‘ଖଣି-ନିର୍ମାଣ ଶିଳ୍ପରେ ଓଡ଼ିଶାର ଭୂମିକା ଗୁରୁତ୍ୱପୂର୍ଣ୍ଣ’

ଭୂବନେଶ୍ୱର ,୧୧।୧୨: ସାରା ଭାରତରେ ପ୍ରାକୃତିକ ସମ୍ପଦ ଭରପୁର ରହିଛି, ବିଶେଷ କରି ଖଣି ଓ ଖଣିଜ ଜାତ ସମ୍ପଦ ଦେଶର ବିଭିନ୍ନ ରାଜ୍ୟରେ ବର୍ତ୍ତମାନ ମଧ୍ୟ ବହୁଳ ପରିମାଣରେ ମହଜୁଦ ରହିଛି। ଏପରି କି ଉଭୟ ଇସ୍ପାତ ଉପତ୍ାଦନ ଏବଂ ଆଲୁମିନା ରୂପାନ୍ତରର ମୂଲ୍ୟ ଦୃଷ୍ଟିରୁ ଭାରତ ଏକ ଅନନ୍ୟ ସୁବିଧାଜନକ ସ୍ଥିତିରେ ରହିଛି। ଏହାର ସୁବିଧାଜନକ ଅବସ୍ଥିତି କାରଣରୁ ଏଠାରୁ ଦ୍ରୁତ ସମ୍ପ୍ରସାରଣଶୀଳ ଏସୀୟ ବଜାରଗୁଡ଼ିକୁ ଏବଂ ଅନ୍ୟତ୍ର ରପ୍ତାନି ଅଭିବୃଦ୍ଧି ନିମନ୍ତେ ବିପୁଳ ସମ୍ଭାବନା ରହିଛି। ସେହିଭଳି ୨୦୨୧-୨୨ ଆର୍ଥିକ ବର୍ଷରେ ଭାରତର ମୋଟ ୧୪୨୫ଟି ଖଣି କାର୍ଯ୍ୟରତ ଥିବା ଆକଳନ କରାଯାଇଥିଲା। ସେଥି ମଧ୍ୟରୁ ୫୨୫ଟି ଧାତବ ଏବଂ ୭୨୦ ଅଣ ଧାତବ ଖଣିଜ ଥିବା ଖଣି ଅନ୍ତର୍ଭୁକ୍ତ ରହିଛି। ଅପରପକ୍ଷରେ ଚଳିତ ବର୍ଷ ଡିସେମ୍ବର ୨୨ରୁ ୨୪ ତାରିଖ ପର୍ଯ୍ୟନ୍ତ ଭୁବନେଶ୍ୱର ସ୍ଥିତ ବରମୁଣ୍ଡା ପଡ଼ିଆରେ ଏକ ବିଶ୍ୱସ୍ତରୀୟ ମାଇନିଂ ଓ ଆନୁଷଙ୍ଗିକ ଶିଳ୍ପ ପ୍ରଦର୍ଶନୀ ସାଙ୍ଗକୁ ଏକ ସ୍ବତନ୍ତ୍ର ଆନ୍ତର୍ଜାତିକ ବି୨ବି ଟ୍ରେଡ୍‌ ଶୋ’ ଓଡ଼ିଶା ମାଇନିଂ ଆୟୋଜିତ ହେବାକୁ ଯାଉଛି। ସେହିପରି ଓଡ଼ିଶା ମାଇନିଂରେ ଖଣି ସମ୍ପର୍କିତ ଉପତ୍ାଦ, ସେବା ଏବଂ ସମଗ୍ର ବିଶ୍ୱସ୍ତରରେ ହେଉଥିବା ଯୋଗାଣର ସର୍ବାଧୁନିକ ଏବଂ ପୂର୍ଣ୍ଣାଙ୍ଗ ସମ୍ଭାର ସ୍ଥାନ ପାଇବ। ଓଡ଼ିଶାରେ ପ୍ରାୟ ୨୫୦ ବିଭିନ୍ନ ପ୍ରକାର ଖଣି ରହିଛି। ଦେଶରେ ଏକ ଖଣିଜ ସମୃଦ୍ଧ ରାଜ୍ୟ ଭାବରେ ଓଡ଼ିଶା ଏକ ଗୁରୁତ୍ୱପୂର୍ଣ୍ଣ ସ୍ଥାନ ଗ୍ରହଣ କରୁଛି ଏବଂ ସେଥିପାଇଁ ଏହାର ପ୍ରଚୁର ପ୍ରାକୃତିକ ସମ୍ପଦର ମୁଖ୍ୟ ଭୂମିକା ରହିଛି। ରାଜ୍ୟରେ ଉଚ୍ଚମାନର ଲୁହାପଥର, ବକ୍ସାଇଟ, କ୍ରୋମାଇଟ ଏବଂ ମାଙ୍ଗାନିଜ ପଥର ସହ କୋଇଲା, ଚୂନପଥର, ଡୋଲୋମାଇଟ, ଟିଣ, ନିକେଲ, ଭାନାଡିୟମ, ସୀମା, ଗ୍ରାଫାଇଟ, ସୁନା, ଜେମ୍‌ଷ୍ଟୋନ, ହୀରା, ଡାଇମେନସନ ଓ ଡେକୋରେଟିଭ ପଥର ବିପୁଳ ପରିମାଣରେ ଗଚ୍ଛିତ ରହିଛି। ଫଳସ୍ବରୂପ ଇସ୍ପାତ, ଫେରୋ ଆଲୟେଜ, ସିମେଣ୍ଟ, ଆଲୁମିନା-ଆଲୁମିନିୟମ, ରିଫ୍ରାକ୍ଟୋରିଜ, ତାପଜ ଶକ୍ତି ଆଦି ଉପତ୍ାଦନ ନିମନ୍ତେ ଖଣିଜଭିତ୍ତିକ ବ୍ୟବସାୟର ଅବସ୍ଥିତି ଏବଂ ତାହା ସହ ଅଧିକ ଅକ୍‌ଜିଲାରି ଏବଂ ଆନୁଷଙ୍ଗିକ ଡାଉନଷ୍ଟ୍ରିମ୍‌ କ୍ଷେତ୍ର ସ୍ଥାପନ ଉଲ୍ଲେଖନୀୟ ଭାବରେ ଅଧିକ ସମ୍ଭବ ହୋଇପାରିଛି। ଏ ସମ୍ପର୍କରେ ଫ୍ୟୁଚରେକ୍ସ ଗ୍ରୁପ୍‌ର ଡାଇରେକ୍ଟର ନମିତ ଗୁପ୍ତା କହିଛନ୍ତି, ଦେଶର ଜିଡିପି ଅଭିବୃଦ୍ଧି, ବିଦେଶୀ ମୁଦ୍ରା ଉପାର୍ଜନ କ୍ଷେତ୍ରରେ ପ୍ରମୁଖ ପ୍ରଭାବ ପକାଇବା ସାମର୍ଥ୍ୟ ଏହି କ୍ଷେତ୍ରର ରହିଛି ଏବଂ ନିର୍ମାଣ, ଭିିତ୍ତିଭୂମି, ଯାନବାହନ ଓ ବିଦ୍ୟୁତ୍‌ ଆଦି ବାସ୍ତବ ବ୍ୟବହାର୍ଯ୍ୟ କ୍ଷେତ୍ରକୁ ଆବଶ୍ୟକ କଞ୍ଚାମାଲ ସୁଲଭ ମୂଲ୍ୟରେ ଯୋଗାଇଦେଇ ସେଗୁଡିକୁ ପ୍ରତିଦ୍ୱନ୍ଦ୍ୱିତା କରିବା ନିମନ୍ତେ ଏହା ସମର୍ଥ। ବର୍ଦ୍ଧିତ ସଂଖ୍ୟାରେ ଯାନବାହନ ତିଆରି ଏବଂ ନୂତନ ଭିିତ୍ତିଭୂମି ନିର୍ମାଣ ଦ୍ୱାରା ଏହି କ୍ଷେତ୍ରର ସମ୍ପ୍ରସାରଣକୁ ଇନ୍ଧନ ମିଳୁଛି। ଶକ୍ତି ଓ ସିମେଣ୍ଟ ଶିଳ୍ପ ସହ ସଂଯୁକ୍ତ ଶିଳ୍ପଗୁଡିକର ସମ୍ପ୍ରସାରଣ ମଧ୍ୟ ଏହି କ୍ଷେତ୍ରର ସଫଳତା କ୍ଷେତ୍ରରେ ଅବଦାନ ରଖୁଛି। ମୋଟ ଉପରେ ଉଭୟ ଆବାସିକ ଏବଂ ବ୍ୟବସାୟିକ ସାୈଧ ସମେତ ନିର୍ମାଣ ଶିଳ୍ପରେ ଆଶା ଉଚ୍ଚସ୍ତରରେ ରହିଛି ଏବଂ ଏହା ଲାୈହ ଓ ଇସ୍ପାତର ପ୍ରଚଳିତ ଚାହିଦା ସ୍ତର ବଜାୟ ରଖିବା ଆଶା କରାଯାଉଛି। ଓଡ଼ିଶାରେ ଉଲ୍ଲେଖନୀୟ ପରିମାଣରେ ଭିିତ୍ତିଭୂମି ନିର୍ମାଣ ନିମନ୍ତେ ରାଷ୍ଟ୍ରର ଅନ୍ୟତମ ଆଦ୍ୟ ରାଷ୍ଟ୍ରୀୟ ନିର୍ମାଣ କମ୍ପାନୀ ଓଡ଼ିଶା ନିର୍ମାଣ ନିଗମ ଲିମିଟେଡ୍‌ (ଓସିସି ଲିମିଟେଡ୍‌) ୧୯୬୨ରେ ସ୍ଥାପିତ ହୋଇଥିଲା। ଏହା ପ୍ରାରମ୍ଭରୁ ଯାନ୍ତ୍ରିକ ଏବଂ ନିର୍ମାଣ ବିଲ୍‌ଡିଂ ପ୍ରକଳ୍ପଗୁଡିକୁ ସମ୍ପୂର୍ଣ୍ଣ କରିବା ଉପରେ ବିଶେଷ ଦୃଷ୍ଟିନିବଦ୍ଧ କରିଥିଲା। ଓଡ଼ିଶା ବିଲ୍‌ଡକନ-୨୦୨୨ରେ ନିର୍ମାଣ ଏବଂ କୋଠାବାଡ଼ି ନିର୍ମାଣ ଶିଳ୍ପକୁ ଗୁରୁତ୍ୱ ଦିଆଯିବ। ଓଡ଼ିଶାର ସର୍ବବୃହତ୍‌ କାଷ୍ଠ ଓ କାଷ୍ଠନିର୍ମିତ ସାମଗ୍ରୀର ପ୍ରଦର୍ଶନୀ ପ୍ରଦର୍ଶନକାରୀ ଏବଂ ଯୋଗଦେଉଥିବା ବ୍ୟକ୍ତିଙ୍କୁ ସେମାନଙ୍କ ନିଜ ମଧ୍ୟରେ ନେଟ୍‌ୱର୍କ ସ୍ଥାପନ, ସେମାନଙ୍କ ଉପତ୍ାଦ ପ୍ରଦର୍ଶନ, ନୂଆ ଗ୍ରାହକ ଆକୃଷ୍ଟ କରିବା, ପୁଞ୍ଜିନିବେଶ କରିବା ଏବଂ ପୂର୍ବାପେକ୍ଷା ଅଧିକ ବେଗରେ ବଜାରରେ ଅଗ୍ରଗତି ନିମନ୍ତେ ସୁଯୋଗ ଦେବ। ଭାରତରେ ଖଣିଜ ଓ ଧାତୁ ଶିଳ୍ପ ପାଇଁ ବିଶ୍ୱ ଦୃଶ୍ୟପଟ, ନୂତନ ଯୁଗର ଖଣିଜ ପଦାର୍ଥ, ଚାହିଦା-ଯୋଗାଣ-ବାଣିଜ୍ୟ ଦୃଶ୍ୟପଟ ଏବଂ ଖଣିଜ ଓ ଧାତୁ- ପ୍ରଯୁକ୍ତିଗତ ନବସୃଜନ ଏବଂ ଭାରତୀୟ ଖଣିଜ ଓ ଧାତୁ କ୍ଷେତ୍ରରେ ଅଭିବୃଦ୍ଧିକୁ ସୁଗମ କରିବା ପାଇଁ ସମର୍ଥକାରୀ ଦିଗ ଭଳି ବିଷୟ ଉପରେ ଏହି ଦୁଇଦିନିଆ ସମ୍ମିଳନୀରେ ଆଲୋଚନା କରାଯିବ।ସମସ୍ତ ପ୍ରକାର ନିର୍ମାଣ ଉପକରଣ, ଖଣିଜ ପ୍ରଯୁକ୍ତି, ସ୍ଥାପତ୍ୟ ଓ ନିର୍ମାଣ ସର୍ତ୍ତାବଳୀ, କାଷ୍ଠ ଓ କାଷ୍ଠନିର୍ମିତ ଉପତ୍ାଦଗୁଡ଼ିକ ଅଂଶଗ୍ରହଣକାରୀ କମ୍ପାନୀଗୁଡିକ ପକ୍ଷରୁ ଏଥିରେ ପ୍ରତିନିଧିତ୍ୱ ରହିବ।


