ବାରାଣସୀ, ୨୩।୧୨: ପ୍ରଧାନନ୍ତ୍ରୀ ନରେନ୍ଦ୍ର ମୋଦି ନିଜ ସଂସଦୀୟ କ୍ଷେତ୍ର ବାରାଣସୀରେ ଗୁରୁବାର ୨୭ଟି ବିଭିନ୍ନ ବିକାଶ ପ୍ରକଳ୍ପର ଲୋକାର୍ପଣ କରିଛନ୍ତି। ଏସବୁ ପ୍ରକଳ୍ପର ନିର୍ମାଣରେ ୨୧୦୦ କୋଟି ଟଙ୍କା ବ୍ୟୟ ହୋଇଛି। ସେଥିମଧ୍ୟରେ ୮୭୦ କୋଟି ଟଙ୍କାର ୨୨ଟି ପ୍ରକଳ୍ପ ରହିଛି। ସେହିପରି ବନାସ କାଶୀ ସଂକୁଲ କରଖିଆଓ୍ବ ପାଇଁ ୪୭୫ କୋଟି ଟଙ୍କା ଖର୍ଚ୍ଚ ହୋଇଛି।
ମୋହନସରାଇ ଦିନଦୟାଲ ଚାକିଆ ମାର୍ଗର ଛଅ ଲେନ କାମ ପାଇଁ ୪୧୨.୫୩ କୋଟି, ବାରାଣାସୀ-ଭଦୋହି-ଗୋପିଗଞ୍ଜ ରାସ୍ତାର ଚାରି ଲେନ ରାସ୍ତା ଚଉଡ଼ା ଲାଗି ୨୬୯.୧୦ କୋଟି। ଦୁଗ୍ଧ ଉତ୍ପାଦକ ସମବାୟ ୟୁନିଅନ ଲିମିଟେଡ ପ୍ଲାଣ୍ଟ, ରାମନଗର ବାୟୋ-ଗ୍ୟାସ ଶକ୍ତି ଉତ୍ପାଦନ କେନ୍ଦ୍ର ପାଇଁ ୧୯ କୋଟି ଟଙ୍କା ଖର୍ଚ୍ଚ ହୋଇଛି। ଆୟୁଷ ମିଶନ ଅଧୀନରେ ଥିବା ସରକାରୀ ହୋମିଓପାଥିକ ମେଡିକାଲ କଲେଜ ପାଇଁ ୪୯.୯୯ କୋଟି ଖର୍ଚ୍ଚ କରାଯାଇଛି।
ଗତ ୧୦ ଦିନ ମଧ୍ୟରେ ଏହା ହେଉଛି ପ୍ରଧାନମନ୍ତ୍ରୀଙ୍କର ଦ୍ୱିତୀୟ ଉତ୍ତରପ୍ରଦେଶ ଗସ୍ତ। ଏହାପୂର୍ବରୁ, ଡିସେମ୍ବର ୧୩-୧୪ ରେ ପ୍ରଧାନମନ୍ତ୍ରୀ ବାରାଣସୀ ପରିଦର୍ଶନ କରିଥିଲେ। ଏହି ସମୟରେ ସେ କାଶୀ-ବିଶ୍ୱନାଥ କରିଡରର ପ୍ରଥମ ପର୍ଯ୍ୟାୟ ଉଦଘାଟନ କରିଥିଲେ।
