କୋଲକାତା,୨୧ା୧୦: ଚଳିତବର୍ଷ କରୋନା ମହାମାରୀ ଯୋଗୁ ଦଶହରା ମହୋତ୍ସବ ଫିକା ପଡ଼ିବ। ମାତ୍ର ସମସ୍ତ ରୀତି ନୀତି ଅନୁଯାୟୀ ପୂଜା ପାଇବେ ମା’। ଏହି ପରିପ୍ରେକ୍ଷୀରେ ରାବଣ ପୋଡ଼ି କୋଲକାତାରେ ସିଧା ପ୍ରସାରଣ ହେବ ବୋଲି ଆୟୋଜକ କମିଟିର ସଦସ୍ୟ ସୂଚନା ଦେଇଛନ୍ତି। ଅକ୍ଟୋବର ୨୬ ସନ୍ଧ୍ୟାରେ ସଲ୍ଟ ଲେକ୍ ସେଣ୍ଟ୍ରାଲ ପାର୍କରେ ରାବଣର ୨୦ ଫୁଟ ଉଚ୍ଚତା ବିଶିଷ୍ଟ ଏକ ମୂର୍ତ୍ତି କରାଯିବ।
କମିଟି ମୁଖପାତ୍ର କହିଛନ୍ତି ଯେ, ପୂର୍ବ ବର୍ଷ ତୁଳନାରେ ଚଳିତବର୍ଷ ଲିଙ୍କ୍ରେ କ୍ଲିକ୍ କରି ହଜାର ହଜାର ଲୋକ ଏହି କାର୍ଯ୍ୟକ୍ରମକୁ ଡିଜିଟାଲରେ ଦେଖିପାରିବେ। ଏହି ସ୍ଥାନରେ ହଜାର ହଜାର ଲୋକ ରାବଣ ପୋଡ଼ି ଦେଖିବାକୁ ପହଞ୍ଚୁଥିଲେ। ମାତ୍ର ଚଳିତବର୍ଷ କରୋନା ମହାମାରୀ ଯୋଗୁ ଘରେ ବସି ଏହାକୁ ଉପଭୋଗ କରପାରିବେ। କମିଟିର ମୁଖପାତ୍ର କହିଛନ୍ତି, ଆମକୁ ଏହି କାର୍ଯ୍ୟକ୍ରମ କରିବାକୁ ଅନୁମତି ଦିଆଯାଇଛି, କିନ୍ତୁ ଆମକୁ ଏହି କାର୍ଯ୍ୟକ୍ରମକୁ ସରଳ ଢଙ୍ଗରେ କରିବାକୁ କୁହାଯାଇଛି। କେବଳ କମିଟିର କାର୍ଯ୍ୟନିର୍ବାହୀ ସଦସ୍ୟମାନେ ଉପସ୍ଥିତ ରହିବେ ଏବଂ ସମଗ୍ର କାର୍ଯ୍ୟକ୍ରମ ସାଧାରଣ ଲୋକଙ୍କ ପାଇଁ ସିଧା ପ୍ରସାରଣ ହେବ।
ସେ କହିଛନ୍ତି, କମିଟି ପକ୍ଷରୁ ରାବଣ, ମେଘନାଦ ଏବଂ କୁମ୍ଭକର୍ଣ୍ଣଙ୍କ ପ୍ରତିଛବି କରାଯାଇ ପୋଡ଼ାଯିବ। ଏହା ଦ୍ୱାରା କରୋନା ଭୂତାଣୁ ମଧ୍ୟ ଜଳିଯିବାକୁ ଭଗବାନଙ୍କ ନିକଟରେ ପ୍ରାର୍ଥନା କରାଯିବ।
ସୂଚନାଯୋଗ୍ୟ, କୋଲକାତା ହାଇକୋର୍ଟ ସାଧାରଣ ପୂଜା ପେଣ୍ଡାଲରେ କୌଣସି ଭକ୍ତ ପ୍ରବେଶ କରିପାରିବେନି ବୋଲି ନିର୍ଦ୍ଦେଶ ଦେଇଛନ୍ତି। ବଡ଼ ପେଣ୍ଡାଲରେ ୧୦ ମିଟର ଦୂରରେ ରହି ଭକ୍ତମାନେ ଦେବୀଙ୍କ ଦର୍ଶନ ଲାଭ କରିପାରିବେ।