Enter your email to get our daily news in your inbox.

All Right Reserved By Dharitri.Com

ନିର୍ବାଚନବେଳେ ଜବତ ମଦ-ଟଙ୍କା କିଏ ରଖନ୍ତି, ଜାଣିଲେ ହୋଇଯିବେ ତାଜୁବ

ନୂଆଦିଲ୍ଲୀ,୨୮।୩: ଦେଶରେ ଲୋକ ସଭା ନିର୍ବାଚନ ପାଇଁ ବାଜିସାରିଛି ବିଗୁଲ । ଲୋକ ସଭା ନିର୍ବାଚନର ତାରିଖ ମଧ୍ୟ ନିର୍ବାଚନ ଆୟୋଗ ଘୋଷଣା କରିଛନ୍ତି। ଏହା...

ଗ୍ରାହକଙ୍କୁ ଝଟ୍‌କା ଦେଲା SBI, ଏପ୍ରିଲ ପହିଲାରୁ…

ନୂଆଦିଲ୍ଲୀ,୨୮।୩: ଦେଶର ସର୍ବବୃହତ ସରକାରୀ ବ୍ୟାଙ୍କ ଷ୍ଟେଟ୍‌ ବ୍ୟାଙ୍କ ଅଫ୍‌ ଇଣ୍ଡିଆ ଏହାର ଗ୍ରାହକଙ୍କୁ ଦେଇଛି ବଡ଼ ଝଟ୍‌କା। ବ୍ୟାଙ୍କ ଡେବିଟ୍‌ କାର୍ଡ ଉପରେ ମେନ୍ଟେନାନ୍ସ...

ପଣ୍ୟ ପରିବହନରେ ପୂର୍ବତଟ ରେଳପଥର ରେକର୍ଡ

ଭୁବନେଶ୍ୱର,୨୮।୩(ଅନୁରାଧା ମହାରଣା): ଗତ ଆର୍ଥିକ ବର୍ଷ ଭଳି ଚଳିତ ଆର୍ଥିକ ବର୍ଷରେ ମଧ୍ୟ ପୂର୍ବତଟ ରେଳପଥ ପଣ୍ୟ ପରିବହନରେନୂତନ ରେକର୍ଡ ହାସଲ କରିଛି। ୨୦୨୩ ଏପ୍ରିଲ...

