ନୂଆଦିଲ୍ଲୀ,୧୩।୨: ଏବେ ଚର୍ଚ୍ଚାରେ ଅଛନ୍ତି କଂଗ୍ରେସ ଏମପି Rahul Gandhi। ଉତ୍ତରପ୍ରଦେଶର ରାୟବରେଲିର ଏମପି ଏବଂ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ଲୋକସଭାରେ ବିରୋଧୀ ଦଳ ନେତା ମଧ୍ୟ ଅଛନ୍ତି। ବିରୋଧୀ ଦଳ ନେତା ଭାବରେ, ରାହୁଲଙ୍କୁ କ୍ୟାବିନେଟ ମନ୍ତ୍ରୀର ମାନ୍ୟତା ମିଳିଛି, ଯାହା ଯୋଗୁଁ ପ୍ରୋଟୋକଲ ତାଲିକାରେ ତାଙ୍କର ସ୍ଥାନ ମଧ୍ୟ ବୃଦ୍ଧି ପାଇଛି।
ବିରୋଧୀ ଦଳ ନେତା ଓ ସଂସଦ ସଦସ୍ୟ ଭାବେ ଦରମା, ଭତ୍ତା ଏବଂ ପେନଶନ ସହ ଅନ୍ୟାନ୍ୟ ସୁବିଧା ମଧ୍ୟ ପାଉଛନ୍ତି। ଭତ୍ତା ବ୍ୟତୀତ, ଜଣେ ଏମପି ଭାବରେ, Rahul Gandhi ସମାନ ପଦବୀ ଏବଂ ଦରମା ସହ ଜଣେ କ୍ୟାବିନେଟ ମନ୍ତ୍ରୀଙ୍କ ପରି ବ୍ୟକ୍ତିଗତ କର୍ମଚାରୀ ମଧ୍ୟ ରଖିଛନ୍ତି। ସେ କର୍ମଚାରୀମାନଙ୍କ ମଧ୍ୟରେ ଜଣେ ବ୍ୟକ୍ତିଗତ ସଚିବ, ଦୁଇଜଣ ଅତିରିକ୍ତ ବ୍ୟକ୍ତିଗତ ସଚିବ, ଦୁଇଜଣ ସହାୟକ ବ୍ୟକ୍ତିଗତ ସଚିବ, ଦୁଇଜଣ ବ୍ୟକ୍ତିଗତ ସହାୟକ, ଜଣେ ହିନ୍ଦୀ ଷ୍ଟେନୋ, ଜଣେ କ୍ଲର୍କ, ଜଣେ ଝାଡୁଦାର ଏବଂ ଚାରି ଜଣ ଚତୁର୍ଥ ଶ୍ରେଣୀ କର୍ମଚାରୀ ଅଛନ୍ତି।
୧୯୭୭ ଆଇନ ଅନୁଯାୟୀ, ବିରୋଧୀ ଦଳ ନେତା ତାଙ୍କ ଦାୟିତ୍ୱ ଗ୍ରହଣ କରିବା ସମୟରେ ଏକ ବାସଭବନ ପାଇଛନ୍ତି । ଏସବୁ ବାଦ୍ ଜାଣିଲେ ତାଜୁବ ହେବେ ଯେ ରାହୁଲ ଗାନ୍ଧୀ ମାସକୁ ପ୍ରାୟ ୩ ଲକ୍ଷ ୩୦ ହଜାର ଟଙ୍କା ଦରମା ପାଉଛନ୍ତି। ଏହି ଅନୁସାରେ, ସେ ବର୍ଷକୁ ୩୯,୬୦,୦୦୦ ଟଙ୍କା ପାଉଛନ୍ତି। ୨୦୨୪ ର୍ନିବାଚନୀ ସତ୍ୟପାଠ ଅନୁଯାୟୀ, ରାହୁଲଙ୍କର ୨୦.୩୪ କୋଟି ଟଙ୍କାର ସମ୍ପତ୍ତି ଅଛି, ଯାହା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମୋଟ ସମ୍ପତ୍ତି (୩.୦୨ କୋଟି ଟଙ୍କା) ଠାରୁ ଛଅ ଗୁଣ ଅଧିକ।
