ନୂଆଦିଲ୍ଲୀ,୨୭।୧୧ : ସଂସଦର ଆଗାମୀ ଶୀତ ଅଧିବେଶନରେ ସରକାର କିଛି ଗୁରୁତ୍ୱପୂର୍ଣ୍ଣ ବିଲ ଆଗତ କରିପାରିନ୍ତ୍ି। ଜନ୍ମ ଏବଂ ମୃତ୍ୟୁ ଡାଟାବେସ ମାଧ୍ୟମରେ ଜାତୀୟ ଜନସଂଖ୍ୟା ରେଜିଷ୍ଟର (ଏନପିଆର) ର ଅପଡେଶନକୁ ଅନୁମତି ଦେବା ସହିତ ଜଡିତ ଏକ ବିଲ ମଧ୍ୟ ଏଥିରେ ଅନ୍ତର୍ଭୁକ୍ତ ହୋଇପାରେ। ଏହି ବିଲ ରେଜିଷ୍ଟ୍ରାର୍ ଜେନେରାଲ ଅଫ ଇଣ୍ଡିଙ୍କେୁ ଜନ୍ମ ଏବଂ ମୃତ୍ୟୁ ଡାଟାବେସ ବଜାୟ ରଖିବାକୁ ଏବଂ ଏନପିଆରକୁ ଅପଡେଟ କରିବାକୁ ଅନୁମତି ଦେଇଥାଏ।
ଏହି ବିଲ ମାଧ୍ୟମରେ, ରେଜିଷ୍ଟ୍ରେଶନ ଅଫ ବାର୍ଥ ଆଣ୍ଡ ଡେଥ (ଆରବିଡି) ଆକ୍ଟ, ୧୯୬୯ରେ ସଂଶୋଧନ ଲୋଡାଯାଇଛି। ଗତ ବର୍ଷ ଅକ୍ଟୋବରରେ ପ୍ରସ୍ତାବ ଉପରେ ସର୍ବସାଧାରଣଙ୍କ ମତାମତ ଏବଂ ପରାମର୍ଶ ପାଇଁ ଏହାକୁ ଉପସ୍ଥାପନ କରାଯାଇଥିଲା। ଏଥିରେ ଆହୁରି ମଧ୍ୟ କୁହାଯାଇଛି ଯେ ଭୋଟର ତାଲିକା, ଆଧାର ଡାଟାବେସ, ରାଶନ କାର୍ଡ, ପାସପୋର୍ଟ ଏବଂ ଡ୍ରାଇଭିଂ ଲାଇସେନ୍ସ ଅପଡେଟ କରିବା ପାଇଁ ଏହି ଡାଟା ବ୍ୟବହାର କରାଯିବ।
ରିପୋର୍ଟ ଅନୁଯାୟୀ, ଆରବିଡି ଆକ୍ଟରେ ସରକାର ଧାରା ୩-ଏ ଯୋଡିବାକୁ ଚାହୁଁଛନ୍ତି। ବିଲରେ ଦର୍ଶାଯାଇଛି ଯେ ରେଜିଷ୍ଟ୍ରାର ଜେନେରାଲ ଭାରତରେ ଜନ୍ମ ଏବଂ ମୃତ୍ୟୁର ଏକ ଜାତୀୟ ସ୍ତରରେ ପଞ୍ଜୀକୃତ ଡାଟାବେସ ବଜାୟ ରଖିବେ, ଯାହାର ବ୍ୟବହାର ଅନୁମତି ସହିତ କରାଯାଇପାରିବ। ଜନ୍ମ ଏବଂ ମୃତ୍ୟୁ ବିଷୟରେ ସୂଚନା ଦେବା ପାଇଁ ନାଗରିକ ତଥା ଘରର ମୁଖ୍ୟଙ୍କ ଆବଶ୍ୟକତା ସହିତ କାର୍ଯ୍ୟ କରୁଥିବା ଧାରା ୮ ରେ ମଧ୍ୟ ଏକ ସଂଶୋଧନ ପ୍ରସ୍ତାବ ଦିଆଯାଇଛି।
