ନୂଆଦିଲ୍ଲୀ,୪ା୨: ପ୍ରାୟ ଗୋଟିଏ ବର୍ଷ ପରେ ମଣିପୁରରୁ ହଟିଲା ରାଷ୍ଟ୍ରପତି ଶାସନ । ଗତବର୍ଷ ଫେବୃଆରୀ ୧୩ରୁ ରାଜ୍ୟରେ ରାଷ୍ଟ୍ରପତି ଶାସନ ଲାଗୁ ହୋଇଥିଲା । ରାଷ୍ଟ୍ରପତି ଶାସନ ପ୍ରତ୍ୟାହୃତ ନେଇ ଗୃହ ମନ୍ତ୍ରାଳୟ ପକ୍ଷରୁ ବିଜ୍ଞପ୍ତି ଜାରି କରାଯାଇଛି । ରାଷ୍ଟ୍ରପତି ଶାସନ ଲାଗୁ ହେବା ପରେ, ୬୦ ସଦସ୍ୟ ବିଶିଷ୍ଟ ବିଧାନସଭାକୁ ସ୍ଥଗିତ ରଖାଯାଇଥିଲା। ବିଧାନସଭାର କାର୍ଯ୍ୟକାଳ ୨୦୨୭ ରେ ଶେଷ ହେଉଛି । ନବନିଯୁକ୍ତ ବିଜେପି ବିଧାୟକ ଦଳ ନେତା ୟୁମନାମ ଖେମଚାନ୍ଦ ସିଂ ମଣିପୁର ରାଜ୍ୟପାଳ ଅଜୟ କୁମାର ଭଲ୍ଲାଙ୍କୁ ସରକାର ଗଠନ ପାଇଁ ଦାବି ଉପସ୍ଥାପନ କରିବା ପରେ ତାଙ୍କ ଘରେ ପହଞ୍ଚିଥିଲେ । ୟୁମନମ ଖେମଚନ୍ଦ ସିଂ ହେବେ ନୂଆ ମୁଖ୍ୟମନ୍ତ୍ରୀ ।
ଗତ ମଙ୍ଗଳବାର ଦିନ ବିଜେପିର ୩୭ବିଧାୟକଙ୍କ ମଧ୍ୟରୁ ୩୫ଜଣଙ୍କ ସହିତ ଦଳର କେନ୍ଦ୍ରୀୟ ପର୍ଯ୍ୟବେକ୍ଷକ ତରୁଣ ଚୁଗ, ଉତ୍ତର-ପୂର୍ବ ପ୍ରଭାରୀ ସମ୍ବିତ ପାତ୍ର ଏବଂ ବିଜେପି ରାଜ୍ୟ ସଭାପତି ଏ. ଶାରଦା ଦେବୀଙ୍କ ଉପସ୍ଥିତିରେ ୱାଇ. ଖେମଚାନ୍ଦ ସିଂହଙ୍କୁ ବିଧାୟକ ଦଳ ନେତା ଭାବରେ ନିର୍ବାଚିତ କରାଯାଇଥିଲା। ମଣିପୁରରେ ବର୍ତ୍ତମାନ ବିଜେପିର ୩୭ ଜଣ ବିଧାୟକ ଅଛନ୍ତି । ୨୦୨୨ ବିଧାନସଭା ନିର୍ବାଚନରେ ୩୨ ଜଣ ବିଜେପି ପ୍ରାର୍ଥୀ ବିଜୟୀ ହୋଇଥିଲେ । ଜନତା ଦଳ (ୟୁନାଇଟେଡ୍) ଛଅଟି ଆସନ ଜିତିଥିଲା, ଯାହା ମଧ୍ୟରୁ ପାଞ୍ଚଟି ପରେ ବିଜେପିରେ ଯୋଗ ଦେଇଥିଲା। ଅନ୍ୟ ବିଧାୟକଙ୍କ ମଧ୍ୟରେ ନ୍ୟାସନାଲ ପିପୁଲ୍ସ ପାର୍ଟି (ଏନପିପି)ର ଛଅଟି, ନାଗା ପିପୁଲ୍ସ ଫ୍ରଣ୍ଟ (ଏନ୍ପିଏଫ୍)ର ପାଞ୍ଚଟି, କଂଗ୍ରେସର ପାଞ୍ଚଟି, କୁକି ପିପୁଲ୍ସ ଆଲାଏନ୍ସର ଦୁଇଜଣ, ଜେଡି(ୟୁ)ର ଜଣେ ଏବଂ ତିନି ଜଣ ସ୍ୱାଧୀନ ବିଧାୟକ ଅଛନ୍ତି।
