ଛୋଟବେଳେ ଆପଣ ନିହାତି ସ୍ପାଇଡର ମ୍ୟାନ ବିଷୟରେ ଶୁଣିଥିବେ। ସ୍ପାଇଡର ମ୍ୟାନର ଭିନ୍ନ ଅନ୍ଦାଜ ସହ ବୁଢିଆଣୀ ପରି କାନ୍ଥରେ ଚାଲିବାକୁ ସମସ୍ତେ ପସନ୍ଦ କରନ୍ତି। ସିଏ ତ ଗଲା କାର୍ଟୁନ କିମ୍ବା ଫିଲ୍ମ ଦୁନିଆର କଥା ହେଲେ ରିଅଲ ଲାଇଫରେ ସ୍ପାଇଡରମ୍ୟାନ ଥିବା ନେଇ କେବେ ଚିନ୍ତା କରିଛନ୍ତି? ଆଜ୍ଞା ହଁ। ରିଅଲ ଲାଇଫରେ ମଧ୍ୟରେ ମଧ୍ୟ ସ୍ପାଇଡର ମ୍ୟାନ ଅଛନ୍ତି। ଆସନ୍ତୁ ଜାଣିବା ତାଙ୍କ ବିଷୟରେ।
ଏହି ରିଅଲ ଲାଇଫ ସ୍ପାଇଡର ମ୍ୟାନ ହେଉଛନ୍ତି ୩୬ ବର୍ଷିୟ ଆରୋନ ଫିନିକ୍ସ। ସେ ପ୍ରାୟ ୭୦୦ରୁ ଅଧିକ ବୁଢିଆଣୀ ପାଳିଛନ୍ତି। ତେବେ ଏହା ତାଙ୍କର ପାଗଳାମି ନୁହେଁ ତାହା ତାଙ୍କର ଏକ ପ୍ରକାର ନିଶା। ଏବେ ବି ସେ ବିଭିନ୍ନ ପ୍ରଜାତିର ବୁଢିଆଣୀ ଖୋଜିବା ନିଶାକୁ ଜାରି ରଖିଛନ୍ତି। କହି ରଖୁଛୁ କି, ଫିନିକ୍ସ ବାଇପୋଲାରରେ ପୀଡିତ। ଡାକ୍ତରଙ୍କ ପରାମର୍ଶ କ୍ରମେ ସେ ଏପରି ନିଶା ଆରମ୍ଭ କରିଛନ୍ତି। ଫିନିକ୍ସ କେବଳ ବୁଢିଆଣୀ ପାଳିଛନ୍ତି ତାହା ନୁହେଁ ସ୍ପାଇଡର୍ ଷ୍ଟୋର ମଧ୍ୟ ଖୋଲିଛନ୍ତି। ତାଙ୍କର ଏକ ୱେବସାଇଟ ରହିଛି। ଯେଉଁଠି ସେ ସବୁ ପ୍ରକାର ସ୍ପାଇଡର ଉପରେ ବର୍ଣ୍ଣନା କରିଛନ୍ତି। ସେ କେବଳ ବୁଢିଆଣୀ ନୁହେଁ ତାଙ୍କର ଖାଦ୍ୟ ରୂପେ କୀଟ ମଧ୍ୟ ରଖିଛନ୍ତି।
