ନୂଆଦିଲ୍ଲୀ,୧୮।୩: ପ୍ରଧାନମନ୍ତ୍ରୀ ସୂର୍ଯ୍ୟ ଘର ଯୋଜନାକୁ ଗତ ମାସରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଘୋଷଣା କରିଥିଲେ। ଯାହାକୁ ପରେ ଏହି ଆବେଦନ ଆରମ୍ଭ ହୋଇଥିଲା। ବର୍ତ୍ତମାନ ପର୍ଯ୍ୟନ୍ତ ଏହି ଯୋଜନାରେ ଲାଗ ପାଇବା ପାଇଁ ଏକ କୋଟିରୁ ଅଧିକ ଲୋକ ଆବେଦନ କରିସାରିଲେଣି। ପ୍ରଧାନମନ୍ତ୍ରୀ ମୋଦି ଟୁଇଟରରେ ଏକ ପୋଷ୍ଟରେ ଏହି ସୂଚନା ଦେଇଛନ୍ତି ଏବଂ ଲୋକଙ୍କୁ ଏହି ଯୋଜନା ପାଇଁ ଯଥାଶୀଘ୍ର ଆବେଦନ କରିବାକୁ କହିଛନ୍ତି।
ଯଦି ଆପଣ ମଧ୍ୟ ଏହି ଯୋଜନାରେ ଆବେଦନ କରିବାକୁ ଯାଉଛନ୍ତି, ତେବେ ଆପଣ ପ୍ରଧାନମନ୍ତ୍ରୀ ସୂର୍ଯ୍ୟ ଘର ଯୋଜନାର କିଛି ସର୍ତ୍ତ ଏବଂ ନିୟମ ଜାଣିବା ଉଚିତ୍। ପ୍ରଧାନମନ୍ତ୍ରୀ ସୂର୍ଯ୍ୟ ଘର ଯୋଜନା ପାଇଁ ଆବେଦନ କରିବାର ପ୍ରଥମ ସର୍ତ୍ତ ହେଉଛି ଆବେଦନକାରୀ ଭାରତର ନାଗରିକ ହୋଇଥିବା ଉଚିତ୍। ଏହା ବ୍ୟତୀତ ନିଜର ଏକ ଘର ରହିଥିବ ଏବଂ ଘରର ଛାତ ପ୍ୟାନେଲ ସ୍ଥାପନ କରିବା ପାଇଁ ଯଥେଷ୍ଟ ବଡ଼ ରହିଥିବା ଉଚିତ୍। ପ୍ରଧାନମନ୍ତ୍ରୀ ସୂର୍ଯ୍ୟ ଘର ଯୋଜନା ପାଇଁ ଆବେଦନ କରୁଥିବା ବ୍ୟକ୍ତିଙ୍କ ପାଇଁ ଘରେ ଏକ ବୈଧ ବିଦ୍ୟୁତ୍ ସଂଯୋଗ ରହିଥିବା ମଧ୍ୟ ଆବଶ୍ୟକ । ତେବେ ଆବେଦନକାରୀ ପରିବାର ସରକାରଙ୍କ କୌଣସି ସୌର ପ୍ୟାନେଲ ଯୋଜନାର ଫାଇଦା ନେଇସାରିଛନ୍ତି କିମ୍ବା ସୌର ପ୍ୟାନେଲ ସ୍ଥାପନ କରିସାରିଛନ୍ତି, ତେବେ ସେମାନେ ଏହି ଯୋଜନାର ଲାଭ ପାଇବେ ନାହିଁ।
