ନୂଆଦିଲ୍ଲୀ,୨୫।୧୦ : ରାହୁଲ ଗାନ୍ଧୀଙ୍କ ଭାରତ ଯୋଡୋ ଯାତ୍ରା ନଭେମ୍ବର ୭ରେ ମହାରାଷ୍ଟ୍ରରେ ପ୍ରବେଶ କରିବ। ପଦଯାତ୍ରାର ମହାରାଷ୍ଟ୍ର ପର୍ଯ୍ୟାୟ ବେଶ ଗୁରୁତ୍ୱପୂର୍ଣ୍ଣ ହେବ ବୋଲି ଚର୍ଚ୍ଚା ହେଉଛି। ଏହି ପଦଯାତ୍ରାରେ ଉଦ୍ଧିବ ଠାକରେଙ୍କ ସେନା ଏବଂ ଶରଦ ପାଓ୍ବାରଙ୍କ ଏନସିପି କର୍ମୀ ଏଥିରେ ଯୋଗଦେବାର କାର୍ଯ୍ୟକ୍ରମ ରହିଛି। ଆଗାମୀ ୨୦୨୪ ଲୋକସଭା ନିର୍ବାଚନକୁ ଦୃଷ୍ଟିରେ ରଖି ଏନସିପି ଏବଂ ଉଦ୍ଧବଙ୍କ ସମର୍ଥକ ଏହି ପଦଯାତ୍ରାରେ ସାମିଲ ହେବେ ବୋଲି ରାଜନୈତିକ ସମୀକ୍ଷକ ମତପୋଷଣ କରିଛନ୍ତି।
ପାଓ୍ବାରଙ୍କ ଅନୁସାରେ କଂଗ୍ରେସ ଦ୍ୱାରା ଆରମ୍ଭ ହୋଇଥିବା ଏହି ପଦଯାତ୍ରା ଦେଶର ସମାଜରେ ସମରସତାକୁ ସୁଦୃଢ଼ କରିବା ଲାଗି ଏକ ପ୍ରୟାସ। ଏହାଦ୍ୱାରା ଭାଜପା ବିରୋଧୀ ଏକ ଶକ୍ତିଶାଳୀ ମେ୍ଯଯ ଗଠନ ହୋଇ ପାରିବ।
