ଜୀବନ ପରେ ଜୀବିକାକୁ ପ୍ରାଧାନ୍ୟ

ଅନୁଗୋଳ/ ଢେଙ୍କାନାଳ ଅଫିସ, ୧ା୭:  ଦୀର୍ଘ ୨ ମାସ ପରେ ଢେଙ୍କାନାଳ ଓ ଅନୁଗୋଳ ଜିଲାରେ ତଳମୁହଁା ହୋଇଛି କରୋନା ସଂକ୍ରମଣ। ଟେଷ୍ଟ ପଜିଟିଭ୍‌ିଟି ରେଟ୍‌ (ଟିପିଆର୍‌) ୫ ପ୍ରତିଶତ ତଳେ ଥିବାରୁ ଏହି ଦୁଇ ଜିଲାକୁ ଗ୍ରେଡ୍‌-ଏ ତାଲିକାଭୁକ୍ତ କରିଛନ୍ତି ରାଜ୍ୟ ସରକାର। ମେ ୫ରୁ ଲକ୍‌ଡାଉନ୍‌ ଲଗାଇ ଅନେକ ଜୀବନ ରକ୍ଷା କରିବା ପରେ ଏବେ ଜୀବିକାକୁ ପ୍ରାଧାନ୍ୟ ଦେବାକୁ ଯାଇ ଢେଙ୍କାନାଳ ଓ ଅନୁଗୋଳ ଜିଲାରେ ଲକ୍‌ଡାଉନ୍‌କୁ କୋହଳ କରାଯାଇଛି। ସପ୍ତାହାନ୍ତ ଶଟ୍‌ଡାଉନ୍‌କୁ ହଟାଇ ଦିଆଯାଇଛି। ଫଳରେ ଗୁରୁବାର ଠାରୁ କେବଳ ମଲ୍‌, ଜିମ୍‌, ପାର୍ଲର ଓ ସିନେମା ହଲ ବ୍ୟତୀତ ସକାଳ ୬ରୁ ସନ୍ଧ୍ୟା ୬ଟା ଯାଏ ଅନ୍ୟ ସମସ୍ତ ଦୋକାନ ଖୋଲିବାକୁ ଅନୁମତି ମିଳିଛି। ଏପରି କି ବସ୍‌, ଟ୍ୟାକ୍ସି ଓ ଅଟୋ ଚଳାଚଳକୁ ସବୁଜ ସଂକେତ ଦିଆଯାଇଛି। ତେବେ ବିବାହ, ବ୍ରତୋପନୟନ ଓ ଶୁଦ୍ଧିକାର୍ଯ୍ୟରେ ଭୋଜି ମନା ଥିବାବେଳେ ଧାର୍ମିକ, ସାଂସ୍କୃତିକ ଓ ରାଜନୈତିକ ସମାବେଶ ଉପରେ ପୂର୍ବପରି କଟକଣା ଜାରି ରହିଛି। ଦୁଇ ଜିଲାରେ କୌଣସି ଧର୍ମାନୁଷ୍ଠାନରୁ ତାଲା ଖୋଲାଯାଇ ନାହିଁ। ସାମାଜିକ ଦୂରତ୍ୱ ଓ ମାସ୍କ ନିୟମ ବଳବତ୍ତର ରହିଛି। ଦୋକାନ ସମ୍ମୁଖରେ ଯେପରି ଭିଡ଼ ନ ହୁଏ ସେ ଦିଗରେ ବ୍ୟବସାୟୀମାନେ ଧ୍ୟାନ ଦେବେ। ଉଲ୍ଲଂଘନ ହେଲେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ସନ୍ଧ୍ୟା ୬ରୁ ସକାଳ ୬ ଯାଏ ନାଇଟ୍‌ କର୍ଫ୍ୟୁ ଥିବାରୁ ପ୍ରଶାସନ ଓ ପୋଲିସ ପକ୍ଷରୁ ବ୍ଲକିଂ, ଚେକିଂ ଜାରି ରହିବ। ଜିଲାବାସୀ ସମ୍ପୂର୍ଣ୍ଣ ଭାବେ କୋଭିଡ୍‌ କଟକଣା ମାନି ଚଳିଲେ ସଂକ୍ରମଣ ସହ କରୋନା ସଂକଟକୁ ଶୀଘ୍ର ଦୂରେଇ ଦିଆଯାଇପାରିବ। ଏଥିରେ ଜିଲାବାସୀ ସମ୍ପୂର୍ଣ୍ଣ ସହଯୋଗ କରିବାକୁ ଢେଙ୍କାନାଳ ଓ ଅନୁଗୋଳ ଜିଲା ପ୍ରଶାସନ ପକ୍ଷରୁ ଅନୁରୋଧ କରାଯାଇଛି। ଅପରପକ୍ଷରେ ଜିଲାରେ ଲକ୍‌ଡାଉନ କୋହଳ ପରେ ଜନସାଧାରଣ ଆଶ୍ୱସ୍ତ ହୋଇଛନ୍ତି। ସରକାରଙ୍କ ସମସ୍ତ ନିୟମ ପାଳନ କରାଯିବ ବୋଲି ବ୍ୟବସାୟୀମାନେ ପ୍ରକାଶ କରିଛନ୍ତି।

