ଅଭିନେତ୍ରୀ ଆଲିଆ ଭଟ୍ଟ ନିକଟରେ କନ୍ୟା ସନ୍ତାନର ମା’ ହୋଇଛନ୍ତି। ଝିଅ ଜନ୍ମପରେ ପିତା ରଣବୀର କପୁର ମଧ୍ୟ ବେଶ୍ ଖୁସି ଅଛନ୍ତି। ଆଲିଆ ଗର୍ଭବତୀ ଥିବାବେଳେ ରଣବୀର ଝିଅ ଚାହୁଁଥିବା ଖୋଲାଖୋଲି ଭାବେ ସ୍ବୀକାର କରିଥିଲେ। ଏବେ ତାଙ୍କର ଇଚ୍ଛା ମଧ୍ୟ ପୂରଣ ହୋଇଛି। ନଭେମ୍ବର ୬ରେ ଆଲିଆ ଡାକ୍ତରଖାନାରୁ ଡିସଚାର୍ଜ ହେବା ପରେ ଘରକୁ ଯାଇଥିଲେ। ଏଠାରେ କପୁର ଏବଂ ଭଟ୍ଟ ପରିବାର ଏକତ୍ର ଛୋଟ ରାଜକୁମାରୀଙ୍କୁ ସ୍ବାଗତ କରିଥିଲେ ଏବଂ ସମସ୍ତେ ବହୁତ ଖୁସି ଥିଲେ। ଝିଅ ଜନ୍ମରେ ସମଗ୍ର ପରିବାର ଅତ୍ୟନ୍ତ ଆନନ୍ଦିତ ଥିଲେ, କିନ୍ତୁ ରଣବୀର ନିଜ ଶିଶୁ କନ୍ୟାକୁ ଦେଖିବା ପରେ ଭାବପ୍ରବଣ କରିଥିଲେ। କିନ୍ତୁ ପିତା ରଣବୀର ପ୍ରଥମ ଥର ପାଇଁ ତାଙ୍କ ରାଜକୁମାରୀଙ୍କୁ ନିଜ କୋଳରେ ଧରିବା ମାତ୍ରେ ଖୁସିରେ କାନ୍ଦିଥିଲେ। ତାଙ୍କ ଆଖିରୁ ଲୁହ ଥମି ନ ଥିଲା। ରଣବୀର କାନ୍ଦୁଥିବା ଦେଖି ସମସ୍ତେ ଆଖିରେ ଲୁହ ଆସିଗଲେ।
ରଣବୀର ଆଲିଆ ତାଙ୍କ ଇନଷ୍ଟାଗ୍ରାମରେ ତାଙ୍କ ରାଜକୁମାରୀଙ୍କ ଆଗମନ ବିଷୟରେ ଘୋଷଣା କରିଥିଲେ। ଏହାପୂର୍ବରୁ ରଣବୀର କପୁରଙ୍କ ମା’ ନୀତୁ କପୁର ମଧ୍ୟ ଆଲିଆ ଏବଂ ଶିଶୁ କନ୍ୟାଙ୍କ ସ୍ବାସ୍ଥ୍ୟାବସ୍ଥା ସମ୍ପର୍କରେ ଗଣମାଧ୍ୟମକୁ ସୂଚନା ଦେଇଥିଲେ। ନାତୁଣୀ ପହଞ୍ଚିବା ପରେ ଜେଜେମା ନୀତୁ ମଧ୍ୟ ବହୁତ ଖୁସି ଦେଖାଯାଉଥିଲେ।