ଭୁବନେଶ୍ୱର: ମଙ୍ଗଳବାର ସୁନା ଦର ୧୨ ଶହ ଟଙ୍କା ହ୍ରାସ ଘଟିଛି। ଫଳରେ ଭୁବନେଶ୍ୱର ଓ ଏହାର ଦର ୪୯,୪୨୦ ଟଙ୍କା ସ୍ତରକୁ ଖସିଛି। ସପ୍ତାହ ମଧ୍ୟରେ ସୁନା ଦର ପ୍ରାୟ ପ୍ରାୟ ୩୨ ଶହରୁ ୩୫ ଶହ ଟଙ୍କା କମିଛି। ଏହା ପୂର୍ବରୁ ସୁନା ଏବଂ ରୁପା ଦରରେ ଲଗାତର ବୃଦ୍ଧି ହୋଇ ଆସୁଥିଲା। ସାରା ଦେଶରେ ସୁନା ପ୍ରାୟ ୧ ହଜାର ଟଙ୍କାରୁ ଊର୍ଦ୍ଧ୍ୱ ହ୍ରାସ ହୋଇଛି। ସେହିଭଳି ରୁପା ଦର କିଲୋ ପିଛା ୧୫୮୮ ଟଙ୍କା ହ୍ରାସ ହୋଇଛି। କିଛି ସ୍ଥାନରେ ସୁନା ଦର ୪୯ ହଜାରଠାରୁ ନିମ୍ନରେ ରହିଛି। ଏହାବାଦ ରୁପା ଦର ୫୯,୩୦୧ ସ୍ତରକୁ ଖସିଥିବା ଜଣାପଡିଛି। ବିଶ୍ୱ ବଜାରରେ ସୁନା ଦର କମିବା ଯୋଗୁ ଭାରତ ବଜାରରେ ଦରରେ ଏଭଳି ପରିବର୍ତ୍ତନ ଆସିଛି। କରୋନା ଭାକ୍ସିନ ଆସିବା ନେଇ ଆଶା ଜନ୍ମିବାରୁ ସୁନା ଦର ହ୍ରାସ ହେଉଥିବା ବିଶେଷଜ୍ଞ କହିଛନ୍ତି। ସୂଚନାଯୋଗ୍ୟ, ଅନ୍ତର୍ଜାତୀୟ ବଜାରରେ ସୁନା ଦର ପ୍ରାୟ ୨% ହ୍ରାସ ହୋଇଛି।