କଟକଣା ମାନି ଚଳିବାକୁ ପଡ଼ିବ
ବହୁ ଉଦ୍ୟମ ପରେ ଅନୁଗୋଳ ଜିଲାରେ ଟିପିଆର୍‌ ୫ ପ୍ରତିଶତ ତଳକୁ ଖସିଛି। ତେବେ ସଂକଟ ଟଳି ନ ଥିବାରୁ ଲୋକମାନଙ୍କୁ କଟକଣାକୁ ମାନି ଚଳିବାକୁ ପଡ଼ିବ। ସକାଳ ୬ଟାରୁ ସନ୍ଧ୍ୟା ୬ ପର୍ଯ୍ୟନ୍ତ ବଜାର ଖୋଲୁଥିବାରୁ ସମସ୍ତେ ସଚେତନ ରହିଲେ ଲାଭ ମିଳିବ।
-ସିଦ୍ଧାର୍ଥ ଶଙ୍କର ସ୍ବାଇଁ, ଜିଲାପାଳ

ଯୁବବର୍ଗଙ୍କ ଉପରେ ଦୃଷ୍ଟି ରଖାଯାଉ
ସଂକ୍ରମଣ ହ୍ରାସ ଓ ଲକ୍‌ଡାଉନ କୋହଳ ନିଶ୍ଚିତ ଖୁସିର ବିଷୟ। ହେଲେ ବଜାର ଖୋଲିବା ପରେ ଯୁବବର୍ଗ ଯେପରି ଅଧିକ ଅମାନିଆ ନ ହୁଅନ୍ତି, ତାହା ଉପରେ ପ୍ରଶାସନ ଓ ପୋଲିସ ପକ୍ଷରୁ ଦୃଷ୍ଟି ରଖାଯିବା ଜରୁରୀ। ଏହା ନ ହେଲେ ସ୍ଥିତି ପୁଣି ବିଗିଡ଼ିଯିବ।
-ଯୁଗଳ କିଶୋର ସାହୁ, ପଥରମୁଣ୍ଡା, କଣିହଁା

ବୃତ୍ତି ଫେରିପାଇଥିବାରୁ ଖୁସି
କରୋନାର ଦ୍ୱିତୀୟ ଲହର ସେଲୁନ ବ୍ୟବସାୟୀଙ୍କୁ ସବୁଠୁ ଅଧିକ କ୍ଷତିଗ୍ରସ୍ତ କରିଛି। ପୂର୍ବରୁ ବଜାରରେ କିଛି ଦୋକାନ ଖୋଲାଯାଉଥିଲେ ବି ସେଲୁନକୁ ଅନୁମତି ନ ଥିଲା। ଫଳରେ ପରିବାର ଚଳାଇବା କଷ୍ଟକର ହୋଇପଡ଼ିଥିଲା। ଏବେ ବୃତ୍ତି ଫେରିପାଇଥିବାରୁ ଖୁସି ଲାଗୁଛି।
-ସୂର୍ଯ୍ୟମଣି ବାରିକ, ସେଲୁନ ମାଲିକ, ଅନୁଗୋଳ

