ଅହମ୍ମଦାବାଦ, ୨୦।୧୧: ଗୁଜରାଟର ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଭାରତ-ବିଶ୍ୱକପ ଅଷ୍ଟ୍ରେଲିଆ ଫାଇନାଲ ମ୍ୟାଚ ସମୟରେ ଜଣେ ଅଷ୍ଟ୍ରେଲୀୟ ଜନ୍ମିତ ପାଲେଷ୍ଟାଇନ ସମର୍ଥକ ପଡ଼ିଆରେ ସୁରକ୍ଷା କର୍ଡନ ଭାଙ୍ଗି ପୂର୍ବତନ ଅଧିନାୟକ ବିରାଟ କୋହଲିଙ୍କ ନିକଟରେ ପହଞ୍ଚି ତାଙ୍କୁ ଧରି ପକାଇଥିଲେ। ଏହା ପରେ ତାଙ୍କୁ ଗୁଜରାଟ ପୋଲିସ କର୍ମଚାରୀ ନିୟନ୍ତ୍ରଣ କରି ଅହମ୍ମଦାବାଦର ଚାନ୍ଦଖେଡା ପୋଲିସ ଷ୍ଟେଶନକୁ ନେଇଥିଲେ। ତେବେ ସୋମବାର ତାଙ୍କୁ ଗାନ୍ଧିନଗର ସେସନ କୋର୍ଟରେ ହାଜର କରାଯାଇଛି। ରିପୋର୍ଟ ଅନୁଯାୟୀ, ଇସ୍ରାଏଲ ଏବଂ ପାଲେଷ୍ଟାଇନ ମଧ୍ୟରେ ଚାଲିଥିବା ବିବାଦ ସମୟରେ ଏହି ବ୍ୟକ୍ତି ପାଲେଷ୍ଟାଇନ ସମର୍ଥନରେ ଠିଆ ହୋଇଥିବା ଦେଖାଯାଇଥିଲା। ବ୍ୟକ୍ତି ଜଣକ ପାଲେଷ୍ଟାଇନକୁ ସମର୍ଥନ କରୁଥିବା ଟି-ସାର୍ଟ ମଧ୍ୟ ପିନ୍ଧିଥିଲେ।
