ମୁମ୍ବାଇ: ଏଣ୍ଟରଟେନମେଣ୍ଟ କୁଇନ ରାକ୍ଷି ସାଓ୍ବନ୍ତ ତାଙ୍କର ବେକାବୁ ବୟାନ ଓ ସେନ୍ସ ଅଫ ହ୍ୟୁମରକୁ ନେଇ ଖୁବ ପରିଚିତ। ସେ ପ୍ରାୟ ସବୁବେଳେ ପାପାରାଜିଙ୍କ ସହ କଥା ହେଉଥିବା ଦେଖାଯାଏ। ନିଜର ହରକତକୁ ନେଇ ସେ ସମସ୍ତଙ୍କୁ ହସାଇ ଥାଆନ୍ତି। ସେ ଖୁବ ଶୀଘ୍ର ଲୋକଙ୍କ ଆଟେନଶନ ନିଜ ଆଡକୁ କରି ନେଇଥାଆନ୍ତି। ରାକ୍ଷି ନିକଟରେ ଏୟାରପୋର୍ଟରେ ସ୍ପଟ ହୋଇଥିଲେ। ହେଲେ ସେତେବେଳେ ସେ ଖାଲି ପାଦରେ ଚାଲୁଥିବା ଦେଖାଯାଇଥିଲା। ସେ ସଲମାନଙ୍କ ବିବାହକୁ ନେଇ ମନ୍ନତ ମାଗିଥିବା କହିଥିଲେ। ଏହାର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ଭିଡିଓରେ ଦେଖିବାକୁ ମିଳିଛି ଅଭିନେତ୍ରୀ ତାଙ୍କ ମୁଣ୍ଡରେ ଏକ ବ୍ଲେଜର ଘୋଡାଇ ହୋଇ ଖାଲି ପାଦରେ ଚାଲୁଛନ୍ତି। ପିଙ୍କ କଲର ବ୍ଲେଜର ସହ ଖାଲି ପାଦରେ ଚାଲୁଥିବା ଦେଖାଯାଇଥିଲା। ସେ କହିଥିଲେ ମୋର ମନ୍ନତ ରହିଛି, ମୁଁ ଶ୍ରୀଲଙ୍କା, ଦୁବଇରୁ ବିନା ଚପଲରେ ଆସିଛି କି ସଲମାନ ଖାଁଙ୍କ ବିବାହ ହୋଇଯାଉ। ସେ ପର୍ଯ୍ୟନ୍ତ ଆଉ ଚପଲ ପିନ୍ଧିବି ନାହିଁ।
ଏହି ଭିଡିଓଟି ଦେଖିବା ପରେ ୟୁଜର୍ସ ଖୁବ କମେଣ୍ଟ କରୁଛନ୍ତି। ଜଣେ ୟୁଜର୍ସ ଲେଖିଛନ୍ତି, ତାହେଲେ ତ ରାକ୍ଷି ମରିବା ପର୍ଯ୍ୟନ୍ତ ଚପଲ ପିନ୍ଧି ପାରିବେ ନାହିଁ। ଅନ୍ୟ ଜଣେ ଲେଖିଛନ୍ତି, ରାକ୍ଷି ପାଗଳ ହୋଇଯାଇଛନ୍ତି। କେତେଜଣ ହସିବାର ଇମୋଜି ବି ପୋଷ୍ଟ କରିଛନ୍ତି।
