ମୁମ୍ବାଇ: ଅଭିନେତ୍ରୀ ରଶ୍ମିକା ମନ୍ଦାନାଙ୍କଠାରୁ ୮୦ ଲକ୍ଷ ଟଙ୍କା ଠକେଇ କରାଯାଇଥିବା ଅଭିଯୋଗ ହୋଇଛି। ରିପୋର୍ଟ ଅନୁଯାୟୀ, ତାଙ୍କ ମ୍ୟାନେଜର ତାଙ୍କ ସହ ଏହି ଜାଲିଆତି କରିଛନ୍ତି। ଏହା ପରେ ରଶ୍ମିକା ତାଙ୍କ ମ୍ୟାନେଜରଙ୍କୁ ବରଖାସ୍ତ କରିଛନ୍ତି। ଏହି ମ୍ୟାନେଜର ଦୀର୍ଘ ଦିନ ଧରି ରଶ୍ମିକାଙ୍କ ସହ କାମ କରୁଥିଲେ। ରଶ୍ମିକା ବର୍ତ୍ତମାନ ଏହି ଘଟଣା ବିଷୟରେ କିଛି କରୁନାହାଁନ୍ତି ଏବଂ ଏ ପର୍ଯ୍ୟନ୍ତ ସେ ଏ ସମ୍ପର୍କରେ କୌଣସି ସରକାରୀ ବିବୃତ୍ତି ଦେଇନାହାଁନ୍ତି।
ପ୍ରକାଶ ଯେ, ରଶ୍ମିକାଙ୍କ ମ୍ୟାନେଜର ତାଙ୍କୁ ୮୦ଲକ୍ଷ ଟଙ୍କା ଠକିଛନ୍ତି। ନିଜେ ଏହି ପ୍ରସଙ୍ଗରେ କାର୍ଯ୍ୟାନୁଷ୍ଠାନ ଗ୍ରହଣ କରି ସେ ମ୍ୟାନେଜରଙ୍କୁ କାମରୁ ହଟାଇ ଦେଇଛନ୍ତି। ରଶ୍ମିକାଙ୍କ ଶେଷ ରିଲିଜ ହୋଇଥିବା ଚଳଚ୍ଚିତ୍ରଟି ହେଲା ‘ମିଶନ ମଜନୁ’। ଏବେ ତାଙ୍କୁ ରଣବୀର କପୁରଙ୍କ ସହ ଫିଲ୍ମ ‘ଏନିମଲ’ରେ ଦେଖିବାକୁ ମିଳିବ। ଏହାର ନିର୍ଦ୍ଦେଶନା ଦେଇଛନ୍ତି ସନ୍ଦୀପ ରେଡ୍ଡୀ ଭଙ୍ଗା। ଏହି ଫିଲ୍ମରେ ଅନିଲ କପୁର ଏବଂ ବବି ଦେଓଲ ଅଛନ୍ତି। ଏହି ଫିଲ୍ମ ୧୧ ଅଗଷ୍ଟରେ ମୁକ୍ତିଲାଭ କରିବ।
