କୋକସରା,୮।୮(ଡି.ଏନ୍.ଏ.): କଳାହାଣ୍ଡି ଜିଲା କୋକସରା ପୋଲିସ ୪ ଆନ୍ତଃରାଜ୍ୟ ଗଞ୍ଜେଇ ମାଫିଆଙ୍କୁ ଗିରଫ କରିଥିବା ଜଣେ ଫେରାର ଥିବା ଜଣାପଡ଼ିଛି। ଗିରଫ ୪ଜଣ ଉତ୍ତରପ୍ରଦେଶର ଇଲାହାବାଦ ଅଞ୍ଚଳର। ସେମାନେ ହେଲେ କୂଳଦୀପ ଗୁପ୍ତା(୧୯), ସରୋଜ ସିଂ (୨୪), ରବି ଶଙ୍କର ଚୌହାନ(୨୦), ଅନିଲ କୁମାର ବିନ୍ଦ(୨୪) ଓ ମୁଖ୍ୟ ନଦୀମ ଖାଁ(୨୪) ଫେରାର ହୋଇଥିବା ସୂଚନା ମିଳିଛି। ଏ ନେଇ କୋକସରା ଥାନାରେ ଏକ ମାମଲା (ନଂ.୧୫୯/୨୧) ରୁଜୁ ହୋଇଛି। ସୋମବାର ସମସ୍ତଙ୍କୁ କୋର୍ଟ ଚାଲାଣ କରାଯିବ ବୋଲି ଥାନା ଅଧିକାରୀ ରମଣୀ ରଞ୍ଜନ ଦଳେଇ କହିଛନ୍ତି ।
ଏକ ବିଶ୍ୱସ୍ତସୂତ୍ରରୁ ଖବର ପାଇ କୋକସରା ପୋଲିସ ଶନିବାର ଆମପାଣି-ମୋଟେର ରାସ୍ତାରେ ଛକି ରହିଥିଲା। ସେହି ସମୟରେ ଆମପାଣି ପଟୁ ୨ଟି କାର ଦ୍ରୁତଗତିରେ ଆସୁଥିଲା। ହେଲେ ପୋଲିସକୁ ଦେଖି ଏକ ଧଳା ରଙ୍ଗର କାର (ନଂ.ଓଆର୦୨ଏୟୁ-୨୩୮୩) କୋକସରା ନିକଟସ୍ଥ ଅଲାଗୁଡା ଗ୍ରାମ ନିକଟରେ ଅଟକି ଯାଇଥିଲା। ଗାଡିରେ ଥିବା ସମସ୍ତେ ଫେରାର ହୋଇଯାଇଥିଲେ। ଅନ୍ୟ ଏକ କାର (ନଂ.ଡିଏଲ୪ସିଏୱବ୍ଲୁ-୪୩୧୩)କୁ ପୋଲିସ ଅଲାଗୁଡାରୁ ଜବତ କରିବା ସହ ୨ଜଣଙ୍କୁ ଧରିଥିଲା। ପରବର୍ତ୍ତି ସମୟରେ ପୋଲିସ ଅଟକ ଅଭିଯୁକ୍ତଙ୍କଠାରୁ ତଥ୍ୟ ପାଇ ଫେରାର ଥିବା ଅନ୍ୟ ୨ ଜଣଙ୍କୁ ଧରିଥିଲା। ୨ଟି କାରରୁ ୩ କୁଇଣ୍ଟାଲ ଗଞ୍ଜେଇ ଜବତ କରାଯାଇଛି।
