ନୂଆଦିଲ୍ଲୀ,୧୫।୫: ଲକ୍ଷ୍ନୌ ସୁପର ଜିଆଣ୍ଟସ କେ.ଏଲ ରାହୁଲଙ୍କ ଅଧିନାୟକତ୍ୱରେ ଆଉ ଏକ ମ୍ୟାଚ ହାରିଛି। ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ ଖେଳାଯାଇଥିବା ମ୍ୟାଚରେ ଲକ୍ଷ୍ନୌ କ୍ରମାଗତ ତୃତୀୟ ପରାଜୟର ସମ୍ମୁଖୀନ ହୋଇଥିଲା। ଲକ୍ଷ୍ନୌ ଦଳ ହୁଏତ ମ୍ୟାଚ ହାରିଥାଇପାରେ, କିନ୍ତୁ ଅଧିନାୟକ କେ.ଏଲ ରାହୁଲ ତାଙ୍କ କ୍ୟାଚ ଦ୍ୱାରା ସମସ୍ତଙ୍କ ହୃଦୟ ଜିତିଥିଲେ। ଏପରିକି ଲକ୍ଷ୍ନୌ ମାଲିକ ସଞ୍ଜୀବ ଗୋଏଙ୍କା ଠିଆ ହୋଇ କେ.ଏଲ ରାହୁଲଙ୍କ କ୍ୟାଚରେ କରତାଳି ଦେଇଥିଲେ।
ରାହୁଲଙ୍କ କ୍ୟାଚ୍ ଧରିବା ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ରାହୁଲ ଦିଲ୍ଲୀର ଶାଇ ହୋପଙ୍କ କ୍ୟାଚ ନେଇଥିଲେ। ସେ ଏହି କ୍ୟାଚ ପ୍ରଥମରେ ନୁହେଁ ଦ୍ୱିତୀୟ ପ୍ରୟାସରେ ନେଇଥିଲେ। ରାହୁଲ ସର୍କଲ ଭିତରେ ଥିବା ଅଫ୍ ସାଇଡ୍ରେ ଫିଲ୍ଡିଂ କରୁଥିଲେ। ଶାଇ ହୋପ ଦ୍ରୁତ ବ୍ୟାଟ ସହିତ ରବି ବିଷ୍ଣୋଇଙ୍କ ବଲକୁ ଏକ ଶଟ ଖେଳିବାକୁ ଚେଷ୍ଟା କରିଥିଲେ। ବଲ ସିଧା କେ.ଏଲ ରାହୁଲ ଆଡକୁ ଗଲା। କିନ୍ତୁ ବଲ ରାହୁଲଙ୍କ ଛାତି ପାଖରେ ପହଞ୍ଚିଥିଲା, ଯାହା ସେ ଠିକ ଭାବରେ ଧରିପାରି ନ ଥିଲେ ଏବଂ ପ୍ରଥମ ପ୍ରୟାସରେ ବଲକୁ ଖସାଇ ଥିଲେ। ବଲଟି ତଳେ ପଡ଼ିବା ପୂର୍ବରୁ ରାହୁଲ ପୁଣି ଦୌଡ଼ିଯାଇ ଏକ ଚମତ୍କାର କ୍ୟାଚ୍ ଧରିଥିଲେ। ରାହୁଲଙ୍କ ଏହି ଧରିବା ପ୍ରକୃତରେ ଦେଖିବା ଯୋଗ୍ୟ ଥିଲ। ପଡ଼ିଆରେ ରାହୁଲଙ୍କ ଏହି କ୍ୟାଚ୍ ଧରିବା ଷ୍ଟାଇଲ୍କୁ ସମସ୍ତେ ପ୍ରଶଂସା କରିଥିଲେ। ଏପରିକି ଲକ୍ଷ୍ନୌ ସୁପର ଜିଆଣ୍ଟସ ମାଲିକ ସଞ୍ଜୀବ ଗୋଏଙ୍କା ମଧ୍ୟ ଷ୍ଟାଣ୍ଡରେ ଛିଡା ହୋଇ କରତାଳି ମାରିଥିଲେ।
ଦିଲ୍ଲୀ ପୂର୍ବରୁ ସନରାଇଜର୍ସ ହାଇଦ୍ରାବାଦ ବିପକ୍ଷରେ ଖେଳାଯାଇଥିବା ମ୍ୟାଚରେ ଲକ୍ଷ୍ନୌ ପରାଜୟର ସମ୍ମୁଖୀନ ହୋଇଥିଲା। ଲକ୍ଷ୍ନୌ ହାଇଦ୍ରାବାଦ ବିପକ୍ଷରେ ୧୦ ଉଇକେଟରେ ପରାଜୟର ସମ୍ମୁଖୀନ ହେବାକୁ ପଡିଥିଲା। ଦଳର ଲଜ୍ଜାଜନକ ପରାଜୟ ପରେ ସଞ୍ଜୀବ ଗୋଏଙ୍କା ଅଧିନାୟକ କେ.ଏଲ ରାହୁଲଙ୍କ ଉପରେ ରାଗିଥିବାର ନଜର ଆସିଥିଲେ, ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା। ଏବେ ସେ ରାହୁଲଙ୍କ ପାଇଁ କରତାଳି ଦେଉଥିବାର ନଜର ଆସିଥିଲେ।
