ମୁମ୍ବାଇ: ଶ୍ରୀନଗରରେ ସୋମବାରଠାରୁ ଜି-୨୦ ସମିଟ୍ ୩ୟ ୱାର୍କିଂ ଗ୍ରୁପ୍ ମିଟିଂ ଆରମ୍ଭ ହୋଇଛି। ଏହି ମିଟିଂ ୩ ଦିନ ଧରି ଚାଲିବ। ତେବେ ଏଥିରେ ଯୋଗଦେବାକୁ ସାଉଥ୍ ଅଭିନେତା ରାମଚରଣ ସୋମବାର ଶ୍ରୀନଗରରେ ପହଞ୍ଚିଛନ୍ତି। କଶ୍ମୀରରେ ଆୟୋଜିତ ହୋଇଥିବା ଏହି ଜି-୨୦ ସମିଟ୍ର ‘ଫିଲ୍ମ ଟୁରିଜମ୍ ଫର୍ ଇକୋନୋମି ଗ୍ରୋଥ୍ ଆଣ୍ଡ କଲ୍ଚରାଲ ପ୍ରିଜରଭେଶନ’ ମିଟିଂରେ ପ୍ରଥମ ଅଭିନେତା ଭାବେ ରାମଚରଣ ଯୋଗଦେଇଛନ୍ତି। ସେଥିରେ ଯୋଗଦେଇ ରାମଚରଣ ନାଟୁ ନାଟୁ ଗୀତ ତାଳରେ ୨ ଜଣ ଫରେନ ଡେଲିଗେଟଙ୍କୁ ‘ନାଟୁ ନାଟୁ’ ଡ୍ୟାନ୍ସ ଷ୍ଟେପ୍ ଶିଖାଉଥିବା ଦେଖିବାକୁ ମିଳିଛି। ଏହାପରେ ସେ ଏକ ସାକ୍ଷାତ୍କାରରେ ଜମ୍ମୁ-କଶ୍ମୀର ପ୍ରତି ଥିବା ତାଙ୍କର ଭଲ ପାଇବା ସମ୍ପର୍କରେ କହିଛନ୍ତି। ତେବେ ରାମଚରଣଙ୍କୁ ନିକଟରେ ଫିଲ୍ମ ‘ଆର୍ଆର୍ଆର୍’ରେ ଦେଖିବାକୁ ମିଳିଥିଲା। ଏଥିରେ ସେ ତାଙ୍କ ଅଭିନୟ ଜରିଆରେ ବେଶ୍ ଲୋକପ୍ରିୟତା ହାସଲ କରିଛନ୍ତି। ସେ ୨୦୦୭ରୁ ଆକ୍ଟିଂ କ୍ୟାରିୟର ଆରମ୍ଭ କରି ବର୍ତ୍ତମାନ ପର୍ଯ୍ୟନ୍ତ ବହୁ ହିଟ୍ ମୁଭି ଦର୍ଶକଙ୍କୁ ଭେଟି ଦେଇସାରିଲେଣି। ଚଳିତବର୍ଷ ସେ ବଲିଉଡ୍ ଭାଇଜାନଙ୍କ ସହ ମଧ୍ୟ ଏକ ଚଳଚ୍ଚିତ୍ରରେ ନଜର ଆସିଛନ୍ତି। ଏଥିସହ ତାଙ୍କ ହାତରେ ଏବେ ଆଉ କିଛି ଫିଲ୍ମ ରହିଛି।
