ନୂଆଦିଲ୍ଲୀ,୫।୭: ରାଜସ୍ଥାନରେ ହେବାକୁ ଥିବା ରାଜସ୍ଥାନ ବିଧାନସଭା ନିର୍ବାଚନ୨୦୨୩ ପାଇଁ କେବଳ କିଛି ମାସ ବାକି ଅଛି। ନିର୍ବାଚନ ପୂର୍ବରୁ ଭାରତୀୟ ଜନତା ପାର୍ଟି (ଭାଜପା) ଆଲର୍ଟ ମୋଡରେ ଆସିଛି। ଏହାର ବରିଷ୍ଠ ନେତାଙ୍କ ଯାତ୍ରା ଆରମ୍ଭ ହୋଇସାରିଛି। ଏହା ସହିତ ଦେଶର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜୁଲାଇ ୮ରେ ବିକାନେର ଗସ୍ତ କରିବାକୁ ଯାଉଛନ୍ତି, ଯାହାକି ରାଜସ୍ଥାନର ମିଶନ ଅନ୍ତର୍ଗତ ଗତ ୭୦ଦିନ ମଧ୍ୟରେ ତୃତୀୟ ଗସ୍ତ। ପ୍ରଧାନମନ୍ତ୍ରୀ ମୋଦୀଙ୍କ ବିକାନେର ଗସ୍ତ ପାଇଁ ପ୍ରଶାସନିକ ସ୍ତରରେ ପ୍ରସ୍ତୁତି ଚାଲିଛି। ଏଥି ସହ ଭାଜପା ମଧ୍ୟ ନିଜ ସ୍ତରରେ ପ୍ରସ୍ତୁତି ଆରମ୍ଭ କରିଛି। ପ୍ରଧାନମନ୍ତ୍ରୀ ମୋଦିଙ୍କ ସରକାରୀ କାର୍ଯ୍ୟକ୍ରମ ବ୍ୟତୀତ ଭାଜପାର ଏକ ସଭାର ଆୟୋଜନ କରାଯାଇଛି। ପ୍ରଧାନମନ୍ତ୍ରୀ ମୋଦି ଏହି ବୈଠକକୁ ସମ୍ବୋଧିତ କରିବେ। ଭାରତୀୟ ଜନତା ଦଳର ରାଜ୍ୟ ସଭାପତି ସିପି ଯୋଶୀ ପ୍ରଧାନମନ୍ତ୍ରୀ ମୋଦିଙ୍କ ବିକାନେର ଗସ୍ତ ପାଇଁ ପ୍ରସ୍ତୁତିର ସମୀକ୍ଷା କରୁଛନ୍ତି।
ପ୍ରଧାନମନ୍ତ୍ରୀ ମୋଦିଙ୍କ ଗସ୍ତକୁ ନେଇ ଭାଜପା ପ୍ରସ୍ତୁତ ରହିଛି। ପ୍ରଧାନମନ୍ତ୍ରୀଙ୍କ ବିକାନେର ଡିଭିଜନ ଗସ୍ତରେ ରାଜସ୍ଥାନରେ ହେବାକୁ ଥିବା ବିଧାନସଭା ନିର୍ବାଚନ ଏବଂ ପରେ ଲୋକ ସଭା ନିର୍ବାଚନ ପୂର୍ବରୁ ଦଳ ଆଲର୍ଟ ମୋଡକୁ ଆସିଛି। ସେ ଡିଭିଜନରେ ବିଧାନସଭା ଏବଂ ଲୋକ ସଭା ଆସନ ଉପରେ ଧ୍ୟାନ ଦେବାକୁ ଚାହୁଁଛନ୍ତି। ଏଥର ସେ ଅମୃତସର-ଜାମନଗର ଏକ୍ସପ୍ରେସ ରାଜପଥ ଉଦ୍ଘାଟନ କରିବାକୁ ଆସୁଛନ୍ତି। ପ୍ରଧାନମନ୍ତ୍ରୀ ମୋଦିଙ୍କ ଗସ୍ତକୁ ସଫଳ କରିବା ପାଇଁ ଭାଜପା ପ୍ରସ୍ତୁତ ଚଳାଇଛି।
