ଗ୍ରୀଷ୍ମ ଋତୁର ପ୍ରଚଣ୍ଡ ଖରା ଲାଗି ଅନେକ ସମୟରେ ଘରୁ ବାହାରିବାକୁ ଇଛା ହୁଏନା। କାରଣ ବାହାରର ଗରମ ଝାଞ୍ଜି ପବନ ଓ ଝାଳ ପାଇଁ ଭାରି ଅସ୍ତବ୍ୟସ୍ତ ଲାଗେ। ଆଉ ଏମିତିରେ ଯେତେବେଳେ ବାହାରିବାକୁ ପଡେ ଅନେକଙ୍କ ମନକୁ ଆସିଥାଏ ଏଭଳି ଏକ ଏସି(ଏୟାର କଣ୍ଡିସନର୍) ଥାଆନ୍ତା କି ଯାହା ଆମ ସହ ଯାଇପାରୁଥାନ୍ତା। ଆଉ ଏଇ ଭାବନାକୁ ବାସ୍ତବରେ ପରିଣତ କରିଛି ମାଚ୍ୟୁରା ପ୍ରୋ ନାମକ କମ୍ପାନୀ। ଉକ୍ତ କମ୍ପାନୀ ପ୍ରଥମକରି ଏଭଳି ଏସି ତିଆାରି କରିଛି, ଯାହାକୁ ଜଣେ ନିଜ ବେକରେ ଟାଙ୍ଗି ଯେଉଁଆଡେ ବି ଯାଇପାରିବେ। ଏହା ହେଉଛି ପୃଥିବୀର ପ୍ରଥମ ପୋର୍ଟେବଲ ଏୟାର କଣ୍ଡିଶନର୍। ଏହାକୁ ବେକରେ ପକାଇଲେ ଥଣ୍ଡା ଥଣ୍ଡା ପବନ ବାହାରି ବେଶ୍ ଥଣ୍ଡା ଅନୁଭୂତ କରାଇବ। ଏହାକୁ ଉଭୟ ଫ୍ୟାନ୍ ଓ କୁଲିଂ ମୋଡରେ ବ୍ୟବହାର କରିହେବ। କୁଲିଂ ମୋଡରେ ୧୮ ଡିଗ୍ରି ଫାରେନହାଇଟ୍ ପର୍ଯ୍ୟନ୍ତ ଥଣ୍ଡା ପବନ ଦିଏ। ଏହି ଡିଭାଇସକୁ ଚଳାଇବା ଲାଗି ଏକ ଆପ୍ ରହିଛି, ଯାହାଦ୍ୱାରା ପବନକୁ ନିୟନ୍ତ୍ରଣ କରିହେବ। ଉକ୍ତ ଓ୍ବେରେବଲ୍ ଏସିକୁ ଟ୍ବିଟ ଟର୍ବୋ ପିଡବଲ୍ୟୁଏମ୍ ମୋଟର ଦ୍ୱାରା ଚଲାଯାଏ। ଏଥିରେ ଥିବା ୨୬ଟି ଛୋଟ ଛୋଟ ଫ୍ୟାନ ପିନ୍ଧିଥିବା ବ୍ୟକ୍ତିଙ୍କ ବେକ ପାଖର ଉଷ୍ମତାକୂ ଦୂର କରି ଥଣ୍ଡା ପବନ ଦେବ। ଏହା ଭିତରେ ଏକ ଭିସି ପ୍ଲେଟ୍, ଲିକ୍ୱିଡ କୁଲ୍ଡ , ହିଟ ଇକ୍ୱାଲାଇଜିଂ ମେକାନିଜିମ୍ ଅଛି। ତାସହ ୧୨୧ ଯୋଡି ସେମିକଣ୍ଡକ୍ଟର ବି ଲାଗିଛି। ଏହାର ବ୍ୟାଟେରୀ ଖୁବ୍ ଶୀଘ୍ର ଚାର୍ଜ ହେବା ସହ ଥରେ ଚାର୍ଜ ହେଲେ ୮ ଘଣ୍ଟା ବ୍ୟବହାର କରିହେବ। ଏହି ଏସିର ଓଜନ ମାତ୍ର ୪୩୫ ଗ୍ରାମ। ଆଉ ଏହା ଗରମ ତାପମାତ୍ରାକୁ ଥଣ୍ଡା କରିବାରେ ସମ୍ପୂର୍ଣ୍ଣ ସକ୍ଷମ। ଅଧିକ ଭାରି ହୋଇ ନ ଥିବାରୁ ବେକକୁ କଷ୍ଟ ବି ହେବ ନାହିଁ। ଏହାର ମୂଲ୍ୟ ୧୨୦୦୦ ଟଙ୍କା ରଖାଯାଇଛି।