ଗ୍ରାହକମାନେ ସହଯୋଗ କରନ୍ତୁ
ଅନୁଗୋଳ ଜିଲାରେ ସଂକ୍ରମଣ ହ୍ରାସ ପାଇଥିବାରୁ ବଜାର ଖୋଲିବାକୁ ଅନୁମତି ମିଳିଛି। ଏହା ଉଭୟ ବ୍ୟବସାୟୀ ଓ ଖାଉଟିଙ୍କ ପାଇଁ ଭଲ ସଂକେତ। ତେଣୁ ଏଥିରେ ଗ୍ରାହକମାନେ ସହଯୋଗ କରନ୍ତୁ। ଅଯଥାରେ ଭିଡ଼ ବଢ଼ାନ୍ତୁ ନାହିଁ କି ସଂକଟକୁ ଡାକିଆଣନ୍ତୁ ନାହିଁ।
-ପ୍ରଦ୍ୟୁମ୍ନ ସାହୁ, ବ୍ୟବସାୟୀ, ଅନୁଗୋଳ

ସରକାର ବସ୍‌ଭଡ଼ା ବଢ଼ାନ୍ତୁ
କଟକ-ଭୁବନେଶ୍ୱରକୁ ଯାତ୍ରୀ ପରିବହନ ନ ହେଲେ ଅନୁଗୋଳ ଜିଲାରେ ବସ୍‌ ଗଡ଼ିବା ମୁସ୍କିଲ ହୋଇପଡ଼ିବ। ଜିଲାରେ ସୀମିତ ଯାତ୍ରୀଙ୍କୁ ନେଇ ବସ୍‌ ଚଳାଚଳ ସେତେଟା ସମ୍ଭବ ନୁହେଁ। ଡିଜେଲ ଦର ୧୦୦ ଟଙ୍କା ଛୁଇଁଥିବାରୁ ସରକାର ପ୍ରଥମେ ଭଡ଼ା ବଢ଼ାଇବା ଦରକାର।
-ରାଜୁ ମିଶ୍ର, ସାଧାରଣ ସମ୍ପାଦକ, ଅନୁଗୋଳ ବସ୍‌ ମାଲିକ ସଂଘ

ସ୍ବାଗତଯୋଗ୍ୟ ନିଷ୍ପତ୍ତି
ସଂକ୍ରମଣ କମୁଥିବାରୁ ଢେଙ୍କାନାଳ ଜିଲାକୁ କ୍ୟାଟେଗୋରି ‘ଏ’ରେ ସାମିଲ କରାଯାଇଛି। ସରକାରଙ୍କ ଏଭଳି ନିଷ୍ପତ୍ତି ସ୍ବାଗତଯୋଗ୍ୟ। ଜିଲା ପ୍ରଶାସନର ନିର୍ଦ୍ଦେଶକୁ ବ୍ୟବସାୟୀମାନେ ପାଳନ କରିଥିଲେ। ଦ୍ୱିତୀୟ ଲହରର ପ୍ରଭାବକୁ ନେଇ ସମସ୍ତେ ସଚେତନ ହେଲେଣି।
-ଶରତ ଚନ୍ଦ୍ର ପାଢ଼ୀ, ସଭାପତି,
ଢେଙ୍କାନାଳ ବାଣିଜ୍ୟ ଓ ଶିଳ୍ପ ପ୍ରତିଷ୍ଠାନ

ଗାଇଡ୍‌ଲାଇନ୍‌ ମାନିବାକୁ ପଡ଼ିବ
ସରକାରୀସ୍ତରରେ ଲାଗୁ କଟକଣା ଲୋକଙ୍କ ରୋଜଗାରର ବାଟ ବନ୍ଦ କରିଦେଇଥିଲା। କ୍ଷୁଦ୍ର ବ୍ୟବସାୟୀଙ୍କ ଜୀବିକା ଅଧିକ ପ୍ରଭାବିତ ହୋଇଥିଲା। ସ୍ଥିତିରେ ଉନ୍ନତି ଆସିବା ପରେ କଟକଣା ଆଂଶିକ କୋହଳ ହୋଇଛି। ତଥାପି ଗାଇଡ୍‌ଲାଇନକୁ ମାନି ଚଳିବାକୁ ପଡ଼ିବ।
-ପ୍ରସିତ କୁମାର ସାହୁ, ଢେଙ୍କାନାଳବାସୀ

ଜୀବିକା ପାଇଁ ବାଟ ଫିଟିଲା
ଶିଳ୍ପବହୁଳ ଢେଙ୍କାନାଳ ଜିଲା ଦୀର୍ଘଦିନ ପରେ କମ୍‌ ସଂକ୍ରମିତ ଜିଲା ତାଲିକାଭୁକ୍ତ ହୋଇଛି। କଟକଣା କୋହଳ ଦ୍ୱାରା କ୍ଷୁଦ୍ର, ନାମମାତ୍ର ବ୍ୟବସାୟୀଙ୍କ ଜୀବିକା ପାଇଁ ବାଟ ଫିଟିଛି। ତଥାପି ସଚେତନ ନ ରହିଲେ ସଂକ୍ରମଣ ବଢ଼ିବା ସହ ପୁଣି କଠୋର କଟକଣା ଫେରିପାରେ।
-ରାଜକିଶୋର ବେହେରା, ସାମାଜିକ କର୍ମୀ, ଢେଙ୍କାନାଳ

କେବଳ ଲୋକାଲ ବସ୍‌ ଚାଲିବ
ଏମ୍‌ଭିଆଇଙ୍କ ଯାଞ୍ଚ ପରେ ବସ୍‌ ଯାତାୟାତ କରିବା ଲାଗି ଅତିକମ୍‌ରେ ୨-୩ ଦିନ ସମୟ ଲାଗିବ। ଢେଙ୍କାନାଳ ଜିଲାରେ ପାଖାପାଖି ୧୫୦ ବସ୍‌ ଯାତ୍ରୀ ପରିବହନ କରିଥାଆନ୍ତି। ସେଥିରୁ ୭୦ରୁ ଊର୍ଦ୍ଧ୍ୱ କଟକ-ଭୁବନେଶ୍ୱର ଲିଙ୍କ୍‌ରେ ଚାଲୁଛି। କଟକ, ଭୁବନେଶ୍ୱରରେ ବସ୍‌ ଚଳାଚଳ ଲାଗି ସବୁଜ ସଙ୍କେତ ମିଳିନାହିଁ। ତେଣୁ ଜିଲା ଭିତରେ କେବଳ ଲୋକାଲ ବସ୍‌ଗୁଡ଼ିକ ଚାଲିବ।
-ରୁଦ୍ରନାରାୟଣ ତ୍ରିପାଠୀ, ଘରୋଇ ବସ୍‌ ମାଲିକ


Enter your email to get our daily news in your inbox.

All Right Reserved By Dharitri.Com

ଦକ୍ଷତା ବୃଦ୍ଧି କର: ତଥାଗତ

ଭାପୁର,୮।୯(ଡି.ଏନ.ଏ.)-ଢେଙ୍କାନାଳ ଜିଲା ସଦର ବ୍ଲକ ଅନ୍ତର୍ଗତ ଭାପୁର ନିକଟ କୋଇଲିପଙ୍ଗି ସ୍ଥିତ ଦେବେନ୍ଦ୍ର ଶତପଥୀ ସ୍ମାରକୀ କଲେଜ ପରିସରରେ ରବିବାର ୯୦ ତମ ଦେବେନ୍ଦ୍ର ଶତପଥୀ...

ଶିଳ୍ପାନୁଷ୍ଠାନରେ ବ୍ୟାପକ ସତର୍କତା

ଓଡ଼ାପଡ଼ା, ୨୫ା୩(ଡି.ଏନ.ଏ.) – କରୋନା ମୁକାବିଲା ଲାଗି ଢେଙ୍କାନାଳ ଜିଲାରେ ଥିବା ବିଭିନ୍ନ ଶିଳ୍ପାନୁଷ୍ଠାନ ପକ୍ଷରୁ ସତର୍କତାମୂଳକ ପଦକ୍ଷେପ ନିଆଯାଇଛି। ଜିଲା ପ୍ରଶାସନ ପକ୍ଷରୁ ମଙ୍ଗଳବାର...

କଟକଣା ମାନୁନାହାନ୍ତି ଭାରିଯାନ: ଗାଡ଼ି ଅଟକାଇ ପ୍ରତିବାଦ

ଭୁବନ, ୧୬।୧୧(ଡି.ଏନ୍‌.ଏ.) – ଭୁବନ ଏନ୍‌ଏସି ଦେଇ ଯାଇଥିବା ପୂର୍ତ୍ତ ବିଭାଗ ରାସ୍ତାରେ ଭାରିଯାନ ଚଳାଚଳକୁ ନେଇ ଲାଗି ରହିଥିବା ଅସନ୍ତୋଷ ଦିନକୁ ଦିନ ତୀବ୍ର...

ବିଭାଗ ଉପରେ ବର୍ଷିଲେ ଚାଷୀ

ରାସୋଳ, ୧୮।୧(ଡି.ଏନ.ଏ.) – ଢେଙ୍କାନାଳ ଜିଲା ହିନ୍ଦୋଳ ବ୍ଲକ ସାପୁଆ ଡ୍ୟାମ ନିକଟରେ ଶୁକ୍ରବାର ପାଣି ପଞ୍ଚାୟତ ପକ୍ଷ ପାଳିତ ହୋଇଯାଇଛି। ଆୟୋଜିତ କାର୍ଯ୍ୟକ୍ରମରେ ମୁଖ୍ୟଅତିଥି...

ବନ୍ୟା ବଢ଼ାଇଲା ଦୁର୍ଦ୍ଦଶା

ଭୁବନ, ୨୦।୮(ଡି.ଏନ.ଏ.): କରୋନା ସଙ୍କଟ ଭିତରେ ଚାଷୀକୂଳକୁ ଦାଉ ସାଜିଛି ବନ୍ୟା। ଆର୍ଥିକ ଅନଟନ ଭିତରେ ବଳଜୁଟାଇ କରିଥିବା ଚାଷକୁ ଧୋଇନେଇଛି ବଢ଼ି। ଜଳମଗ୍ନ ହୋଇପଡ଼ିଛି...

୨୦ବର୍ଷ ପରେ ଫେରିଲେ ବିଷ୍ଣୁ

ଢେଙ୍କାନାଳ ଅଫିସ, ୯।୧୧ – ନିଖୋଜର ୨୦ ବର୍ଷ ପରେ ସୁରକ୍ଷିତ ଭାବେ ଘରକୁ ଫେରିଛନ୍ତି ଢେଙ୍କାନାଳ ଜିଲା ଗଁଦିଆ ଥାନା ଗୁଣ୍ଡୁରାପଶି ଗ୍ରାମର ବିଷ୍ଣୁ...

ପରିବହନ କାର୍ଯ୍ୟାଳୟରେ ଦଲାଲ ରାଜ: ହାତଗୁଞ୍ଜା ନେଇ କିରାଣିଙ୍କ ପରି କରୁଛନ୍ତି କାମ

ଅନୁଗୋଳ ଅଫିସ, ୧୯।୯ – ସଂଶୋଧିତ ମୋଟରଯାନ ଆଇନ ଲାଗୁ ପରେ ଏବେ ରାଜ୍ୟରେ ଥିବା ଆଞ୍ଚଳିକ ପରିବହନ କାର୍ଯ୍ୟାଳୟଗୁଡ଼ିକରେ ଅସମ୍ଭବ ଭିଡ଼ ହେଉଛି। ଗାଡ଼ି...

ଏଜେଣ୍ଟଙ୍କୁ ମାଡ଼, ବୁଥ୍‌ ଜବରଦଖଲ

ଢେଙ୍କାନାଳ ଅଫିସ, ୧୯ ।୨ ଢେଙ୍କାନାଳ ସଦର ବ୍ଲକ ଚନ୍ଦ୍ରଶେଖରପ୍ରସାଦ ପଞ୍ଚାୟତରେ ବିରୋଧୀ ଦଳର ପ୍ରାର୍ଥୀ ବୁଥ୍‌ ଜବରଦଖଲ କରିଥିବା ଶାସକ ବିଜେଡି ପକ୍ଷରୁ ଅଭିଯୋଗ...

Advertisement
Archives

Model This Week