ଦେବଗଡ,୨୬।୬(ଶଶାଙ୍କ ଶେଖର ଝାଙ୍କର):ଜଣେ ନାବାଳିକାଙ୍କୁ ଅପହରଣ ଓ ବଳାତ୍କାର ଅଭିଯୋଗରେ ଦେବଗଡ ଆଦର୍ଶ ଥାନା ପୋଲିସ କାଲକାଠ ଗ୍ରାମର ଯୋଗେଶ୍ୱର ପାତ୍ରଙ୍କ ପୁଅ ରାହୁଲ ପାତ୍ର (୧୯)କୁ ଗିରଫ କରି କୋର୍ଟ ଚାଲାଣ କରିଥିବା ବେଳେ ଜାମିନ ନାମଞ୍ଜୁର ହେବାରୁ ତାକୁ ଜେଲ ହାଜତକୁ ପଠାଇ ଦିଆଯାଇଛି ।
ସୂଚନା ଅନୁଯାୟୀ, ରାହୁଲ ଦେବଗଡ ଥାନାଂଚଳର ଜଣେ ୧୬ ବର୍ଷର ନାବାଳିକାଙ୍କୁ ପ୍ରେମଫାଶରେ ଫଶାଇବା ସହ ଜିଲା ବାହାରକୁ ନେଇ ତାଙ୍କୁ ବଳାତ୍କାର କରିଥିଲା। ଅନ୍ୟପକ୍ଷରେ ସମ୍ପୃକ୍ତ ନାବାଳିକାଙ୍କ ମା’ ତାଙ୍କ ଝିଅ ନିଖୋଜ ଥିବା ଏବଂ ତାଙ୍କୁ ରାହୁଲ ଅପହରଣ କରି ନେଇଥିବା ଦେବଗଡ ଥାନାରେ ଲିଖିତ ଅଭିଯୋଗ କରିବାରୁ ପୋଲିସ ଏକ ଅପହରଣ ମାମଲା ଋଜୁକରି ଘଟଣାର ତଦନ୍ତ ଚଳାଇଥିଲା। ଉକ୍ତ ନାବାଳିକାଙ୍କୁ ଉଦ୍ଧାର କରିବା ସହ ଅଭିଯୁକ୍ତ ରାହୁଲକୁ ଗିରଫ କରିଥିଲା । ନାବାଳିକାଙ୍କ ଅନିଚ୍ଛା ସତ୍ତ୍ୱେ ରାହୁଲ ତାଙ୍କୁ ଅପହରଣ କରିବା ସହ ତାଙ୍କୁ ବଳାତ୍କାର କରିଥିବା ତଦନ୍ତ ବେଳେ ଜଣାପଡିବାରୁ ପୋଲିସ ପକ୍ସୋ ଆକ୍ଟ ସମେତ ବିଏନଏସ୍ର ଅପହରଣ ଓ ବଳାତ୍କାର ମାମଲାରେ ଗିରଫ କରି କୋର୍ଟ ଚାଲାଣ କରିଥିଲା । ଅନ୍ୟପକ୍ଷରେ ପୀଡିତା ନାବାଳିକାଙ୍କୁ ଶିଶୁ ମଙ୍ଗଳ ସମିତି ସମ୍ମୁଖରେ ଉପସ୍ଥାପନ ପରେ ସଖି କେନ୍ଦ୍ରରେ ଅସ୍ଥାୟୀ ଭାବେ ଆଶ୍ରୟ ଦିଆଯାଇଥିବା ଜଣାପଡିଛି ।
Dharitri – Odisha’s No.1 Odia Daily
