ନାଗପୁର,୩୦।୩: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର ନାଗପୁର ଗସ୍ତରେ ଅଛନ୍ତି। ସେ ଆରଏସ୍ଏସ୍ ମୁଖ୍ୟାଳୟରେ ପହଞ୍ଚିବା ପରେ ସ୍ମୃତି ମନ୍ଦିରରେ ସଂଘର ପ୍ରତିଷ୍ଠାତା ଡକ୍ଟର କେ ବି ହେଡ୍ଗେୱାରଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ଏହି ସମୟରେ ଆରଏସ୍ଏସ୍ ମୁଖ୍ୟ ମୋହନ ଭାଗବତ ମଧ୍ୟ ପ୍ରଧାନମନ୍ତ୍ରୀ ମୋଦିଙ୍କ ସହିତ ଥିଲେ। ତେବେ ହେଡ୍ଗେୱାରଙ୍କ ସହିତ ପ୍ରଧାନମନ୍ତ୍ରୀ ମୋଦୀ ମାଧବ ସଦାଶିବ ଗୋଲୱାଲକରଙ୍କୁ ମଧ୍ୟ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।
ତେବେ ପ୍ରଧାନମନ୍ତ୍ରୀ ଭାବରେ ନରେନ୍ଦ୍ର ମୋଦି ପ୍ରଥମ ଥର ପାଇଁ ଆରଏସ୍ଏସ୍ ମୁଖ୍ୟାଳୟରେ ପହଞ୍ଚିଛନ୍ତି। ଅଟଳ ବିହାରୀ ବାଜପେୟୀ ପ୍ରଧାନମନ୍ତ୍ରୀ ଥିବା ସମୟରେ ସଂଘ ମୁଖ୍ୟାଳୟ ମଧ୍ୟ ଯାଇଥିଲେ। ଆରଏସ୍ଏସ୍ ଏହାର ଶତବାର୍ଷିକୀ ବର୍ଷ ପାଳନ କରୁଛି।
ପ୍ରଧାନମନ୍ତ୍ରୀ ମୋଦି ତାଙ୍କ ନାଗପୁର ଗସ୍ତ ସମୟରେ ମାଧବ ନେତ୍ରାଳୟ ହସ୍ପିଟାଲର ଭୂମି ପୂଜନ କରିବେ। ଏହା ପରେ ପ୍ରଧାନମନ୍ତ୍ରୀ ମୋଦି ଡକ୍ଟର ହେଡ୍ଗେୱାର ଏବଂ ଏମ୍ଏସ୍ ଗୋଲୱାଲକରଙ୍କ ସମାଧିରେ ପୁଷ୍ପ ଅର୍ପଣ କରିବେ। ସେ କିଛି ସମୟ ପାଇଁ ସଂଘର କର୍ମୀମାନଙ୍କ ସହିତ ମଧ୍ୟ ଆଲୋଚନା କରିବେ। ଏହି ସମୟରେ ଆରଏସଏସ ମୁଖ୍ୟ ମୋହନ ଭାଗବତ ମଧ୍ୟ ଉପସ୍ଥିତ ରହିବେ ବୋଲି ଜଣାପଡ଼ିଛି।
#WATCH | PM Narendra Modi received by Maharashtra CM Devendra Fadnavis and Union Minister Nitin Gadkari at Nagpur airport
PM Modi will visit RSS’ Smruti Mandir and thereafter to Deekshabhoomi. After that, he will lay the foundation stone for Madhav Netralaya Premium Centre at… pic.twitter.com/Jns4QsLiTe
— ANI (@ANI) March 30, 2025
ଆରଏସ୍ଏସ୍ ଏହାର ଶତବାର୍ଷିକୀ ବର୍ଷ ପାଳନ କରୁଛି। ଏହି ସମୟରେ ପ୍ରଧାନମନ୍ତ୍ରୀ ମୋଦିଙ୍କ ସଂଘର ରେଶିମବାଗରେ ଥିବା ଡାକ୍ତର ହେଡ୍ଗେୱାର ସ୍ମୃତି ମନ୍ଦିରରେ ପହଞ୍ଚିବା ସମଗ୍ର ଦେଶରେ ଆଲୋଚନାର ବିଷୟ ପାଲଟିଛି।
#WATCH | Maharashtra | PM Narendra Modi pays floral tribute to RSS founder Keshav Baliram Hedgewar at RSS’ Smruti Mandir in Nagpur
RSS chief Mohan Bhagwat is also present
(Source -ANI/DD) pic.twitter.com/6gV2kfXyrK
— ANI (@ANI) March 30, 2025
ପ୍ରଧାନମନ୍ତ୍ରୀ ଭାବରେ ମୋଦି ପ୍ରଥମ ଥର ପାଇଁ ଆରଏସ୍ଏସ୍ ମୁଖ୍ୟାଳୟରେ ପହଞ୍ଚିଛନ୍ତି। ଏହି ସମୟରେ ଆରଏସ୍ଏସ୍ ମୁଖ୍ୟ ମୋହନ ଭାଗବତ ଏବଂ ପ୍ରଧାନମନ୍ତ୍ରୀ ଗୋଟିଏ ମଞ୍ଚରେ ଏକାଠି ରହିବେ। ଏହା ପୂର୍ବରୁ ଉଭୟ ଅଯୋଧ୍ୟାରେ ରାମଲାଲଙ୍କ ପ୍ରାଣ ପ୍ରତିଷ୍ଠା ସମୟରେ ଏକାଠି ଉପସ୍ଥିତ ଥିଲେ।
ଆରଏସ୍ଏସ୍ ସ୍ମୃତି ମନ୍ଦିରରେ କିଛି ସମୟ ବିତାଇବା ପରେ ପ୍ରଧାନମନ୍ତ୍ରୀ ଦୀକ୍ଷାଭୂମି ଯାତ୍ରା କରିବ। ପ୍ରଧାନମନ୍ତ୍ରୀ ଦୀକ୍ଷା ଭୂମିରେ ୧୫ ମିନିଟ ପାଇଁ ରହିବେ। ଦୀକ୍ଷାଭୂମି ହେଉଛି ସେହି ସ୍ଥାନ ଯେଉଁଠାରେ ଡକ୍ଟର ବାବାସାହେବ ଆମ୍ବେଦକର ୧୯୫୬ ମସିହାରେ ବୌଦ୍ଧ ଧର୍ମରେ ଦୀକ୍ଷା ନେଇଥିଲେ। ସେଠାରୁ ପ୍ରଧାନମନ୍ତ୍ରୀ ସିଧାସଳଖ ମାଧବ ନେତ୍ରାଳୟର ଭୂମି ପୂଜନରେ ପହଞ୍ଚିବେ। ପ୍ରଧାନମନ୍ତ୍ରୀ ଭୂମି ପୂଜନ ସ୍ଥଳରେ ପ୍ରାୟ ଦେଢ଼ ଘଣ୍ଟା ରହିବେ। ଆର୍ଏସ୍ଏସ୍ ମୁଖ୍ୟ ମୋହନ ଭାଗବତ ମଧ୍ୟ ତାଙ୍କ ସହିତ ମଞ୍ଚ ଉପରେ ରହିବେ। ମାଧବ ନେତ୍ରାଳୟ କେନ୍ଦ୍ରର ଶିଳାନ୍ୟାସ ସମାରୋହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ୱାରା କରାଯିବ।
