ପାଟନା,୨୮।୪: ଜଣେ ଆଇଏଏସ ଅଧିକାରୀଙ୍କୁ ହତ୍ୟା କରି ଆଜୀବନ କାରାଦଣ୍ଡ ଭୋଗୁଥିବା ପୂର୍ବତନ ଏମ୍ପି ଆନନ୍ଦ ମୋହନ ସିଂଙ୍କୁ ଗୁରୁବାର ବିହାରର ସହର୍ଷ ଜେଲରୁ ମୁକ୍ତ କରାଯାଇଛି। ତେବେ ବର୍ତ୍ତମାନ ବିହାରର ଜେଲ ନିୟମରେ ସଂଶୋଧନକୁ ଚ୍ୟାଲେଞ୍ଜ କରି ପାଟନା ହାଇକୋର୍ଟରେ ଏକ ପିଟିସନ ଦାଖଲ କରାଯାଇଛି।
ଆବେଦନକାରୀ ଅନୁପମ କୁମାର ସୁମନ ବୁଧବାର ପିଆଇଏଲର ଇ-ଫାଇଲଙ୍ଗ୍ର ସ୍କ୍ରିନସଟ ସହ ଏହି ସୂଚନା ଦେଇଛନ୍ତି। ସେ କହିଛନ୍ତି, ଏହି ସଂଶୋଧନକୁ ଚ୍ୟାଲେଞ୍ଜ କରି ମୁଁ ବୁଧବାର ହାଇକୋର୍ଟରେ ଏକ ଜନସ୍ବାର୍ଥ ମାମଲା ଦାୟର କରିଛି।
ଭାରତୀୟ ପ୍ରଶାସନିକ ସେବା (ଆଇଏଏସ) ଅଧିକାରୀ ଜି କୃଷ୍ଣୟାଙ୍କୁ ୧୯୯୪ରେ କରିଥିଲେ ଆନନ୍ଦ ମୋହନ। ୨୦୦୭ ଅକ୍ଟୋବରରେ ଏକ ସ୍ଥାନୀୟ କୋର୍ଟ ହତ୍ୟା ଅଭିଯୋଗରେ ଆନନ୍ଦଙ୍କୁ ଦୋଷୀ ସାବ୍ୟସ୍ତ କରି ମୃତ୍ୟୁ ଦଣ୍ଡାଦେଶ ଦେଇଥିଲେ। ଏହି ରାୟକୁ ସେ ପାଟନା ହାଇକୋର୍ଟରେ ଚ୍ୟାଲେଞ୍ଜ କରିଥିଲେ। ହାଇକୋର୍ଟ ମୃତ୍ୟୁ ଦଣ୍ଡାଦେଶକୁ ଆଜୀବନ କାରାଦଣ୍ଡାଦେଶରେ ପରିବର୍ତ୍ତିତ କରିଥିଲେ।
