ଭୁବନେଶ୍ୱର, ୧୩।୯ : ବେଦାନ୍ତ ଲାଞ୍ଜିଗଡ଼ ଚଳିତ ବର୍ଷର ସିଆଇଆଇ ଏକ୍ସିଲେନ୍ସ ପୁରସ୍କାର ପ୍ରାପ୍ତ ହୋଇଛି। କମ୍ପାନୀରେ କାର୍ଯ୍ୟରତ ୨୫୦୦ରୁ ଊର୍ଦ୍ଧ୍ୱ କର୍ମଚାରୀଙ୍କର ସୁରକ୍ଷା, ସ୍ବାସ୍ଥ୍ୟ ଏବଂ ପରିବେଶ କ୍ଷେତ୍ରର ଉଲ୍ଲେଖନୀୟ କାର୍ଯ୍ୟପନ୍ଥା ସହ ଦାୟିତ୍ୱବୋଧତା ପାଇଁ ସିଆଇଆଇ ପୂର୍ବାଞ୍ଚଳ ପକ୍ଷରୁ ଏହି ଉକତ୍ର୍ଷ ପୁରସ୍କାର ପ୍ରଦାନ କରାଯାଇଛି। ଉକ୍ତ ଗାଇଡ୍ଲାଇନ ଓ କାର୍ଯ୍ୟକ୍ରମରେ ପ୍ରାୟ ୪୪ଟି ସଂସ୍ଥା ଅଂଶଗ୍ରହଣ କରିଥିଲେ। ଭର୍ଚୁଆଲ ମାଧ୍ୟମରେ ଗତ ୧୦ ସେପ୍ଟେମ୍ବରରେ ସିଆଇଆଇ ପକ୍ଷରୁ ଆୟୋଜିତ ଚତୁର୍ଦ୍ଦଶ ସୁରକ୍ଷା ପ୍ରଦର୍ଶନୀ ଏବଂ ଆଲୋଚନା ସମାରୋହରେ କମ୍ପାନୀ ପକ୍ଷରୁ ମୁଖ୍ୟ ପରିଚାଳନା ଅଧିକାରୀ ରାକେଶ ମୋହନ ଏହି ପୁରସ୍କାର ଗ୍ରହଣ କରିଥିଲେ। ଏହି ସମାରୋହରେ ଉପସ୍ଥିତ ଅତିଥିବୃନ୍ଦ ବେଦାନ୍ତ ଲାଞ୍ଜିଗଡ଼ ସୁରକ୍ଷା ତଥା ନିରନ୍ତର ବିକାଶ କ୍ଷେତ୍ରରେ ପ୍ରୟାସ ଏବଂ ସଂକଳ୍ପକୁ ପ୍ରଶଂସା କରିଥିଲେ। ଏହି ଅବସରରେ ବେଦାନ୍ତ ଲାଞ୍ଜିଗଡ଼ର ପରିଚାଳନା କମିଟି ଓ କମ୍ପାନୀ କର୍ତ୍ତୃପକ୍ଷଙ୍କ ଦାୟିତ୍ୱବୋଧ ଯୋଗୁ ସମ୍ଭବ ହୋଇପାରିଛି ବୋଲି ରାକେଶ ମୋହନ କହିଥିଲେ।
