ମୁଗେଲୋ (ଇଟାଲୀ), ୧୩ା୯ (ଏପି)-ଟସ୍କାନ ଫର୍ମୁଲା ଓ୍ବାନ୍ ଗ୍ରାଁ ପ୍ରି ମୋଟର ରେସ୍ ପାଇଁ ଲୁଇସ୍ ହାମିଲଟନ ତାଙ୍କ ମର୍ସିଡିଜ୍ ଟିମ୍ମେଟ୍ ଭାଲଟେରି ବୋଟାସ୍ଙ୍କୁ .୦୫୯ ସେକେଣ୍ଡ ପଛରେ ପକାଇ ପୋଲ୍ ପୋଜିଶନ ହାସଲ କରିଛନ୍ତି। ଏହାଦ୍ୱାରା ତାଙ୍କ ପୋଲ୍ପୋଜିଶନ ରେକର୍ଡ ସଂଖ୍ୟା ୯୫କୁ ବୃଦ୍ଧି ପାଇଛି। ଏହି ସିଜନରେ ମର୍ସିଡିଜ୍ ଏପର୍ଯ୍ୟନ୍ତ ସମସ୍ତ ପୋଲ ପୋଜିଶନ ହାସଲ କରିଥିବା ବେଳେ ହାମିଲଟନ ୭ ଏବଂ ବୋଟାସ ୨ ଥର ପୋଲ ପୋଜିଶନ ହାସଲ କରିଛନ୍ତି। ରେଡ୍ବୁଲ୍ର ମାକ୍ସ ଭର୍ଷ୍ଟାପେନ୍ ହାମିଲଟନଙ୍କଠାରୁ .୩୬୫ ସେକେଣ୍ଡ ପଛରେ ତୃତୀୟ ହୋଇଥିଲେ। ତାଙ୍କ ଟିମ୍ମେଟ୍ ଆଲେକ୍ଜାଣ୍ଡର ଆଲବନ ଫେରାରିର ଚାଲର୍ସ ଲେକ୍ରେକ୍ଙ୍କ ଆଗରେ ଚତୁର୍ଥ ସ୍ଥାନ ଅଧିକାର କରିଥିଲେ। କରୋନା ମହାମାରୀ ସମୟରେ ସିଜନର ୯ମ ଫର୍ମୁଲା ଓ୍ବାନ୍ କ୍ୱାଲିଫାଇଂ ସେସନରେ ପ୍ରଥମ ଥର ଦର୍ଶକଙ୍କ ଉପସ୍ଥିତି ଦେଖିବାକୁ ମିଳିଥିଲା। ପ୍ରାୟ ୩,୦୦୦ ଦର୍ଶକ ତିନୋଟି ଷ୍ଟାଣ୍ଡ୍ରେ ଭାଗହୋଇ ରେସ୍କୁ ଉପଭୋଗ କରିଥିଲେ।
