ନୂଆଦିଲ୍ଲୀ,୨୭।୫: ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ୨୮ରୁ ମେ’୩୦ ପର୍ଯ୍ୟନ୍ତ ତିନି ଦିନିଆ ନାଇଜେରିଆ ଗସ୍ତ କରିବେ। ସେ ପଶ୍ଚିମ ଆଫ୍ରିକୀୟ ଦେଶର ନୂତନ ନିର୍ବାଚିତ ରାଷ୍ଟ୍ରପତି ବୋଲା ଅହମ୍ମଦ ଟିନୁବୁଙ୍କ ଶପଥ ଗ୍ରହଣ ସମାରୋହରେ ଯୋଗଦେବେ। ପ୍ରତିରକ୍ଷା ମନ୍ତ୍ରଣାଳୟ ଶନିବାର ଏକ ବିବୃତ୍ତି ଜାରି କରି ଏହି ସୂଚନା ଦେଇଛି।
ଏହା ପ୍ରଥମ ଥର ପାଇଁ ଜଣେ ଭାରତୀୟ ପ୍ରତିରକ୍ଷା ମନ୍ତ୍ରୀଙ୍କ ନାଇଜେରିଆ ଗସ୍ତହେବ। ପ୍ରତିରକ୍ଷା ମନ୍ତ୍ରଣାଳୟର ବିବୃତ୍ତିରେ କୁହାଯାଇଛି, ରାଜନାଥ ସିଂ ସୋମବାର ଅବୁଜାର ଇଗଲ ସ୍କୋୟାରରେ ଶପଥ ଗ୍ରହଣ ସମାରୋହରେ ଯୋଗଦେବେ। ଏହାପୂର୍ବରୁ ସେ ରବିବାର ନାଇଜେରିଆର ପୂର୍ବ ରାଷ୍ଟ୍ରପତି ମହମ୍ମଦୁ ବୁହାରୀଙ୍କୁ ଭେଟିବେ।
