ଭୁବନେଶ୍ୱର,୧୫ା୮(ସତ୍ୟଜିତ୍ ରାଉତ): ବିଭିନ୍ନ କ୍ଷେତ୍ରରେ ଉତ୍ତମ କାର୍ଯ୍ୟ ଓ ଉଲ୍ଲେଖନୀୟ ସେବା ପାଇଁ ଓଡ଼ିଶାରୁ ୧୭ ଜଣଙ୍କୁ ପୋଲିସ ପଦକ ପ୍ରଦାନ କରାଯିବ। ୭୭ତମ ସ୍ବାଧୀନତା ଦିବସ ପାଳନର ଅବ୍ୟବହିତ ପୂର୍ବରୁ ସୋମବାର ଏନେଇ ସ୍ବରାଷ୍ଟ୍ର ମନ୍ତ୍ରାଳୟ ପକ୍ଷରୁ ଘୋଷଣା କରାଯାଇଛି। ଉଲ୍ଲେଖନୀୟ ସେବା ପାଇଁ ରାଜ୍ୟ ପୋଲିସ ମୁଖ୍ୟାଳୟର ଏଡିଜିପି (ମଡର୍ନାଇଜେଶନ୍) ସଞ୍ଜୟ କୁମାର ଓ ଭୁବନେଶ୍ୱରସ୍ଥିତ ବିଜୁ ପଟ୍ଟନାୟକ ଷ୍ଟେଟ୍ ପୋଲିସ ଏକାଡେମୀ (ବିପିଏସ୍ପିଏ)ର ଅତିରିକ୍ତ ଏସ୍ପି ରବୀନ୍ଦ୍ର ନାଥ ଶତପଥୀଙ୍କୁ ‘ରାଷ୍ଟ୍ରପତି ପୋଲିସ ପଦକ’ ମିଳିବ। ସେହିଭଳି ସାହସିକତା ପାଇଁ ‘ପୋଲିସ ପଦକ’ ପାଇବାକୁ ମନୋନୀତ ପୋଲିସ କର୍ମଚାରୀ ହେଲେ ସୁବେଦାର ପ୍ରହଲ୍ଲାଦ ହିମିରିକା, ଏସ୍ଆଇ ସନ୍ତୋଷ କୁମାର ଗୁରୁ, କମାଣ୍ଡୋ ସୁନୀଲ କୁମାର ବରିହା ଓ କନ୍ଷ୍ଟେବଲ ସୁଜିତ କୁମାର ରାଣା। ଅନ୍ୟପକ୍ଷରେ ପ୍ରଶଂସନୀୟ ସେବା କାର୍ଯ୍ୟ ପାଇଁ ଉତ୍ତରାଞ୍ଚଳ ଆଇଜିପି ଦୀପକ କୁମାର, ବିଜୁ ପଟ୍ଟନାୟକ ଷ୍ଟେଟ୍ ପୋଲିସ ଏକାଡେମୀ(ବିପିଏସ୍ପିଏ)ର ଅତିରିକ୍ତ ଏସ୍ପି ଅନନ୍ତ ଚରଣ ପତି, କଟକ ଅତିରିକ୍ତ ଏସ୍ପି ବେଣୁଧର ନାୟକ, ବ୍ରହ୍ମପୁର ଟାଉନ ଏସ୍ଡିପିଓ ରାଜୀବ ଲୋଚନ ପଣ୍ଡା, ଭୁବନେଶ୍ୱର ଭିଜିଲାନ୍ସ ଡିଭିଜନ୍ ଡିଏସ୍ପି ଅମିତା ତ୍ରିପାଠୀ, ମୟୂରଭଞ୍ଜର ସିଆଇ ହାବିଲଦାର କୃଷ୍ଣଚନ୍ଦ୍ର ମହନ୍ତ, ଦେବଗଡ଼ ପୋଲିସ ରିଜର୍ଭ ଅଫିସ୍ର କନ୍ଷ୍ଟେବଲ ପିଟର ତିର୍କୀ, ଖୋର୍ଦ୍ଧାର ଏଏସ୍ଆଇ ଗୁପ୍ତା ପ୍ରସାଦ ମହାନ୍ତି, କନଷ୍ଟେବଲ ସୁଶାନ୍ତ କୁମାର ମାଝୀ, ସମ୍ବଲପୁର ଏସ୍ଆଇ (ଆର୍ମଡ୍) ଦିଲୀପ କୁମାର ନାୟକ ଓ ଭୁବନେଶ୍ୱରର ଇନ୍ସପେକ୍ଟର ଉମାକାନ୍ତ ପ୍ରଧାନଙ୍କୁ ପୋଲିସ ପଦକ ପ୍ରଦାନ କରାଯିବ। ତେବେ ପୋଲିସ ପଦକ ପାଇବାକୁ ମନୋନୀତ ସମସ୍ତଙ୍କୁ ରାଜ୍ୟ ପୋଲିସ ପକ୍ଷରୁ ସାମାଜିକ ଗଣମାଧ୍ୟମ ଜରିଆରେ ଅଭିନନ୍ଦନ ଜଣାଯାଇଛି।
