ନୂଆଦିଲ୍ଲୀ, ୪।୮ : ଭାରତର ପ୍ରଧାନ ବିଚାରପତି(ସିଜେଆଇ) ଏନ.ଭି. ରମନା ଗୁରୁବାର ଜଷ୍ଟିସ ଉଦୟ ଉମେଶ ଲଲିତଙ୍କ ନାମ ଉତ୍ତରାଧିକାରୀ ଭାବରେ ସୁପାରିଶ କରିଛନ୍ତି। ଏହାଦ୍ୱାରା ଜଷ୍ଟିସ ଲଲିତ ଭାରତର ୪୯ ତମ ପ୍ରଧାନ ବିଚାରପତି ହେବେ। ଏହା ଲକ୍ଷ୍ୟ କରାଯାଇପାରେ ଯେ ପ୍ରଧାନ ବିଚାରପତି ରମନା ଅଗଷ୍ଟ ୨୬ ରେ ଅବସର ନେଉଛନ୍ତି।
ଜଷ୍ଟିସ ୟୁୟୁ ଲଲିତ ବର୍ତ୍ତମାନ ସୁପ୍ରିମକୋର୍ଟର ଦ୍ୱିତୀୟ ବରିଷ୍ଠ ବିଚାରପତି ଭାବେ କାର୍ଯ୍ୟ କରୁଛନ୍ତି। ପ୍ରଧାନ ବିଚାରପତି ଏନ.ଭି ରମନା ଜଷ୍ଟିସ ୟୁ ୟୁ ଲଲିତଙ୍କ ନାମକୁ କେନ୍ଦ୍ର ସରକାରଙ୍କ ଉତ୍ତରାଧିକାରୀ ଭାବରେ ସୁପାରିଶ କରିଛନ୍ତି। ଅଗଷ୍ଟ ୨୭ ରେ ଶପଥ ଗ୍ରହଣ କରିବାକୁଥିବା ଜଷ୍ଟିସ ଲଲିତଙ୍କ ନଭେମ୍ବର ୮ ପର୍ଯ୍ୟନ୍ତ ପ୍ରଧାନ ବିଚାରପତି ଭାବରେ କାର୍ଯ୍ୟ କରିବେ।
