ସର୍ବକନିଷ୍ଠ ବର୍ଗରେ ଢେଙ୍କାନାଳର ରାଜଶ୍ରୀ ମିସ୍‌ ଓଡ଼ିଶା
10:53 amDecember 22, 2022December 22, 2022 / 06

ଢେଙ୍କାନାଳ ଅଫିସ୍‌, ୨୨।୧୨: ରାଉରକେଲାର ସାମାଜିକ ଅନୁଷ୍ଠାନ ‘ସାଇନିଂ ରକର୍ସ’ର ୫ମ ବାର୍ଷିକ ଉତ୍ସବ ତଥା ‘ଓଡ଼ିଶା ସାଇନିଂ ଆଇକନ ସିଜିନ-୫’ର ସର୍ବକନିଷ୍ଠ ବର୍ଗରେ ଢେଙ୍କାନାଳର ରାଜଶ୍ରୀ ସିଂ ମିସ୍‌ ଓଡ଼ିଶା ଟାଇଟଲ ହାସଲ କରିଛନ୍ତି। ସେକ୍ଟର-୫ ଭଞ୍ଜ ଭବନଠାରେ ଆୟୋଜିତ ଏହି କାର୍ଯ୍ୟକ୍ରମରେ ପ୍ରାୟ ୩୦୦ ପ୍ରତିଯୋଗୀ ଭାଗ ନେଇଥିବାବେଳେ ୪୦ ପ୍ରତିଯୋଗୀ ଫାଇନାଲ ରାଉଣ୍ଡରେ ପ୍ରବେଶ କରିଥିଲେ। ବିଚାରକ ଭାବେ ଏଲିନା କର, ସୋନି ପିଲାଇ, ରାକ୍ଷୀ ମଣ୍ଡଳ, ସାଧନା ସାମଲ, ଆଶିଷ ବେହେରା, ଡି. ପୂଜା, ଅମ୍ଳାନ ମହାନ୍ତି ପ୍ରମୁଖ ଯୋଗଦେଇ ମୂଲ୍ୟାୟନ କରିଥିଲେ। ଅନୁଷ୍ଠାନ ସଭାପତି ସୁଶାନ୍ତ ରାଉତଙ୍କ ଅଧ୍ୟକ୍ଷତା ଏବଂ ଅନୁଷ୍ଠାନର ମୁଖ୍ୟ ଲିନା ବିଶ୍ୱାଳଙ୍କ ଆବାହକତ୍ୱରେ ଅତିଥି ଭାବେ ସାମାଜିକ କର୍ମୀ କମଲ ଅଗ୍ରୱାଲ, ଅନିତା ଅଗ୍ରଓ୍ବାଲ, ପ୍ରଦୀପ୍ତ ଦାସ, ପଦ୍ମିନୀ ପାଣିଗ୍ରାହୀ, ଜାହାଙ୍ଗୀର ହକ୍‌, ଅନୁପ ମୋଦି, ଗୁରିନ୍ଦର ସିଂ, ପିଙ୍କୁ ଜୟସ୍ବାଲ, ଗଗନ ପଣ୍ଡା, ସନ୍ଥମା ପିଲାଇ ପ୍ରମୁଖ ଯୋଗଦେଇ ରାଜଶ୍ରୀଙ୍କୁ ପୁରସ୍କୃତ କରିଥିଲେ। ଶୁଭଜିତ ପଣ୍ଡା, ଦେବଲିନା ରାୟ, ବର୍ଣ୍ଣାଳୀ ରାଉତ କାର୍ଯ୍ୟକ୍ରମର ସଂଯୋଜନା କରିଥିଲେ। ସୂଚନାଯୋଗ୍ୟ, ରାଜଶ୍ରୀ ହେଉଛନ୍ତି ରାଜ୍ୟ ସମବାୟ ବ୍ୟାଙ୍କର ପୂର୍ବତନ ସଭାପତି ଅକ୍ଷୟ କୁମାର ମହାନ୍ତିଙ୍କ ନାତୁଣୀ ତଥା ରଞ୍ଜନ ସିଂ ଏବଂ ସୁସ୍ମିତା ସିଂଙ୍କ ସାନଝିଅ।