ନୂଆଦିଲ୍ଲୀ,୬।୧୦: ପୂର୍ବତନ କେନ୍ଦ୍ରମନ୍ତ୍ରୀ କାଜି ରଶିଦ ମାସୁଦଙ୍କ ଉତ୍ତରାଖଣ୍ଡର ରୁର୍କିସ୍ଥିତ ଏକ ଘରୋଇ ହସ୍ପିଟାଲରେ ସୋମବାର ସକାଳେ ଦେହାନ୍ତ ହୋଇଯାଇଛି। ତାଙ୍କୁ ୭୩ ବର୍ଷ ବୟସ ହୋଇଥିଲା। ଏ ସମ୍ପର୍କରେ ତାଙ୍କ ପୁତୁରା ତଥା କଂଗ୍ରେସ ନେତା ଇମ୍ରାନ ମାସୁଦ ସୂଚନା ଦେଇଛନ୍ତି। ଶାହାରନ୍ପୁର ଜିଲାର ଗାଙ୍ଗୋରେ ଥିବା ନିଜ ବାସଭବନଠାରେ ତାଙ୍କ ଶେଷକୃତ୍ୟ ସମ୍ପନ୍ନ କରାଯିବ। ଅଗଷ୍ଟ ୨୭ରେ ରଶିଦ କରୋନାରେ ଆକ୍ରାନ୍ତ ହୋଇ ସୁସ୍ଥ ହୋଇଥିଲେ। ପରେ ତାଙ୍କ ତଣ୍ଟି ଦରଜ ହେବାରୁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା। ୧୯୪୭ରେ ଜନ୍ମିତ ରଶିଦ ଉତ୍ତରପ୍ରଦେଶ ରାଜନୀତିରେ ଏକ ଦଶନ୍ଧିରୁ ଊର୍ଦ୍ଧ୍ୱକାଳ ପ୍ରମୁଖ ଦାୟିତ୍ୱରେ ରହିଥିଲେ। ୯ ଥର ଏମ୍ପି ହେବା ସହ ଭି.ପି. ସିଂ ସରକାରରେ କେନ୍ଦ୍ରମନ୍ତ୍ରୀ ଭାବେ କାର୍ଯ୍ୟ କରିଥିଲେ। ୨୦୦୭ରେ ନ୍ୟାଶନାଲ ପ୍ରୋଗ୍ରେସିଭ୍ ଆଲିଆନ୍ସ (ଏନ୍ପିଏ)ରୁ ସେ ଉପରାଷ୍ଟ୍ରପତି ପଦ ଲାଗି ପ୍ରାର୍ଥୀ ମଧ୍ୟ ହୋଇଥିଲେ।
