ମୁମ୍ବାଇ:୨୦୨୦ ମସିହା ସମସ୍ତଙ୍କ ଜୀବନରେ ଆଣିଛି କିଛି ନା କିଛି ପରିବର୍ତ୍ତନ । ଏହାସହ ଯୋଡି ହୋଇ ଯାଇଥିବା ମହାମାରୀ କରୋନା ଅନେକଙ୍କ ଜୀବନ ଜୀବିକାକୁ ଛଡାଇ ନେଇଥିବା ବଳେ ଲୋକେ ବିଷମ ପରିସ୍ଥିତିର ସାମ୍ନା କରିଛନ୍ତି । ହେଲେ ଏହି ସମୟରେ ‘ରିଲ୍ ଲାଇଫ’ର କେତେଜଣ ହିରୋ ପାଲଟି ଯାଇଛନ୍ତି ‘ରିୟଲ ଲାଇଫ’ର ହିରୋ । ଏମିତି ଜଣେ ରିଲ୍ ଲାଇଫର ନାୟକ ହେଉଛନ୍ତି ସୋନୁ ସୁଦ । କରୋନା ମହାମାରୀ ସମୟରେ ଯେତେବେଳେ ସାରା ଦେଶରେ ଲକଡାଉନ୍ ଚାଲିଥିଲା ସେତେବେଳେ ସେ ଗରିବ ଓ ପ୍ରବାସୀଙ୍କ ପାଇଁ ସାଜିଥିଲେ ଦେବଦୂତ । ଆଗରୁ ସୋସିଆଲ ମିଡିହାରେ ସୋନୁ ଏତେଟା ଆକ୍ଟିଭ ନ ଥିବା ବେଳେ ଏହି ମହାମାରୀ ସମୟରେ ସେ କିନ୍ତୁ ସୋସିଆଲ ମିଡିଆ ସାହାଯ୍ୟରେ ଅନେକ ଲୋକଙ୍କୁ ବିଭିନ୍ନ ପ୍ରକାର ସାହାଯ୍ୟ ଯୋଗାଇ ଦେଇଥିଲେ । କାହାକୁ ଯାନବାହାନର ସୁବିଧା ତ ଆଉ କାହାକୁ ରୋଜଗାରର ସୁବିଧା ପୁଣି କାହାକୁ ପରିବହନ ସୁବିଧା । ଯାହା ପାଇଁ ଆଜି ସୋନୁ ସୁଦ ଖୁବ୍ ଚର୍ଚ୍ଚାରେ ।
ହ୍ରିତିକ ରୋଶନ: କରୋନା ମହାମାରୀ ସମୟରେ ମଧ୍ୟ ଏହି ନାୟକଙ୍କ ବଦାନ୍ୟତା ଦେଖିବାକୁ ମିଳିଥିଲା । ସେ ଏହି ସମୟରେ ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କ ରିଲିଫ ଫଣ୍ଡକୁ ମୋଟା ଅଙ୍କର ଅର୍ଥ ଦାନ କରିଥିଲେ । ଏହାସହ ଫ୍ରଣ୍ଟ ଲାଇନ୍ ୱାରିୟର୍ସଙ୍କ ସୁରକ୍ଷା ପାଇର୍ ଭିନ୍ନ ଭିନ୍ନ ସୁରକ୍ଷା ସରଞ୍ଜାମ ଯୋଗାଇ ଆସିଥିଲେ ଚର୍ଚ୍ଚାକୁ । ଏହାସହ ରୋଜଗାର ହରାଇଥିବା କେତେଜଣ ନୃତ୍ୟ ଶିଳ୍ପୀଙ୍କୁ ବି ସେ ବଢାଇଥିଲେ ସହଯୋଗର ହାତ ।
ଅକ୍ଷୟ କୁମାର: ବଲିଉଡ୍ ଖିଲାଡି ବୟ ଅକ୍ଷୟ କୁମାର କରୋନା ମହାମାରୀ ସମୟରେ ଆସିଥିଲେ ଚର୍ଚ୍ଚାକୁ । ଏହି ସମୟରେ ସେ କରୋନା ପୀଡ଼ିତଙ୍କ ସହାୟତା ପାଇର୍ ପିଏମ୍ କେୟାର୍ସ ଫଣ୍ଡକୁ ୨୫ କୋଟି ଟଙ୍କା ଦାନ ଦେଇଥିବା କୁହାଯାଏ ।
ସଲମାନ ଖାଁ: ବଲିଉଡ୍ ଦବଙ୍ଗ ନାୟକ ସଲମାନଙ୍କ ଖାଁଙ୍କ ହୃଦୟ ବି ଛୋଟ ନୁହେଁ । କରୋନା ମହାମାରୀ ସମୟରେ ସେ ନିଜ ଆୟରୁ ୨୫ ହଜାର ଗରିବଙ୍କୁ ଖାଦ୍ୟ ଯୋଗାଇ ଦେବା ଓ ଅର୍ଥରାଶି ମଧ୍ୟ ପ୍ରଦାନ କରିଥିଲେ । ଏହି ସମୟରେ ସେ ‘ବିଙ୍ଗ ହଙ୍ଗ୍ରି’ ନାମକ ଫୁଡ୍ ଟ୍ରକ୍ ବାହାର କରିଛନ୍ତି ।
ପ୍ରଭାସ: କରୋନା ମହାମାରୀ ସମୟରେ ଲୋକଙ୍କୁ ସହଯୋଗ କରିବା ତାଲିକାରେ ରହିଛନ୍ତି ସାଉଥ୍ ଷ୍ଟାର ପ୍ରଭାସ । କରୋନା ମହାମାରୀ ସହ ଲଢିବାକୁ ପ୍ରଭାସ ଆନ୍ଧ୍ର ପ୍ରଦେଶ ଓ ତେଲେଙ୍ଗାନା ମୁଖ୍ୟମନ୍ତ୍ରୀଙ୍କ ରିଲିଫ ପଣ୍ଡକୁ ୫୦ ଲକ୍ଷ ଟଙ୍କା ଦାନ କରିଛନ୍ତି । ଏମାନଙ୍କ ବଦାନ୍ୟତା ଏବେ ଏମାନଙ୍କ ପାଇଁ ଏକ ନୂଆ ପରିଚୟ ସୃଷ୍ଟି କରିଛି ।
