ଭୁବନେଶ୍ୱର,୧୯।୭ (ଅଭୟ ଦାଶ): ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍ବି),ବ୍ରହ୍ମପୁର ମଣ୍ଡଳର ସ୍ଥାନାନ୍ତରିତ (ଦୁରା ଶାଖାର ନୂତନ ପରିସର) ଶାଖା ନିକଟରେ ଉଦ୍ଘାଟିତ ହୋଇଯାଇଛି। ଉଲ୍ଲେଖଯୋଗ୍ୟ, ଗଞ୍ଜାମ ଜିଲା ବ୍ରହ୍ମପୁର ତହସିଲ ଅଧୀନ ପିଏନ୍ବି ଦୁରା ଶାଖାକୁ ନିକଟରେ ସ୍ଥାନାନ୍ତର କରାଯାଇଛି। ଏହି ଅବସରରେ ପିଏନ୍ବି ଭୁବନେଶ୍ୱର ଅଞ୍ଚଳର ଆଞ୍ଚଳିକ ମୁଖ୍ୟ ରାଜେଶ କୁମାର ସମ୍ମାନିତ ଅତିଥି ଭାବେ ଯୋଗ ଦେଇ ଏହାର କରିଥିଲେ। ଅନ୍ୟମାନଙ୍କ ମଧ୍ୟରେ ବ୍ରହ୍ମପୁର ମଣ୍ଡଳର ମଣ୍ଡଳ ମୁଖ୍ୟ ଡ. ଆଲୋକ ରଞ୍ଜନ ସେନାପତି, ଦୁରା ପଞ୍ଚାୟତର ସରପଞ୍ଚ ବିଷ୍ଣୁପ୍ରିୟା ବେହେରା ପ୍ରମୁଖ ଅତିଥିଭାବେ ଯୋଗଦେଇଥିଲାବେଳେ ପିଏନ୍ବି ମଣ୍ଡଳ ମୁଖ୍ୟ ପ୍ରବନ୍ଧକ ସୁବ୍ରତ କୁମାର ସେଠୀ, ପ୍ରବନ୍ଧକ ଜଗଜ୍ୟୋତି ମିଶ୍ର, ପ୍ରବନ୍ଧକ ଡି.ମାହେଶ୍ୱରୀ ପାତ୍ର ଏବଂ ଶାଖାର ଅନ୍ୟମାନେ ଉପସ୍ଥିତ ଥିଲେ।
ଏହି ପରିପ୍ରେକ୍ଷୀରେ ଶାଖା ପକ୍ଷରୁ ଏକ ଗ୍ରାହକ ସମ୍ମିଳନୀର ଆୟୋଜନ କରାଯାଇଥିଲା, ଯେଉଁଥିରେ ପିଏନ୍ବିର ଆଞ୍ଚଳିକ ମୁଖ୍ୟ ରାଜେଶ କୁମାର ବ୍ୟାଙ୍କର ଡିଜିଟାଲ ଉପତ୍ାଦ, ଅନ୍ଲାଇନ ଋଣ ସୁବିଧା ଏବଂ ବ୍ୟାଙ୍କିଙ୍ଗ୍ ସେବାକୁ ଗ୍ରାହକଙ୍କ ପାଇଁ ସହଜ କରିବାର ପ୍ରତିବଦ୍ଧତା ଉପରେ ବିସ୍ତୃତ ଆଲୋଚନା କରିଥିଲେ। ସେହିଭଳି ପିଏନ୍ବି ବ୍ରହ୍ମପୁର ମଣ୍ଡଳର ମୁଖ୍ୟ ଡ. ସେନାପତି ଗ୍ରାହକ ଓ ସ୍ବୟଂ ସହାୟକ ଗୋଷ୍ଠୀଙ୍କୁ ଉନ୍ନତମାନର ଜୀବନଶୈଳୀ ପାଇଁ ଋଣ ଉପତ୍ାଦ ଓ ଏହାର ଉପଯୋଗିତା ଉପରେ ସମ୍ବୋଧିତ କରିଥିଲେ।
ପରିଶେଷରେ ଶାଖା ମୁଖ୍ୟ ସୀମାଞ୍ଚଳ ସାହୁ, ଉପପ୍ରବନ୍ଧକ ଶ୍ରୀନିବାସ ପଣ୍ଡା ଗ୍ରାହକ ଓ ବରିଷ୍ଠ ଅଧିକାରୀମାନଙ୍କୁ ସେମାନଙ୍କ ସାହାଯ୍ୟ ଓ ସହଯୋଗ ପାଇଁ ଧନ୍ୟବାଦ ଅର୍ପଣ କରିଥିଲେ।
