ନୂଆଦିଲ୍ଲୀ,୧ ।୩: ଗଲୱାନ ଘାଟି ଘଟଣାରେ ଶହୀଦ ହୋଇଥିବା ସେନାଙ୍କ ପିତାଙ୍କ ସହ ହୋଇଥିବା ମାରପିଟ ମାମଲା ଏବେ ରାଜନୈତିକ ମୋଡ ନେବାଭଳି ଦୃଶ୍ୟ ହେଉଛି । ଶହୀଦଙ୍କ ଭାଇ କହିଛନ୍ତି, ତାଙ୍କ ପିତା ରାଜ କପୁର ସିଂହଙ୍କ ଉପରେ ଏସସି/ଏସଟି ଆକ୍ଟ ଅନୁଯାୟୀ ମାମଲା କରାଯାଇଛି । କେବଳ ସେତିକି ନୁହେଁ, ଏଥିରେ ପୋଲିସ ଉପରେ ମାରପିଟ ଅଭିଯୋଗ ଆସିଛି । ଏବେ ଏହି ପୂରା ଘଟଣାରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏଣ୍ଟ୍ରି ମାରିଛନ୍ତି ।
ରାଜନାଥ ସିଂ ବୁଧବାର ଏହି ଘଟଣା ସମ୍ପର୍କରେ ଅବଗତ ହେବା ସହ ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ସହ ଫୋନ ଯୋଗେ କଥା ହୋଇଛନ୍ତି । ବିଶେଷ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଶହୀଦଙ୍କ ପିତାଙ୍କ ସହ ମାରପିଟ ହେବା ଓ ତାଙ୍କୁ ଗିରଫ କରାଯିବାକୁ ନେଇ ସେ ଅସନ୍ତୋଷ ବ୍ୟକ୍ତ କରିଛନ୍ତି । ସେ କହଛନ୍ତି, ଏହି ମାମଲାରେ କାର୍ଯ୍ୟାନୁଷ୍ଠାନ ଲାଗି ସେ ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ସହ କଥା ହୋଇଛନ୍ତି ।
