ଭଞ୍ଜନଗର,୧ା୬(ବାବୁଲା ପ୍ରଧାନ): ଭଞ୍ଜନଗର ସହର ବ୍ଲକ ଛକରେ ଥିବା କୟା ବାଗଦେବୀ ମନ୍ଦିର ଏବଂ ବିଗ୍ରହ ପ୍ରତିଷ୍ଠା ଉତ୍ସବ ଆସନ୍ତା ୪ ତାରିଖରୁ ୯ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବ। ଏଥିପାଇଁ ସମସ୍ତ ପ୍ରସ୍ତୁତି ଚୁଡାନ୍ତ ପର୍ଯ୍ୟାୟରେ ପହଞ୍ଚିଛି । ଏହି ସମୟରେ କଳସ ଶୋଭାଯାତ୍ରା ସହ ନାମ ଯଜ୍ଞ, ଅନ୍ନ ଯଜ୍ଞ, ଘୃତ ଯଜ୍ଞ ସମେତ ଅନ୍ୟାନ୍ୟ କାର୍ଯ୍ୟକ୍ରମ ହେବ।
ରବିବାର ସନ୍ଧ୍ୟାରେ ମନ୍ଦିର କାର୍ଯ୍ୟାଳୟ ପରିସରରେ ଏକ ପ୍ରସ୍ତୁତି ବୈଠକ ହୋଇଥିଲା। ଏଥିରେ ବିଧାୟକ ପ୍ରଦ୍ୟୁମ୍ନ କୁମାର ନାୟକ ଅଧ୍ୟକ୍ଷତା କରି ପ୍ରତିଷ୍ଠା ଉତ୍ସବ କିଭଳି ସୂଚାରୁରୂପେ ସମ୍ପନ୍ନ ହେବ ସେନେଇ ଗୁରୁତ୍ୱ ଦେଇଥିଲେ। ବୈଠକରେ ଅନ୍ୟମାନଙ୍କ ମଧ୍ୟରେ ମନ୍ଦିର କର୍ମକର୍ତ୍ତା ପ୍ରସର୍ନ ନାୟକ, ମୁରଲୀ ପଣ୍ଡା, ଧୋବା ଗୌଡ, ସନ୍ତୋଷ ପାଳ, ଗୋପାଳ ପାଣିଗ୍ରାହୀ ଉପସ୍ଥିତି ଥିଲେ।
ବୈଠକରେ ମନ୍ଦିର କର୍ମକର୍ତ୍ତା ଶ୍ରୀରାମ ପ୍ରସାଦ ପାଳ, ପ୍ରମୋଦ ଦଳବେହେରା, ସୁବାସ ପ୍ରଧାନ, ସୁବାଷ ବରାଡ, କଳ୍ପତରୁ ନାୟକ, ରାଘବ ଚନ୍ଦ୍ର ଆଚାର୍ଯ୍ୟ, ପ୍ରଫୁଲ୍ଲ ପଟ୍ଟନାୟକ, ପର୍ଶୁରାମ ସ୍ବାଇଁ, ହରିହର ନାୟକ, ଏମପି ପ୍ରତିନିଧି ସନ୍ତୋଷ ତିଆଡି ପ୍ରମୁଖ ଉପସ୍ଥିତ ରହି ଆଲୋଚନାରେ ଅଂଶଗ୍ରହଣ କରିଥିଲେ।
କିଛିବର୍ଷ ତଳେ ଭଞ୍ଜନଗର ଦଶପଲ୍ଲା ମୁଖ୍ୟ ରାସ୍ତା ସମ୍ପ୍ରସାରଣ ହୋଇଥିଲା। ଫଳରେ ରହିଥିବା ବାଗଦେବୀ ମନ୍ଦିର ସମ୍ମୁଖରେ ଜମୁଥିବା ବର୍ଷା ପାଣି ଆଉ ନିଷ୍କାସନ ହୋଇପାରିଲା ନାହିଁ। ବର୍ଷା ଦିନେ ମନ୍ଦିର ଭିତରେ ୩ ରୁ ୪ ଫୁଟ ପାଣି ଜମି ରହୁଥିଲା। ତେଣୁ ସେଠାରେ ଏକ ନୂତନ ମନ୍ଦିର ନିର୍ମାଣ କରିବା ଆବଶ୍ୟକ ହୋଇପଡ଼ିଥିଲା। ୨୦୨୩ରୁ ନୂତନ ମନ୍ଦିର ନିର୍ମାଣ କାର୍ଯ୍ୟ ଆରମ୍ଭ ହୋଇଥିଲା। ଇତିମଧ୍ୟରେ ସମସ୍ତଙ୍କ ସହଯୋଗରେ ମନ୍ଦିର କାର୍ଯ୍ୟ ପୂର୍ଣ୍ଣାଙ୍ଗ ହୋଇଛି।
