ଆଜି କର୍ନାଟକ ଗସ୍ତ କରିବେ ରାହୁଲ, ରାଜ୍ୟ ସରକାରଙ୍କ ଗୃହଲକ୍ଷ୍ମୀ ଯୋଜନାର କରିବେ ଶୁଭାରମ୍ଭ

ନୂଆଦିଲ୍ଲୀ,୩୦।୮: କଂଗ୍ରେସ ନେତା ରାହୁଲ ଗାନ୍ଧୀ ବୁଧବାର କର୍ନାଟକ ଗସ୍ତ କରିବେ। ସେ ମୈଶୁରରେ ରାଜ୍ୟ ସରକାରଙ୍କ ଗୃହଲକ୍ଷ୍ମୀ ଯୋଜନାର ଶୁଭାରମ୍ଭ କରିବେ। ଏହି ଯୋଜନା ଶୁଭାରମ୍ଭ ହେବା ପରେ ଘରର ମହିଳା ମୁଖ୍ୟଙ୍କୁ ମାସକୁ ୨୦୦୦ ଟଙ୍କା ସହାୟତା ମିଳିବ। ମୁଖ୍ୟ ଅତିଥି ଭାବରେ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖାର୍ଗେ ଉଦ୍‌ଘାଟନୀ କାର୍ଯ୍ୟକ୍ରମରେ ଯୋଗଦେବେ।

ରାହୁଲ ଗାନ୍ଧୀଙ୍କ ଯାତ୍ରା କାର୍ଯ୍ୟକ୍ରମ ଏପର୍ଯ୍ୟନ୍ତ ସାର୍ବଜନୀନ ହୋଇନାହିଁ। ଗଣମାଧ୍ୟମ ରିପୋର୍ଟ ଅନୁଯାୟୀ, କଂଗ୍ରେସ ଏମ୍‌ପି ରାହୁଲ ପୂର୍ବାହ୍ନ ୧୧.୩୦ରୁ ୧୨ ଟା ମଧ୍ୟରେ ଏକ ସ୍ବତନ୍ତ୍ର ବିମାନ ଯୋଗେ ମୈଶୁରରେ ପହଞ୍ଚିବେ।