ନୂଆଦିଲ୍ଲୀ,୩।୨: କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ କଶ୍ମୀରୀ ପଣ୍ଡିତଙ୍କ ସମ୍ପର୍କରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଏକ ଖୋଲା ଚିଠି ଲେଖିଛନ୍ତି। ଘାଟିରେ କାମ କରିବା ଲାଗି ସରକାରୀ ଅଧିକାରୀମାନେ କଶ୍ମୀରୀ ପଣ୍ଡିତଙ୍କ ଉପରେ ଚାପ ପକାଉଛନ୍ତି ବୋଲି ସେ ଦାବି କରିଛନ୍ତି।
ରାହୁଲ ଗାନ୍ଧୀ ଚିଠିରେ ଲେଖିଛନ୍ତି,ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଭାରତ ଯୋଡୋ ଯାତ୍ରା ସମୟରେ କଶ୍ମୀର ପଣ୍ଡିତଙ୍କ ଏକ ପ୍ରତିନିଧି ଦଳ ମୋତେ ଭେଟି ସେମାନଙ୍କ ଦୁଃଖଦ ପରିସ୍ଥିତି ବିଷୟରେ ଜଣାଇଥିଲେ। ଆତଙ୍କବାଦୀଙ୍କ ଦ୍ୱାରା ଟାର୍ଗେଟ କିଲିଂର ଶିକାର ହୋଇଥିବା କଶ୍ମୀରୀ ପଣ୍ଡିତମାନଙ୍କୁ କୌଣସି ସୁରକ୍ଷା ଗ୍ୟାରେଣ୍ଟି ନ ଦେଇ ଘାଟିକୁ ଯିବାକୁ ବାଧ୍ୟ କରିବା ନିଷ୍ଠୁର ପଦକ୍ଷେପ। ଆଶା କରେ ଆପଣ ପ୍ରସଙ୍ଗରେ ଉପଯୁକ୍ତ ପଦକ୍ଷେପ ଗ୍ରହଣ କରିବେ।
ସରକାରୀ ଅଧିକାରୀମାନେ କଶ୍ମୀରୀ ପଣ୍ଡିତମାନଙ୍କୁ ଘାଟିରେ କାମ କରିବାକୁ ବାଧ୍ୟ କରୁଛନ୍ତି। ସାମ୍ପ୍ରତିକ ପରିସ୍ଥିତିରେ ସୁରକ୍ଷା ଏବଂ ନିରାପତ୍ତାର ଦୃଢ଼ ଗ୍ୟାରେଣ୍ଟି ବିନା ଏହା କରାଯାଇପାରିବ ନାହିଁ। ପରିସ୍ଥିତି ସୁଧୁରିବା ପର୍ଯ୍ୟନ୍ତ ସରକାର କଶ୍ମୀରୀ ପଣ୍ଡିତ କର୍ମଚାରୀଙ୍କୁ ଅନ୍ୟ ପ୍ରଶାସନିକ ତଥାସାଧାରଣ କାର୍ଯ୍ୟରେ ନିୟୋଜିତ କରିପାରିବେ ବୋଲି ରାହୁଲ କହିଛନ୍ତି।
ଯେତେବେଳେ କଶ୍ମୀରୀ ପଣ୍ଡିତମାନେ ଆପଣା ହେବାର ଆଶା କରୁଛନ୍ତି, ସେତେବେଳେ ଲେଫ୍ଟନାଣ୍ଟ ଗଭର୍ନର ମନୋଜ ସିହ୍ନା ସେମାନଙ୍କ ପାଇଁ ଭିକାରୀ ଭଳି ଶବ୍ଦ ବ୍ୟବହାର କରୁଛନ୍ତି। ଏହା ସମ୍ପୂର୍ଣ୍ଣ ଦାୟିତ୍ୱହୀନ। ମୁଁ କଶ୍ମୀରୀ ପଣ୍ଡିତମାନଙ୍କୁ ସମ୍ପୂର୍ଣ୍ଣ ଆଶ୍ୱାସନା ଦେଇଛି ଯେ ସେମାନଙ୍କ ଦାବି ଆପଣଙ୍କ ନିକଟରେ ପହଞ୍ଚାଇବାକୁ ଚେଷ୍ଟା କରିବି ବୋଲି ରାହୁଲ ମଧ୍ୟ ଚିଠିରେ କହିଛନ୍ତି।
प्रधानमंत्री जी, भारत जोड़ो यात्रा के दौरान कश्मीरी पंडितों के प्रतिनिधिमंडल ने मुझसे मिलकर अपने दुखद हालात बताए।
आतंकियों की टारगेटेड किलिंग के शिकार कश्मीरी पंडितों को बिना सुरक्षा गारंटी घाटी में जाने के लिए विवश करना निर्दयी कदम है।
आशा है, आप इस विषय में उचित कदम उठाएंगे। pic.twitter.com/1LnxDkT8i9
— Rahul Gandhi (@RahulGandhi) February 3, 2023
