ନୂଆଦିଲ୍ଲୀ,୧୪ ।୧୦: କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ହିମାଚଳ ପ୍ରଦେଶରେ ଏକ ନିର୍ବାଚନ ସଭାକୁ ସମ୍ବୋଧନ ଦେବା ଅବସରରେ ନାନା ଘୋଷଣା କରି ପକାଇଛନ୍ତି । ସେ ତାଙ୍କ ସମ୍ବୋଧନରେ କହିଛନ୍ତି ଯଦି ହିମାଚଳ ପ୍ରଦେଶରେ କଂଗ୍ରେସ ସରକାର ଗଠନ କରେ ତେବେ ପ୍ରଥମ କ୍ୟାବିନେଟ ବୈଠକରେ ୧ ଲକ୍ଷ ସରକାରୀ ଚାକିରିକୁ ପ୍ରଥମେ ମଞ୍ଜୁରୀ ପ୍ରଦାନ କରାଯିବ । ଏହାସହ ପୁରୁଣା ପେନସନ ଯୋଜନାକୁ ପୁଣିଥରେ ଲାଗୁ କରାଯିବ ବୋଲି ପ୍ରିୟଙ୍କା ଦାବି କରିଛନ୍ତି ।
ହିମାଚଳ ପ୍ରଦେଶର ସୋଲନରେ ପ୍ରିୟଙ୍କା ଗାନ୍ଧୀ ଭଦ୍ରା କହିଛନ୍ତି ପ୍ରାୟ ୫ ଲକ୍ଷ ଲୋକଙ୍କୁ ରୋଜଗାର ଯୋଗାଇ ଦିଆଯିବ । ଏହାସହ ପ୍ରାୟ ୨ ଲକ୍ଷ ଲୋକଙ୍କୁ ସେମାନଙ୍କ ହକ ମିଳିବ । ହିମାଚଳ ପ୍ରଦେଶରେ କଂଗ୍ରେସର ପରିବର୍ତ୍ତନ ପ୍ରତିଜ୍ଞା ରାଲିରେ ପ୍ରିୟଙ୍କା ଗାନ୍ଧୀ ହିମାଚଳ ପ୍ରଦେଶ ଗଠନ ସମୟରେ ଇନ୍ଦିରା ଗାନ୍ଧୀଙ୍କ ଯୋଗଦାନକୁ ବି ମନେପକାଇଥିଲେ ।
