ପାଟଣାଗଡ଼ ୭।୧ (ସଚ୍ଚିଦାନନ୍ଦ ମହାକୁର): ବଲାଙ୍ଗୀର ଜିଲା ପାଟଣାଗଡ ଥାନା ଧାତୁକ ପଞ୍ଚାୟତ ମଲ୍ଲିକମୁଣ୍ଡା ଗ୍ରାମର ଅନତି ଦୂରରେ ରାସ୍ତା କଡର ଏକ ଗଛରୁ ଜଣେ ଯୁବକଙ୍କ ଝୁଲନ୍ତା ମୃତଦେହ ବୁଧବାର ଉଦ୍ଧାର କରିଛି ପୋଲିସ। ମୃତ ଯୁବକ ଜଣକ ହେଲେ ଉକ୍ତ ଥାନା ବରବାହାଲ ଗାଁର କ୍ଷେତ୍ର କରୁଆଳ ବୋଲି ଜଣାପଡିଛି। ମୃତ ଯୁବକ ଜଣଙ୍କ ମଙ୍ଗଳବାର ଦୋକାନ ସାମଗ୍ରୀ କିଣିବା ପାଇଁ ବାଇକ ଯୋଗେ ଯୋଗିମୁଣ୍ଡା ଗ୍ରାମକୁ ଆସି ସେ ଆଉ ଘରକୁ ଫେରିନଥିଲେ । ତାଙ୍କ ପରିବାର ଲୋକେ ଯୁବକଜଣଙ୍କୁ ବହୁ ଖୋଜାଖୋଜି କରିବାପରେ ଯୁବକଙ୍କ ଝୁଲନ୍ତା ମୃତଦେହ ଦେଖିବାକୁ ପାଇ ପୋଲିସକୁ ଖବରଦେଇଥିଲେ। ଖବରପାଇ ଘଟଣାସ୍ଥଳକୁ ପାଟଣାଗଡ଼ ପୋଲିସ ପହଞ୍ଚି ସାଇଣ୍ଟିଫିକଟିମର ସହାୟତା ନେଇଥିଲା। ସାଇଣ୍ଟିଫିକ ଟିମ ଆସିବାପରେ ମୃତଦେହକୁ ଜବତକରି ଯାୟାଞ୍ଚ କରିଥିଲା । ଯାଞ୍ଚ ପରେ ପୋଲିସ କେଶ ନଂ ୧-୨୬ ଏକ ମାମଲା ରୁଜୁ କରି ଅଧିକ ତଦନ୍ତ ଜାରି ରଖିବା ସହ ମୃତଦେହ ବ୍ୟବଚ୍ଛେଦ ପାଟଣାଗଡ଼ ଡାକ୍ତରଖାନାକୁ ପଠାଯାଇଥିଲା । ମୃତଦେହ ବ୍ୟବଚ୍ଛେଦ ପରେ ପରିବାରର ବର୍ଗଙ୍କୁ ହସ୍ତାନ୍ତର କରାଯିବ ବୋଲି ପୋଲିସ ସୁତ୍ରରୁ ଜଣାପଡିଛି ।
