ମୁମ୍ବାଇ: ମନୋରଞ୍ଜନ ଦୁନିଆର ଆଗଧାଡିର ନାୟକ ପ୍ରଭାସ, କ୍ରିତି ସାନନ, ସନି ସିଂ, ଦେବଦତ୍ତ ନାଗେ ଏବଂ ଶୈଫ ଅଲି ଖାଁ ଷ୍ଟାରର ମୁଭି ‘ଆଦିପୁରୁଷ’ ଖୁବଶୀଘ୍ର ରିଲିଜ ହେବାକୁ ଯାଉଛି। ଇତିମଧ୍ୟରେ ଏହାର ଟିକେଟକୁ ନେଇ ବଡ ଅପଡେଟ ସାମ୍ନାକୁ ଆସିଛି। ଫିଲ୍ମ ‘ଦ କଶ୍ମୀର ଫାଇଲ୍ସ’ର ପ୍ରଡ୍ୟୁସର ଆଦିପୁରୁଷର ୧୦ ହଜାର ଟିକେଟ ମାଗଣାରେ ଦେବେ ବୋଲି ଘୋଷଣା କରିଛନ୍ତି।
ଏକ ନ୍ୟୁଜ ରିପୋର୍ଟ ଅନୁଯାୟୀ, ଦ କଶ୍ମୀର ଫାଇଲ୍ସର ପ୍ରଡ୍ୟୁସର ଅଭିଷେକ ଅଗ୍ରଓ୍ବାଲ ଫିଲ୍ମ ଆଦିପୁରୁଷର ୧୦ହଜାରରୁ ଅଧିକ ଟିକେଟ ଫ୍ରିରେ ଦେବାକୁ ଘୋଷଣା କରିଛନ୍ତି। ରିପୋର୍ଟ ଅନୁଯାୟୀ, ଏହି ଟିକେଟ ତେଲେଙ୍ଗାନାରେ ବଣ୍ଟାଯିବ। ଏସବୁ ଟିକେଟ ସରକାରୀ ସ୍କୁଲର ଛାତ୍ରୀଛାତ୍ର, ବୃଦ୍ଧାଶ୍ରମ ଓ ଅନାଥାଳୟରେ ଦିଆଯିବ। କୁହାଯାଉଛି କି ଯଦି ଏମିତି ହେବ ତେବେ ଫିଲ୍ମର କଲେକସନକୁ ବଡ ସପୋର୍ଟ ମିଳିବ।
ନିକଟରେ ଆଦିପୁରୁଷର ନିର୍ମାତା ଘୋଷଣା କରିଥିଲେ କି ପ୍ରତି ଥିଏଟରରେ ହନୁମାନ ଜୀଙ୍କ ପାଇଁ ଗୋଟିଏ ସିଟ ଖାଲି ରହିବ। ଏହି ଖବର ଆସିବା ପରେ ସୋସିଆଲ ମିଡିଆରେ ନିର୍ମାତାଙ୍କୁ ପ୍ରଶଂସା କରାଯାଇଥିଲା।
