କର୍ମଚାରୀମାନେ ଚାକିରିରୁ ଅବସର ନେବା ପରେ ବହୁ ସମସ୍ୟା ଉପୁଜିବ। କିନ୍ତୁ ନୂତନ ନିଯୁକ୍ତି କ୍ଷେତ୍ରରେ ନାଲ୍‌କୋ କର୍ତ୍ତୃପକ୍ଷ ଏପର୍ଯ୍ୟନ୍ତ ସ୍ଥାୟୀ ପ୍ରତିକାର କରିପାରୁ ନାହାନ୍ତି। ତେଣୁ ଠିକା ଶ୍ରମିକମାନଙ୍କ ଉପରେ କାର୍ଯ୍ୟ ବୋଝ ଅଧିକ ପଡ଼ିବ ବୋଲି ଶ୍ରମିକ ନେତାମାନେ ମତ ପ୍ରକାଶ
କରିଛନ୍ତି। ଏ ସମ୍ପର୍କରେ ନାଲ୍‌କୋ ମାନବ ସମ୍ବଳ ବିଭାଗ ଉପମହାପ୍ରବନ୍ଧକ ସୁନୀଲ ମହାପାତ୍ର କହିଛନ୍ତି, ପ୍ରତ୍ୟେକ ମାସରେ ୩୦ରୁ ୪୦ କର୍ମଚାରୀ ଅବସର ନେଉଛନ୍ତି। ତେଣୁ ସ୍ଥାୟୀ କର୍ମଚାରୀଙ୍କ ସଂଖ୍ୟା ହ୍ରାସ ପାଉଛି। ନୂତନ ନିଯୁକ୍ତି ପାଇଁ ନାଲ୍‌କୋ କର୍ପୋରେଟ୍‌ ପକ୍ଷରୁ ନିର୍ଦ୍ଦେଶ ଆସିଲେ ସେ ଦିଗରେ ପଦକ୍ଷେପ ନିଆଯିବ।

ମାନବ ସମ୍ବଳ କମୁଛି
ନାଲ୍‌କୋ ସ୍ମେଲଟର ପ୍ଲାଣ୍ଟରେ ୨୬୦୦ ସ୍ଥାୟୀ କର୍ମଚାରୀ ଥିଲେ। ଏବେ ସେମାନଙ୍କ ସଂଖ୍ୟା ୧୬୦୦। ସେହିପରି ସିପିପିରେ ୧୨oo କର୍ମଚାରୀ ଥିଲେ। ଏବେ ମାତ୍ର ୪୭୮ ଜଣ କାର୍ଯ୍ୟରତ ଅଛନ୍ତି। ପ୍ଲାଣ୍ଟରେ ଧୀରେ ଧୀରେ ମାନବ ସମ୍ବଳ କମୁଥିବାରୁ ନୂତନ ନିଯୁକ୍ତି କ୍ଷେତ୍ରରେ ପ୍ରାଧାନ୍ୟ ଦିଆଯାଉ।
-ବିଭବ ଜେନା, ସାଧାରଣ ସମ୍ପାଦକ, ନାଲ୍‌କୋ ଶ୍ରମିକ କଂଗ୍ରେସ
ପ୍ରତିବାଦ ନିମନ୍ତେ ଶ୍ରମିକ ଏକତ୍ରିତ ହୁଅନ୍ତୁ
କର୍ମଚାରୀଙ୍କ ଦୀର୍ଘ ଦିନର ଦାବି ପ୍ରତି ନାଲ୍‌କୋ କର୍ତ୍ତୃପକ୍ଷ କର୍ଣ୍ଣପାତ କରୁନାହାନ୍ତି। କର୍ମଚାରୀଙ୍କ ସରଳତାର ଫାଇଦା ଉଠାଉଛନ୍ତି। ଶ୍ରମିକମାନେ ଏକତ୍ରିତ ହୋଇ ଏହାର ପ୍ରତିବାଦ କଲେ ସମସ୍ତ ଦାବି ପୂରଣ ହୋଇପାରିବ।
-ମନୋଜ ଅମାନ୍ତ, ସାଧାରଣ ସମ୍ପାଦକ, ବିଦ୍ୟୁତ୍‌ ମଜଦୁର ସଂଘ
ସ୍ବୀକୃତିପ୍ରାପ୍ତ ନିର୍ବାଚନ ହେଉନି
ଉଭୟ ସ୍ମେଲଟର ଓ ସିପିପିରେ ଦୀର୍ଘବର୍ଷ ହେଲା ସ୍ବୀକୃତିପ୍ରାପ୍ତ ସଂଘ ପାଇଁ ନିର୍ବାଚନ ହେଉନି। ଫଳରେ ଶ୍ରମିକ ସଙ୍ଗଠନ ଓ ନାଲ୍‌କୋ କର୍ତ୍ତୃପକ୍ଷଙ୍କ ମଧ୍ୟରେ କୌଣସି ଆଲୋଚନା ହୋଇପାରୁନାହିଁ। ଏଥିଯୋଗୁ ଶ୍ରମିକମାନଙ୍କ ସମସ୍ୟା ସମାଧାନ ହେଉନାହିଁ।
-ବୈରାଗୀ ସେଠ, ସାଧାରଣ ସମ୍ପାଦକ, ନେପୁ
ମୌଳିକ ଦାବି ପୂରଣ ହେଉନି
ନାଲ୍‌କୋରେ କର୍ମଚାରୀମାନଙ୍କ ଅନେକ ସମସ୍ୟା ରହିଛି। ଏ ନେଇ ବାରମ୍ବାର କର୍ତ୍ତୃପକ୍ଷଙ୍କ ନିକଟରେ ଦାବି ଉପସ୍ଥାପନ କରାଯାଉଛି। ହେଲେ ସେସବୁ ପୂରଣ କରିବା ଦିଗରେ କମ୍ପାନୀ ପକ୍ଷରୁ ପଦକ୍ଷେପ ନିଆଯାଉନାହିଁ।
-ମୁନା ସାମଲ, ସଭାପତି, ଆଲୁମିନିୟମ୍‌ ମଜଦୁର ସଂଘ


