ମୁମ୍ବାଇ: ବଲିଉଡ-ହଲିଉଡ ଫିଲ୍ମ ଇଣ୍ଡଷ୍ଟ୍ରିରେ ଏକ ପରିଚୟ ସୃଷ୍ଟି କରିଥିବା ଅଭିନେତ୍ରୀ ପ୍ରିୟଙ୍କା ଚୋପ୍ରା ତାଙ୍କର ଆଗାମୀ ୱେବ ସିରିଜ ‘ସିଟାଡେଲ’ ପାଇଁ ଆଜିକାଲି ଚର୍ଚ୍ଚାରେ ଅଛନ୍ତି। ଏହି ଆକ୍ସନ-ପ୍ୟାକ ସିରିଜ ବିଷୟରେ ପ୍ରଶଂସକଙ୍କ ମଧ୍ୟରେ ଉତ୍ସାହ ଅଛି। ଏହି ସିରିଜ ରିଲିଜ ପାଇଁ ଅପେକ୍ଷା ମଧ୍ୟ ଶେଷ ହେବାକୁ ଯାଉଛ। ଆଜିକାଲି ପ୍ରିୟଙ୍କା ’ସିଟାଡେଲ’ର ପ୍ରମୋଶନରେ ବ୍ୟସ୍ତ ଅଛନ୍ତି, ଯେଉଁଥିପାଇଁ ସେ ବିଭିନ୍ନ ପ୍ଲାଟଫର୍ମରେ ସାକ୍ଷାତକାର ଦେଉଥିବାର ନଜର ଆସିଛନ୍ତ। ନିକଟରେ ଅଭିନେତ୍ରୀ ଏକ ସାକ୍ଷାତକାର ସମୟରେ ‘ଆର୍ଆର୍ଆର୍’ କୁ ତାମିଲ ଚଳଚ୍ଚିତ୍ର ବୋଲି କହିଥିଲେ, ଯେଉଁଥିରେ ସେ ବର୍ତ୍ତମାନ ପ୍ରତିକ୍ରିୟା ଦେଇଛନ୍ତି।
ଏକ ସାକ୍ଷାତକାର ସମୟରେ ପ୍ରିୟଙ୍କା ଚୋପ୍ରା ଏସ ରାଜାମୌଲିଙ୍କ ନିର୍ଦ୍ଦେଶିତ ଚଳଚ୍ଚିତ୍ରକୁ ତାମିଲ ଚଳଚ୍ଚିତ୍ର ବୋଲି କହିଥିଲେ। ହେଲେ ଏହା ବାସ୍ତବରେ ତେଲୁଗୁ ଚଳଚ୍ଚିତ୍ର ଅଟେ। ପ୍ରିୟଙ୍କା ଚୋପ୍ରାଙ୍କ ଏହି ଏଭଳି ମତକୁ ନେଇ ‘ଆରଆରଆର’ର ପ୍ରଶଂସକମାନେ ପସନ୍ଦ କରୁନଥିଲେ। ସେହି ଦିନଠାରୁ ପ୍ରିୟଙ୍କାଙ୍କୁ କ୍ରମାଗତ ଭାବରେ ନେଟିଜେନ୍ସମାନେ ଟାର୍ଗେଟ କରିଆସୁଥିଲେ। ବର୍ତ୍ତମାନ ପ୍ରିୟଙ୍କା ଏହି ଟ୍ରୋଲ ଉପରେ ନିଜର ପ୍ରତିକ୍ରିୟା ଦେଇ ନୀରବତା ଭାଙ୍ଗିଛନ୍ତି।
ପ୍ରିୟଙ୍କା କହିଛନ୍ତି, ଲୋକମାନେ ମୋ ମାଧ୍ୟମରେ କୌଣସି ଜିନିଷରେ ଭୁଲ ଖୋଜିବାକୁ ଚେଷ୍ଟା କରନ୍ତି। ମୁଁ ଭାବୁଛି ଲୋକମାନେ ଏହାକୁ ଉପଭୋଗ କରନ୍ତି, କିନ୍ତୁ ବର୍ତ୍ତମାନ, ମୁଁ ଟିକିଏ ଅଧିକ ସଚେତନ, କାରଣ ମୋର ପରିବାର ବିଷୟରେ ଚିନ୍ତା କରିବାକୁ ଅଛି। ତୁମେ ଜୀବନରେ ଯେତେ ଉଚ୍ଚକୁ ଯାଅ, ଲୋକମାନେ ତୁମକୁ ଖସିଯିବାର କାରଣ ଖୋଜନ୍ତ। ମୋର ପରିବାର, ବନ୍ଧୁ ଏବଂ ପ୍ରଶଂସକଙ୍କ ଠାରୁ ମୋର ଏତେ ଭଲପାଇବା ଏବଂ ସମର୍ଥନ ଅଛି ଯେ ମୁଁ ଏହାକୁ ଧ୍ୟାନ ଦେବାକୁ ପସନ୍ଦ କରେ ନାହିଁ ।