ଏପ୍ରିଲ ୩ ରୁ ପ୍ରଥମ ଏମ୍‌ପିସି ବୈଠକ

ଭୁବନେଶ୍ୱର,୨୮।୩(ଅନୁରାଧା ମହାରଣା): ୨୦୨୪-୨୫ ଆର୍ଥିକ ବର୍ଷର ପ୍ରଥମ ମୁଦ୍ରାନୀତି କମିଟି (ମନିଟାରି ପଲିସି କମିଟି ବା ଏମ୍‌ପିସି) ବୈଠକ ଏପ୍ରିଲ ୩ରୁ ଆରମ୍ଭ ହେବ ବୋଲି...

ବାଲ୍‌କୋକୁ ଏଏସ୍‌ଆଇ ପ୍ରଦର୍ଶନ ମାନକ ଭି୩ ପ୍ରମାଣପତ୍ର

ଭୁବନେଶ୍ୱର, ୨୮।୩ (ଅଭୟ ଦାଶ): ଦେଶର ଆଇକନିକ୍‌ ଆଲୁମିନିୟମ ଉତ୍ପାଦକ ତଥା ବେଦାନ୍ତ ଆଲୁମିନିୟମର ପ୍ରମୁଖ ୟୁନିଟ୍‌ ଭାରତ ଆଲୁମିନିୟମ କମ୍ପାନୀ ଲିମିଟେଡ୍‌ ବା ବାଲ୍‌କୋକୁ...

ଓ୍ବିକେଣ୍ଡ ଥିବା ସତ୍ତ୍ୱେ ମାର୍ଚ୍ଚ ୩୦-୩୧ରେ ଖୋଲା ରହିବ ଏସବୁ ବ୍ୟାଙ୍କ, ଜାଣନ୍ତୁ କରିପାରିବେ କେଉଁ କାମ…

ନୂଆଦିଲ୍ଲୀ,୨୬।୩: ସରକାରୀ ବ୍ୟାଙ୍କ ରସିଦ ଏବଂ ଦେୟ ପରିଚାଳନା କରୁଥିବା ସମସ୍ତ ଏଜେନ୍ସି ବ୍ୟାଙ୍କ ମାର୍ଚ୍ଚ ୩୦(ଶନିବାର ଏବଂ ୩୧(ରବିବାର) ବ୍ୟବସାୟ ପାଇଁ ଖୋଲା ରହିବ।...

ପଣ୍ୟ ପରିବହନରେ ପୂର୍ବତଟ ରେଳପଥର ରେକର୍ଡ

ଭୁବନେଶ୍ୱର,୨୫।୩(ଅଭୟ ଦାଶ): ପୂର୍ବତଟ ରେଳପଥ ୨୦୨୩-୨୪ ଆର୍ଥିକ ବର୍ଷରେ ପଣ୍ୟ ପରିବହନରେ ସମସ୍ତ ରେକର୍ଡ ଅତିକ୍ରମ କରିଛି। ୨୦୨୩ ଏପ୍ରିଲ ୧ରୁ ୨୦୨୪ ମାର୍ଚ୍ଚ ୨୫...

ସୁବ୍ରତଙ୍କୁ ଓଡ଼ିଶା ଉଦ୍ୟୋଗୀ ପୁରସ୍କାର

ଭୁବନେଶ୍ୱର,୨୫।୩: ରାଜ୍ୟର ପ୍ରମୁଖ ଘରୋଇ ସଂସ୍ଥା ତଥା ଷ୍ଟଲଓ୍ବାର୍ଟ ପ୍ରୋଜେକ୍ଟସ ପ୍ରାଇଭେଟ ଲିମିଟେଡର ଏମ୍‌ଡି ସୁବ୍ରତ ଦାସଙ୍କୁ ନିକଟରେ ଆଉ ଏକ ସମ୍ମାନ ପ୍ରଦାନ କରାଯାଇଛି।...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri