ନୂଆଦିଲ୍ଲୀ,୨୩।୧ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋମବାର ଶିବସେନା ପ୍ରତିଷ୍ଠାତା ବାଲ ଠାକରେଙ୍କୁ ତାଙ୍କ ଜନ୍ମ ବାର୍ଷିକୀରେ ସ୍ମରଣ କରି ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ପ୍ରଧାନମନ୍ତ୍ରୀ ମୋଦି ଏକ ଟୁଇଟରେ ଲେଖିଛନ୍ତି ଯେ ତାଙ୍କ ଜନ୍ମ ବାର୍ଷିକୀରେ ବାଲାସାହେବ ଠାକରେଙ୍କୁ ସ୍ମରଣ କରୁଛି। ମୁଁ ତାଙ୍କ ସହିତ ମୋର ପାରସ୍ପରିକ କଥାବାର୍ତ୍ତାର ସ୍ମୃତିକୁ ସର୍ବଦା ମନେ ରଖିଛି। ବାଲ ଠାକରେ ଜ୍ଞାନୀ ଥିଲେ। ଏହା ସହିତ ଉଚିତ ସ୍ଥାନରେ ଆବଶ୍ୟକ ଜବାବ ଦେବାରେ ଧୁରନ୍ଧର ଥିଲେ। ଜନ କଲ୍ୟାଣ ପାଇଁ ସେ ନିଜ ଜୀବନକୁ ଉତ୍ସର୍ଗ କରିଥିଲେ।
ସୋମବାର ଅନ୍ୟ ଏକ ଟୁଇଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଜନ୍ମ ବାର୍ଷିକୀରେ ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ଏବଂ ଦେଶର ସ୍ବାଧୀନତା ପାଇଁ ତାଙ୍କର ଅବଦାନକୁ ମନେ ପକାଇଛନ୍ତି। ପ୍ରଧାନମନ୍ତ୍ରୀ ଏକ ଟୁଇଟରେ ଲେଖିଛନ୍ତି ଯେ ଆଜି ପରାକ୍ରମ ଦିବସରେ ମୁଁ ନେତାଜୀ ସୁଭାଷ ଚନ୍ଦ୍ର ବୋଷଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରୁଛି ଏବଂ ଦେଶର ଇତିହାସରେ ତାଙ୍କର ଅପୂର୍ବ ଅବଦାନକୁ ସ୍ମରଣ କରୁଛି। ବ୍ରିଟିଶ ଶାସନ ପ୍ରତି ତାଙ୍କର ତୀବ୍ର ପ୍ରତିରୋଧ ପାଇଁ ସେ ବେଶ୍ ଜଣାଶୁଣା ଥିଲେ। ତାଙ୍କ ଚିନ୍ତାଧାରା ମୋତେ ବହୁତ ପ୍ରଭାବିତ କରିଛି, ଆମେ ଭାରତ ପାଇଁ ତାଙ୍କର ଦୃଷ୍ଟିକୁ ବାସ୍ତବ ରୂପ ଦେବା ପାଇଁ କାର୍ଯ୍ୟ କରୁଛୁ।
