ବମ୍ବେ: ପୁଣି ଥରେ ବିବାହ କରିଛନ୍ତି ଅଭିନେତ୍ରୀ ପୂଜା ବାନାର୍ଜୀ। କୁନାଲ ବର୍ମାଙ୍କ ହାତ ଧରିଛନ୍ତି ସେ। ଗୋଆରେ ଏହି ବିବାହ ଅନୁଷ୍ଠିତ ହୋଇଥିଲା। ଟେଲି ପରଦାର ଏହି ଯୋଡ଼ି ସୋସିଆଲ ମିଡିଆରେ ନିଜର ବିବାହର ଫଟୋ ଶେୟାର କରିଛନ୍ତି। ଫଟୋଗୁଡ଼ିକରେ ଉଭୟ ବେଶ୍ ସୁନ୍ଦର ଦେଖାଯାଉଛନ୍ତି।
ପୂଜାଙ୍କ ବିବାହରେ ପରିବାର ସହ ନିକଟ ସମ୍ପର୍କୀୟ ଯୋଗ ଦେଇଥିଲେ। ଉଭୟ ବଙ୍ଗଳା ଏବଂ ହିନ୍ଦୁ ରୀତିନୀତିରେ ବିବାହ ହୋଇଛି। ପୂଜାଙ୍କ ପୁଅ କୃଶିବ ବାପାମା’ଙ୍କ ବିବାହକୁ ଆଖିରେ ଦେଖିଥିଲେ।
୨୦୧୭ରେ କୁନାଲ-ପୂଜା ନିର୍ବନ୍ଧ କରିଥିଲେ। ଚଳିତ ବର୍ଷ ଏପ୍ରିଲ ୧୫ରେ ସେମାନେ ବିବାହ କରିଥାନ୍ତେ। ହେଲେ କରୋନାକୁ ନେଇ ଲକ୍ଡାଉନ୍ କାରଣରୁ ଏହା ଘୁଞ୍ଚି ଯାଇଥିଲା। ପରେ ଉଭୟ ରେଜିଷ୍ଟ୍ରି ମ୍ୟାରେଜ୍ କରିଥିଲେ।
