ଭୁବନେଶ୍ୱର,୩।୨:ରାଜ୍ୟର ପ୍ରମୁଖ ଘରୋଇ ଚିକିତ୍ସାଳୟ ସନ୍ସାଇନ୍ ହସ୍ପିଟାଲ ଭୁବନେଶ୍ୱର ନିକଟରେ ଆଉ ଏକ ବିରଳ ଅସ୍ତ୍ରୋପଚାର ସଫଳାତାର ସହ କରିଥିବା ଜଣାପଡ଼ିଛି। ବିଶେଷକରି ରୋବୋଟିକ ଜରିଆରେ ଉକ୍ତ ଅସ୍ତ୍ରୋପଚାର କରାଯାଇଥିବା ହସ୍ପିଟାଲ ପକ୍ଷରୁ କୁହାଯାଇଛି। ଉଲ୍ଲେଖଯୋଗ୍ୟ, ଭୁବନେଶ୍ୱରର ଲକ୍ଷ୍ମୀସାଗରସ୍ଥିତ ସନ୍ସାଇନ୍ ହସ୍ପିଟାଲରେ ବାଲେଶ୍ୱର ଜିଲାର ୫୨ବର୍ଷୀୟା ଶାନ୍ତିଲତା ଦାସ ଜାନୁୟାରୀ ୨୯ରେ ସନ୍ସାଇନ ହସ୍ପିଟାଲର ଅସ୍ଥି ଶଲ୍ୟ ବିଭାଗର ଡା. ଚନ୍ଦନ କୁମାର ପଣ୍ଡାଙ୍କ ପରାମର୍ଶ ଅନୁଯାୟୀ ତାଙ୍କର କିଛି ପରୀକ୍ଷା ଏବଂ ଡିଜିଟାଲ ଏକ୍ସ-ରେ କରାଯାଇଥିଲା। ଡାକ୍ତରଙ୍କ ପରାମର୍ଶ ଓ ସମସ୍ତ ପରୀକ୍ଷା ପରେ ରୋଗୀର ରୋବୋଟିକ ଅସ୍ତ୍ରୋପଚାର ସଫଳତାର ସହ କରାଯାଇଥିଲା। ଏହି ପରିପ୍ରେକ୍ଷୀରେ ସନ୍ସାଇନ ହସ୍ପିଟାଲ ପକ୍ଷରୁ ନିକଟରେ ଏକ ଖବରଦାତା ସମ୍ମିଳନୀ କରାଯାଇଥିଲା। ଉକ୍ତ ସମ୍ମିଳନୀରେ ଡା.ପଣ୍ଡା ରୋଗୀ, ରୋଗୀ ଓ ରୋବୋଟିକ ଅସ୍ତ୍ରୋପ୍ରଚାର ବିଷୟରେ ବିସ୍ତୃତ ସୂଚନା ପ୍ରଦାନ କରିଥିଲେ। ସେହିଭଳି ଡା. ପ୍ରଫୁଲ୍ଲ କୁମାର ସାହୁ ହସ୍ପିଟାଲରେ ଉପଲବ୍ଧ ସମସ୍ତ ଚିକିତ୍ସା ସୁବିଧା ବିଷୟରେ ଆଲୋକପାତ କରିଥିଲେ। ପରିଶେଷରେ ଅନୁଷ୍ଠାନର ସିଇଓ ଭିନୀତ ସାଇନ୍ ରୋବୋଟିକ ସର୍ଜରି ଆସନ୍ତା ପିଢ଼ି ପାଇଁ ଏକ ବିଶେଷ ସ୍ଥାନ ନେବାରେ ଅନେକ ସହାୟ ହେବ ବୋଲି ମତବ୍ୟକ୍ତ କରିଛନ୍ତି।
