ନୂଆଦିଲ୍ଲୀ,୨।୧୨: ଭାଜପା ସଭାପତି ଜେପି ନଡ୍ଡା ୬୨ ବର୍ଷରେ ପଦାର୍ପଣ କରିଛନ୍ତି। ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନଡାଙ୍କୁ ଟୁଇଟ୍ ଯୋଗେ ଶୁଭେଚ୍ଛା ଜଣାଇ ତାଙ୍କ ନେତୃତ୍ୱକୁ ପ୍ରଶଂସା କରିଛନ୍ତି। ପ୍ରଧାନମନ୍ତ୍ରୀ ଟୁଇଟ କରି ଲେଖିଛନ୍ତି, ଭାରତୀୟ ଜନତା ପାର୍ଟିର ରାଷ୍ଟ୍ରୀୟ ସଭାପତି ଜେ.ପି ନଡ୍ଡା ଜୀଙ୍କୁ ଅନେକ ଜନ୍ମଦିନର ଶୁଭେଚ୍ଛା। ସେ ତାଙ୍କ ନେତୃତ୍ୱ କ୍ଷମତା ସହିତ ଭାଜପାରେ ନୂତନ ଉତ୍ସାହ ଏବଂ ନୂତନ ଶକ୍ତି ପୂରଣ କରିବାର କାର୍ଯ୍ୟ କରିଛନ୍ତି। ଭଗବାନ ତାଙ୍କୁ ଦୀର୍ଘ ଏବଂ ସୁସ୍ଥ ଜୀବନ ଦିଅନ୍ତୁ।
ନଡ୍ଡା ଜାନୁଆରୀ ୨୦୨୦ରେ ଭାଜପାର ଜାତୀୟ ସଭାପତି ଭାବରେ ତିନି ବର୍ଷ ପାଇଁ ମନୋନୀତ ହୋଇଥିଲେ। ନଡ୍ଡାଙ୍କ ତିନି ବର୍ଷର କାର୍ଯ୍ୟକାଳ ଆସନ୍ତା ବର୍ଷ ଜାନୁଆରୀରେ ଶେଷ ହେବ। ତେବେ, ୨୦୨୪ ଲୋକ ସଭା ନିର୍ବାଚନକୁ ଦୃଷ୍ଟିରେ ରଖି ହାଇକମାଣ୍ଡ ତାଙ୍କ କାର୍ଯ୍ୟକାଳ ବୃଦ୍ଧି କରିପାରନ୍ତି।
ନଡ୍ଡା ବିହାରର ରାଜଧାନୀ ପାଟନାରେ ଜନ୍ମଗ୍ରହଣ କରିଥିଲେ। ସେ ପାଟନାରୁ ବିଏ ଏବଂ ଏଲଏଲବି ପରୀକ୍ଷାରେ ଉତ୍ତୀର୍ଣ୍ଣ ହୋଇଥିଲେ। ସେ ଆରମ୍ଭରୁ ଏବିଭିପି ସହିତ ଜଡିତ ଥିଲେ। ତାଙ୍କ ରାଜନୈତିକ କ୍ୟାରିୟରରେ ନଡ୍ଡା ଜମ୍ମୁ-କଶ୍ମୀର, ପଞ୍ଜାବ, ହରିୟାଣା, ଛତିଶଗଡ, ତେଲେଙ୍ଗାନା, କେରଳ, ରାଜସ୍ଥାନ, ମହାରାଷ୍ଟ୍ର, ଉତ୍ତରପ୍ରଦେଶ ସମେତ ଅନେକ ରାଜ୍ୟ ଦାୟିତ୍ୱରେ ଥିଲେ।
भारतीय जनता पार्टी के राष्ट्रीय अध्यक्ष जेपी नड्डा जी को जन्मदिन की ढेरों शुभकामनाएं। उन्होंने अपनी नेतृत्व क्षमता से भाजपा में नया जोश और नई ऊर्जा भरने का काम किया है।ईश्वर उन्हें दीर्घायु और आरोग्यपूर्ण जीवन प्रदान करे। @JPNadda
— Narendra Modi (@narendramodi) December 2, 2022
