ଭୂବନେଶ୍ୱର ,୧୧।୧୨: ଓଡ଼ିଶା ସରକାରଙ୍କ ମିଶନ ଶକ୍ତି ବିଭାଗ ଜୋତା ଉପତ୍ାଦନ କ୍ଷେତ୍ରରେ ବଜାର କୈନ୍ଦ୍ରିକ ଦକ୍ଷତା ଏବଂ ଉଦ୍ୟୋଗ ପ୍ରୋତ୍ସାହନ ମାଧ୍ୟମରେ ଏସ୍ଏଚ୍ଜି ମହିଳା ସଦସ୍ୟମାନଙ୍କ ପାଇଁ ଜୀବିକା ସୁଯୋଗ ବୃଦ୍ଧି କରିବା ଲାଗି ରବର, କେମିକାଲ ଆଣ୍ଡ ପେଟ୍ରୋକେମିକାଲ ସ୍କିଲ୍ ଡେଭ୍ଲପ୍ମେଣ୍ଟ କାଉନ୍ସିଲ (ଆର୍ସିପିଏସ୍ଡିସି) ସହ ସହଭାଗିତା କରିଛି। ଏପରିକି ଆସନ୍ତା ୨ ବର୍ଷ ମଧ୍ୟରେ ୨୦୦୦ଏସ୍ଏଚ୍ଜି ସଦସ୍ୟଙ୍କୁ ଆର୍ସିପିଏସ୍ଡିସି ଦ୍ୱାରା ଜୋତା ଉପତ୍ାଦନ (ହାୱାଇ ସ୍ଲିପର) କ୍ଷେତ୍ରରେ ପ୍ରଶିକ୍ଷଣ ପ୍ରଦାନ କରାଯିବ ଏବଂ ସେମାନଙ୍କୁ ନିଜର କ୍ଷୁଦ୍ର ଉପତ୍ାଦନ ଆସେମ୍ବ୍ଲି ୟୁନିଟ୍ ଆରମ୍ଭ କରିବା ପାଇଁ ସଶକ୍ତ କରାଯିବ। ଏଥିପାଇଁ ଓଡ଼ିଶା ସରକାରଙ୍କ ମିଶନ ଶକ୍ତି ବିଭାଗର ରାଜ୍ୟ ମିଶନ ନିର୍ଦ୍ଦେଶକ ତଥା ସିଇଓ ମାନ୍ସୀ ନିମ୍ଭାଲ ଏବଂ ଆର୍ସିପିଏସ୍ଡିସିର ସିଇଓ ସୈଫ୍ ମହମ୍ମଦଙ୍କ ମଧ୍ୟରେ ମେକ୍ ଇନ୍ ଓଡ଼ିଶା କନ୍କ୍ଲେଭରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉପସ୍ଥିତିରେ ଏକ ବୁଝାମଣା ପତ୍ର (ଏମ୍ଓୟୁ) ସ୍ବାକ୍ଷର ହୋଇଛି। ଏ ସମ୍ପର୍କରେ ଆର୍ସିପିଏସ୍ଡିସି ସିଇଓ ସୈଫ୍ ମହମ୍ମଦ କହିଛନ୍ତି, ଏକ ବିସ୍ତୃତ ଦକ୍ଷତା ପ୍ରଶିକ୍ଷଣ କାର୍ଯ୍ୟକ୍ରମରେ ଏସ୍ଏଚ୍ଜି ମହିଳା ସଦସ୍ୟଙ୍କୁ କଞ୍ଚାମାଲ ହାସଲ କରିବାଠାରୁ ଆରମ୍ଭକରି ସଂରକ୍ଷଣ, ଉପତ୍ାଦନ, ଗୁଣବତ୍ତା ଯାଞ୍ଚ, ପ୍ୟାକେଜିଂ, ଓୟାରହାଉସିଂ, ବିକ୍ରି, ବୁକ୍କିପିଙ୍ଗ୍ ଓ ବ୍ୟାଙ୍କିଙ୍ଗ୍ ପର୍ଯ୍ୟନ୍ତ ଜୋତା ଉପତ୍ାଦନର ସମସ୍ତ ଦିଗରେ ପ୍ରଶିକ୍ଷିତ କରାଯିବ। ଦକ୍ଷତା ପ୍ରଶିକ୍ଷଣ ବ୍ୟତୀତ ଆର୍ସିପିଏସ୍ଡିସି ଏସ୍ଏଚ୍ଜି କିମ୍ବା ଉପତ୍ାଦକ ଗୋଷ୍ଠୀଗୁଡ଼ିକୁ ବଡ଼ ରିଟେଲର କିମ୍ବା ରପ୍ତାନି ସଂସ୍ଥାଗୁଡିକ ସହ କାମ ପାଇଁ ସଂଯୋଗ କରାଯିବ।
