ନୂଆଦିଲ୍ଲୀ, ୧୭।୬: ଦେଶର ରାଜଧାନୀ ଦିଲ୍ଲୀରେ ବିଜୁଳି ସମସ୍ୟା ଲାଗି ରହିଛି । ଏହାର ପ୍ରଭାବ ବିମାନ ବନ୍ଦରରେ ମଧ୍ୟ ଦେଖିବାକୁ ମିଳିଛି । ଦେଶର ଗୁରୁତ଼୍ବପୂର୍ଣ୍ଣ ଆନ୍ତର୍ଜାତିକ ଇନ୍ଦିରା ଗାନ୍ଧୀ ବିମାନ ବନ୍ଦରରେ ବିଜୁଳି ଚାଲିଯିବାରୁ ଯାତ୍ରୀମାନେ ପ୍ରବଳ ସମସ୍ୟାର ସମ୍ମୁଖୀନ ହୋଇଥିବା ଜଣାପଡ଼ିଛି । ଯାତ୍ରୀଙ୍କ ସହ କର୍ମଚାରୀ ମଧ୍ୟ ହଇରାଣ ହୋଇଛନ୍ତି । ଚେକ୍ ଇନ୍ ଠାରୁ ଆରମ୍ଭ କରି ବୋର୍ଡିଂ ପର୍ଯ୍ୟନ୍ତ ସମସ୍ତ କାମ ଠପ୍ ହୋଇପଡ଼ିଛି । ଏହାର ପ୍ରଭାବ ବିମାନ ଉଡ଼ାଣ ଉପରେ ମଧ୍ୟ ପଡ଼ିଛି । କେତେକ ବିମନ ଉଡ଼ାଣରେ ବିଲମ଼୍ବ ହୋଇଛି ।
ଦିଲ୍ଲୀ ବିମାନ ବନ୍ଦରରେ ଦ଼୍ବିପ୍ରହର ୨.୩୦ ପାଖାପାଖି ବିଜୁଳି କଟିଛି । ଫଳରେ ସ୍କାନର ମେସିନ୍ ସହ ସମସ୍ତ ଯାନ୍ତ୍ରିକ ସିଷ୍ଟମ ଏବଂ ସେଣ୍ଟ୍ରାଲାଇଜ୍ ଏସି ମଧ୍ୟ ବନ୍ଦ ହୋଇଯାଇଛି । ସ୍କାନିଂ ମେସିନ୍ ବନ୍ଦ ହୋଇଯିବା ଫଳରେ ପ୍ରବେଶ ଦ଼୍ବାର ବନ୍ଦ ହୋଇଯାଇଛି । ଫଳରେ ଗେଟ୍ ବାହାରେ ଲମ଼୍ବାଲାଇନ୍ ଲାଗିଛି । ଗରମରେ ଯାତ୍ରୀ ହନ୍ତସନ୍ତ ହେଉଥିବା ଦେଖିବାକୁ ମିଳିଛି ।
