କାନିଜ୍ସା(ହଙ୍ଗେରୀ),୨୪ା୮: ଜର୍ମାନୀର ଭାଦିମ ପେତ୍ରୋଭସ୍କିଙ୍କ ବିପକ୍ଷରେ ଏକ ରୋମାଞ୍ଚକ ବିଜୟ ହାସଲ କରି ଭାରତୀୟ ଗ୍ରାଣ୍ଡମାଷ୍ଟର ପ୍ରଣେଶ ଏମ୍ ସମ୍ମାନଜନକ କାନିଜ୍ସା ଓପନ ଚେସ୍ ଟାଇଟଲ ହାସଲ କରିଛନ୍ତି।
ପ୍ରତିଯୋଗିତାର ୯ମ ତଥା ଫାଇନାଲ ରାଉଣ୍ଡରେ ଏହି ୧୯ ବର୍ଷୀୟ ପେତ୍ରୋଭକ୍ସି ଧଳା ଦାନରେ ଖେଳି ଚାମ୍ପିୟନଶିପ୍ ଜିତି ନେଇଥିଲେ। ୨୬୭୩ ରେଟିଂପ୍ରାପ୍ତ ପ୍ରଣେଶ ସଦ୍ୟ ପ୍ରକାଶିତ ଫିଡେ ଓ୍ବାଲର୍ଡ ର଼୍ୟାଙ୍କିଙ୍ଗରେ ୪୪ତମ ସ୍ଥାନ ଅଧିକାର କରିଛନ୍ତି।
ଟୁର୍ନାମେଣ୍ଟରେ ଏହି ସଫଳତା ପାଇଁ ହଙ୍ଗେରୀସ୍ଥିତ ଭାରତୀୟ ଦୂତାବାସ ପକ୍ଷରୁ ପ୍ରଣେଶଙ୍କୁ ଶୁଭେଚ୍ଛା ଜ୍ଞାପନ କରାଯାଇଥିଲା। ୯ମ ରାଉଣ୍ଡରେ ରୋମାଞ୍ଚକ ଖେଳ ପରେ ପ୍ରଣେଶ ସେଣ୍ଟ୍ରାଲ ୟୁରୋପର ଏହି ସବୁଠାରୁ ପ୍ରତିଦ୍ୱନ୍ଦ୍ୱିତାମୂଳକ ଓପନ ଟୁର୍ନାମେଣ୍ଟରେ ପ୍ରଣେଶ ଶୀର୍ଷ ସ୍ଥାନ ଅଧିକାର କରିଥିଲେ। ତାମିଲନାଡୁର କରାଇକୁଡି ବାସିନ୍ଦା ପ୍ରଣେଶ ୯ରାଉଣ୍ଡ ଖେଳରୁ ୭ ପଏଣ୍ଟ ଅର୍ଜନ କରିଥିଲେ। ଓର୍ ବ୍ରୋନ୍ଷ୍ଟିନ୍, ଆନ୍ଦ୍ରେଇ ଭୋଲୋକଟିନ୍ ଏବଂ ଭାରତର କାର୍ତ୍ତିକ ଭେଙ୍କଟରମଣ ୭ ପଏଣ୍ଟ ସହ ଟୁର୍ନାମେଣ୍ଟ ଶେଷ କରିଥିଲେ।