ଭୁବନେଶ୍ୱର,୧୯।୪: ରାଜ୍ୟର ପ୍ରମୁଖ ଘରୋଇ ଶିକ୍ଷାନୁଷ୍ଠାନ ଏଏସ୍ବିଏମ୍ ବିଶ୍ୱବିଦ୍ୟାଳୟ ପକ୍ଷରୁ ଚଳିତ ଶିକ୍ଷାବର୍ଷ (୨୦୨୩-୨୪ ବର୍ଷ) ଠାରୁ ନୂତନ ଶିକ୍ଷା ତଥା ଗବେଷଣାତ୍ମକ ସ୍ନାତକ ପାଠ୍ୟକ୍ରମର ଶୁଭାରମ୍ଭ ସମ୍ପର୍କରେ ଘୋଷଣା କରାଯାଇଛି। ଏପରିକି ରାଜ୍ୟର ପ୍ରଥମ ଘରୋଇ ବିଶ୍ୱବିଦ୍ୟାଳୟ ଭାବେ ଜାତୀୟ ଶିକ୍ଷାନୀତି-୨୦୨୦ର କ୍ରେଡିଟ୍ ଫ୍ରେମ୍ୱାର୍କ ଅନୁସାରେ ଏକ ୪ ବର୍ଷିଆ ଗବେଷଣାମତ୍କ ସ୍ନାତକ ପାଠ୍ୟକ୍ରମ ପ୍ରଚଳନ କରିଛି। ସେହିଭଳି ବିଶ୍ୱବିଦ୍ୟାଳୟ ଅନୁଦାନ ଆୟୋଗ (ୟୁଜିସି) ଦ୍ୱାରା ପ୍ରସ୍ତୁତ ନୂତନ ଶିକ୍ଷାନୀତି-୨୦୨୦ ଆଧାରରେ ଛାତ୍ରୀଛାତ୍ରମାନଙ୍କର ବୃହତ୍ତର ସ୍ବାର୍ଥକୁ ଗୁରୁତ୍ୱ ପ୍ରଦାନ କରି ସ୍ନାତକ ଶ୍ରେଣୀମାନଙ୍କ ପାଇଁ ନିକଟରେ ଆୟୋଗ ନୂତନ ଭାବେ ୪ବର୍ଷିଆ ପାଠ୍ୟକ୍ରମ ଓ କ୍ରେଡିଟ୍ ଫ୍ରେମ୍ ୱାର୍କ ପ୍ରସ୍ତୁତ କରିଛନ୍ତି। ଏଏସ୍ବିଏମ୍ ବିଶ୍ୱବିଦ୍ୟାଳୟର ପ୍ରତିଷ୍ଠାତା ତଥା କୁଳାଧ୍ୟକ୍ଷ ପ୍ରଫେସର୍ ଡ. ବିଶ୍ୱଜିତ୍ ପଟ୍ଟନାୟକ କହିଛନ୍ତି, ୟୁଜିସିର ଏହି ଉଦ୍ୟମ ଓ ପାଠ୍ୟକ୍ରମକୁ ପ୍ରଶଂସା କରିବା ସହ ରାଜ୍ୟରେ ସର୍ବପ୍ରଥମେ ଏଏସ୍ବିଏମ୍ ବିଶ୍ୱବିଦ୍ୟାଳୟ ଏହି ୪ବର୍ଷିଆ ପାଠ୍ୟକ୍ରମକୁ ତା’ର ସ୍ନାତକ ଶ୍ରେଣୀର ପାଠ୍ୟକ୍ରମରେ ଅନ୍ତର୍ଭୁକ୍ତ କରାଇଛି। ଏପରିକି ରାଜ୍ୟର ବହୁ ଶିକ୍ଷାବିତ୍ ଓ ବୁଦ୍ଧିଜୀବୀଙ୍କ ଦ୍ୱାରା ଏହା ବେଶ୍ ଉଚ୍ଚ ପ୍ରଶଂସିତ ହୋଇଛି ା ଏହି ନୂତନ ବ୍ୟବସ୍ଥା ଫଳରେ ବିବିଏ, ବି.କମ୍, ବିବିଏ-ଇ କମର୍ସ, ବିଏ-ଅର୍ଥଶାସ୍ତ୍ର, ବିଏ-ଇଂରାଜୀ, ବିଏ- ସାଇକୋଲୋଜି, ବିଏ-କମ୍ୟୁନିକେଶନ ଓ ମିଡିଆ, ବିସିଏ, ବିଏସ୍ସି-ଆଟିଏମ୍, ବିଏସ୍ସି-କମ୍ପ୍ୟୁଟର୍ ସାଇନ୍ସରେ ୨୦୨୩-୨୪ ଶିକ୍ଷାବର୍ଷଠାରୁ ଏଏସ୍ବିଏମ୍ ବିଶ୍ୱବିଦ୍ୟାଳୟରେ ପ୍ରବେଶ କରୁଥିବା ଛାତ୍ରୀଛାତ୍ରମାନେ ଲାଭ ପାଇପାରିବେ ା