Enter your email to get our daily news in your inbox.

All Right Reserved By Dharitri.Com

ଦିଲ୍ଲୀରେ ଚାଞ୍ଚଲ୍ୟ: ଟ୍ରାଏଲ୍‌ ରୁମ୍‌ରେ ମହିଳା କର୍ମଚାରୀଙ୍କୁ ଗଳାକାଟି ହତ୍ୟା

ନୂଆଦିଲ୍ଲୀ,୧୫ା୧୧: ଦିଲ୍ଲୀର ଏକ ପୋଷାକ ଶୋ’ରୁମ୍‌ରେ କାମ କରୁଥିବା ଜଣେ ୧୮ ବର୍ଷୀୟା କର୍ମଚାରୀଙ୍କୁ ଟ୍ରାଏଲ୍‌ ରୁମ୍‌ରେ ଗଳାକାଟି ହତ୍ୟା କରାଯାଇଛି। ବ୍ୟକ୍ତିଗତ ସମ୍ପର୍କରେ ଫାଟ ଏବଂ…

ଏହି ୪ଟି ରାଶି ପାଇଁ ଆଗକୁ ରହିଛି କଠିନ ସମୟ, ସତର୍କ ନ ରହିଲେ ବଡ଼ ବିପଦ…

୧୬ ନଭେମ୍ବର ୨୦୨୬ରେ ସୂର୍ଯ୍ୟଦେବ ବିଛା ରାଶିକୁ ପ୍ରବେଶ କରିବେ। ଜ୍ୟୋତିଷ ଶାସ୍ତ୍ର ଅନୁସାରେ, ଏହି ଗୋଚରର ପ୍ରଭାବ କିଛି ରାଶିର ଜାତକଙ୍କ ଜୀବନରେ ପଡ଼ିପାରେ। ବିଶେଷକରି…

ଅତି ଖରାପ ସ୍ଥିତିରେ ଦିଲ୍ଲୀ ବାୟୁ ଗୁଣବତ୍ତା, ଘେରି ରହୁଛି ଧୂଳି, ଧୂଆଁର ଘନ ଆସ୍ତରଣ

ନୂଆଦିଲ୍ଲୀ,୧୫ା୧୧: ଦିଲ୍ଲୀର ବାୟୁ ଗୁଣବତ୍ତା ସୂଚକାଙ୍କ (ଏକ୍ୟୁଆଇ) ରବିବାର ସକାଳେ ଅଧିକାଂଶ ପର୍ଯ୍ୟବେକ୍ଷଣ କେନ୍ଦ୍ରରେ ଅତି ଖରାପ ଦର୍ଶାଇଥିବା ବେଳେ ୭ଟିରେ ଗମ୍ଭୀର ସ୍ଥିତି ଦର୍ଶାଇଛି। ମୋଟାମୋଟି…

ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ: ଏକାଠି ହେଲେ କନ୍ଧମାଳ,ଗଜପତିର ଆଦିବାସୀ ସମାଜ

ବ୍ରାହ୍ମଣୀଗାଁ,୧୫।୧୧(ମନୋରଞ୍ଜନ ରଣା): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅନ୍ତର୍ଗତ ବ୍ରାହ୍ମଣୀଗାଁ ଶିବ ମନ୍ଦିର ପଡ଼ିଆରେ ରବିବାର ଭଗବାନ ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ ପାଳିତ ହୋଇଯାଇଛି।…

ଗୁଣପୁରରେ ମହିଳାଙ୍କୁ ଧାରୁଆ ଅସ୍ତ୍ରରେ ମରଣାନ୍ତକ ଆକ୍ରମଣ

ଗୁଣପୁର,୧୫।୧୧(ସୁଜାତା ପାଢ଼ୀ): ରାୟଗଡ଼ା ଜିଲା ଗୁଣପୁର ଥାନା ଅନ୍ତର୍ଗତ ହାଉସିଂ ବୋର୍ଡ କଲୋନୀରେ ଜଣେ ମହିଳାଙ୍କୁ ମରଣାନ୍ତକ ଆକ୍ରମଣ ହୋଇଥିବା ଘଟଣା ସାମ୍ନାକୁ ଆସିଛି। ମିଳିଥିବା ସୂଚନା…

କେରଳ ହାଇକୋର୍ଟଙ୍କ ବଡ଼ ପ୍ରସ୍ତାବ, କିଶୋର ବୟସର ସୀମା ୧୮ରୁ ୧୬ ବର୍ଷକୁ ହ୍ରାସ….

କୋଚି,୧୫ା୧୧: ନାବାଳକ ବୟସ ସୀମାକୁ ନେଇ ବଡ଼ କଥା କହିଛନ୍ତି କେରଳ ହାଇକୋର୍ଟ । ଅପରାଧର ବଦଳୁଥିବା ସ୍ବରୂପ ଏବଂ ପିଲାମାନଙ୍କଠାରେ ଦେଖାଯାଉଥିବା ପରିପକ୍ୱତାକୁ ଦୃଷ୍ଟିରେ ରଖି…

ଠେଙ୍ଗାରେ ଆକ୍ରମଣ କରି ହତ୍ୟା ଉଦ୍ୟମ, ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୫।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ସାନଖେମୁଣ୍ଡି ବ୍ଲକ ଶ୍ରୀଚନ୍ଦନପୁର ଗ୍ରାମର ବିରୁପାକ୍ଷ ମହାପାତ୍ରଙ୍କୁ ଗ୍ରାମର ହିନ ଗଉଡ଼(୫୦) ଶନିବାର ଅପରାହ୍ନରେ ଏକ ଠେଙ୍ଗାରେ ଆକ୍ରମଣ କରି…

ମାଡ଼ି ଆସୁଛି ବାତ୍ୟା: ମୁକାବିଲା ପାଇଁ ଗଞ୍ଜାମ ପ୍ରଶାସନର ଆଗୁଆ ପ୍ରସ୍ତୁତି

ପୁରୁଷୋତ୍ତମପୁର,୧୫।୧୧(ସବିତା ମିଶ୍ର): ପୁଣି ଏକ ସାମ୍ଭାବ୍ୟ ବାତ୍ୟାର ମୁକାବିଲା ପାଇଁ ପୁରୁଷୋତ୍ତମପୁର ପ୍ରଶାସନ ପକ୍ଷରୁ ଆଗୁଆ ପ୍ରସ୍ତୁତି ସହ ବ୍ୟାପକ ସତର୍କତାମୂଳକ ପଦକ୍ଷେପ ଗ୍ରହଣ କରାଯାଇଛି। ଏନେଇ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?